ထိုအချိန်တွင် လီဝေ့ရန်သည်အလွန်စိတ်ပူပန်မိသွားသည်။
ပြတင်းပေါက်ပေါ်သို့ မိုးတစ်ဖျောက်ဖျောက်ကျသံသည် အခန်း၏လေထုအငွေ့အသက်ကိုပိုမိုအသက်ဝင်လာနေစေသည်။
သတ်မှတ်ထားသောဆေးတစ်ပန်းကန်လုံးကိုကျွေးပြီးသွားသောအခါ သမားတော်၏အင်္ကျီစသည် ချွေးများဖြင့်စိုစွတ်လာသည်ပင်။ ယနေ့သူသည် အန္တရာယ်များသောခြေလှမ်းကိုလှမ်းလိုက်မိသည်။ ဤချောမောခန့်ညားသောကောင်လေးသာမရှင်သန်နိုင်လျှင်၊ သူသည်လည်းအသက်ဆုံးရှုံးရလိမ့်မည်ဖြစ်သည်။
လီဝေ့ရန်သည် ဘေးမှစောင်ကိုယူ၍ လီမင်တိ၏ ခါးပေါ်သို့ငြင်ငြင်သာသာတင်ထားပေးလိုက်သည်။ လီမင်တိကမျက်လုံးများကိုမှိတ်ထားလျက်တောင် သူ့မျက်ခုံးများကတွန့်လိမ်လာပြီးနဖူးကချွေးများဖြင့်စိုစွတ်လာသည်။
ဒါကအလွန်နာကျင်ရမှာပဲ။ လီဝေ့ရန်သည်စိတ်မကောင်းဖြစ်နေမိပြီး အစေခံ၏လက်ပေါ်ရှိလက်ကိုင်ပုဝါကိုယူ၍ သူ၏မျက်နှာကိုငြင်ငြင်သာသာသုတ်ပေးလိုက်သည်။ သူမက ဂရုတစိုက်သတိထားပြီး သုတ်ပေးသော်လည်းလီမင်တိ၏ ကိုယ်သည်တုန်တက်သွားသည်။
မီးခိုးရောင်ဝတ်ထားသောလူက တီးတိုးမေးသည်။
"ဘယ်လိုလဲ? "
"နေထွက်တဲ့အထိသာ သူအသက်ရှင်နိုင်မယ်ဆိုရင်သူစိုးရိမ်စရာမရှိတော့ပါဘူး"
သမားတော်ကသူ့ချွေးတွေကိုသုတ်လိုက်ပြီး
"အောင်မြင်မလား မအောင်မြင်ဘူးလားဆိုတာဒီပေါ်မှာပဲမူတည်တယ်"
"ဖြစ်နိုင်ခြေကဘယ်လိုရှိလဲ?"
မီးခိုးရောင်ဝတ်စုံနှင့်လူက ထပ်မမေးပဲမနေနိုင်ဖြစ်နေသည်။
နာရီဝက်တစ်ခါတိုင်းမှာ ဒီလူကထပ်မေးနေသည်။ သမားတော်ကထပ်ခါတလဲလဲမေးခံရသဖြင့် သူ၏စိတ်ကပိုပိုပြီးစိုးရိမ်လာတယ်။ သူ့စိတ်ထဲမှာတော့သူကယုံကြည်မှုအပြည့်အဝမရှိပေမယ့် သူကပြောဖို့မဝံ့သဖြင့် ဟုတ်ကဲ့ဟုသာပြန်ပြောနိုင်သည်။
ထိုအချိန်တွင် လီမင်တိ၏မျက်ဝန်းများကရုတ်တရက်ပွင့်လာပြီးနောက် လီဝေ့ရန်ကိုကြည့်လိုက်ပြီး သူ၏နာကျင်မှုအရိပ်အယောင်မျက်ဝန်းများသည်ခဏတာပျောက်ကွယ်သွားပြီးမီးခိုးရောင်ဖြင့်ထိုလူအား
YOU ARE READING
လီဝေ့ရန် (ပထမတွဲ) Unicode
Historical FictionOriginal Name: Princess Wei Yang/Concubine's daughter is Poisonous Original Author : Qin Jian Genre : Drama, Mature, Josei, Romance This is not my own work, so I give full credits to original author and english translators respectfully...