သခင်မကြီးသာ သူမ၏လက်ဖက်ရည်ကိုသောက်လိုက်မိလျှင် အခြားသူတစ်ဦးနှပ်သည့်လက်ဖက်ရည်ကို သောက်နိုင်တော့မည် မဟုတ်ကြောင်း လီဝေ့ရန်ကယုံကြည်ချက်အပြည့်ရှိသည်။ ထော့ပါကျန်းသည် လက်ဖက်ရည်ကိုနှစ်သက်သူဖြစ်သောကြောင့်၊ သူ့ကိုပျော်ရွှင်စေလိုသဖြင့် သူမသည် နာမည်ကြီးသော လက်ဖက်ရည်အဖျော်ဆရာတို့ကို ရှာဖွေခဲ့ပြီး သူတို့ဆီကသင်ကြားမှုကို လက်ခံရရှိခဲ့သည်။ ၈နှစ်ကြာပြီးနောက်မှာတော့ သူမ၏လက်ဖက်ရည်နှပ်စွမ်းရည်သည် အလွန်သာလွန်ပြီးအခြားမည်သူမျှ မကျော်လွန်နိုင်သော ယုံကြည်ချက်ရှိနေပြီဖြစ်သည်။
ပထမသခင်မက ဒီကိစ္စကိုစုံစမ်းမှာကိုလည်း သူမက မကြောက်ပါဘူး။ ဖိင်ချန်ရှိလီအိမ်တော်၏သခင်မလေးများအားလုံးသည် လက်ဖက်ရည်နှပ်နည်းကိုသိကြသူများပင်။ သူမသည် ဖိင်ချန်မှာခဏနေခဲ့တာမို့ သူမရဲ့လက်ဖက်ရည်ဖျော် ကျွမ်းကျင်မှုတိုးတက်လာတာကယုတ္တိရှိတယ်လေ။
ထင်သည့်အတိုင်းပင် မန်ရှီသည် လက်ဖက်ရည်ကိုလွန်စွာကျေနပ်နေသည်။ ပိုနွေးထွေးလာတဲ့အပြုံးနဲ့ဝေ့ရန်ကို သူမကကြည့်လိုက်တယ်။
"မင်းရဲ့လက်ဖက်ရည်နှပ်တဲ့ပုံစံက တခြားသူတွေနဲ့မတူဘူး။ မင်းရဲ့လက်ဖက်ရည်ဖျော် ကျွမ်းကျင်မှုကို ဘယ်မှာသင်ယူခဲ့တာလဲ"
ယခင်ဘဝတွင်မူသူမသည် ၂လပိုင်းတွင်မွေးဖွားခဲ့သော ကိုယ်လုပ်တော်၏သမီးဖြစ်သောကြောင့် သူမ၏အမူအကျင့်နှင့် အပြောအဆိုကိုအလွန်ပင်သတိထားခဲ့ရသည်။ အချိန်တိုင်းတွင် သူမသည် ထောင့်တစ်နေရာမှာပဲတိတ်ဆိတ်စွာထိုင်နေပြီး သခင်မကြီးနှင့် အမြဲထွေရာလေးပါးစကားပြောလေ့မရှိပေ။ သို့သော် ယခုသူမသည် အရင်လိုမဟုတ်တော့ဘူးလေ။ သူမက
"ဘွားဘွား၊ သမီးက ဖိင်ချန်မှာနေတုန်းက သူတို့က တုန်းအိမ်တော်ရဲ့မင်းကတော်စန်းကို ဖိတ်ခေါ်ပြီး သခင်မလေးတွေအနေနဲ့ လက်ဖက်ရည်ကို ဘယ်လိုဖျော်ရမလဲဆိုတာကို သင်ယူစေခဲ့တယ်။ ရလဒ်အနေနဲ့ သမီးလည်းပါဝင်ခဲ့ပြီး အတတ်ပညာအချို့ကို သင်ယူခဲ့တာပါ။ ဒါပေမယ့် သမီးကအခုမှသင်ယူလေ့လာနေဆဲပါ"
YOU ARE READING
လီဝေ့ရန် (ပထမတွဲ) Unicode
Historical FictionOriginal Name: Princess Wei Yang/Concubine's daughter is Poisonous Original Author : Qin Jian Genre : Drama, Mature, Josei, Romance This is not my own work, so I give full credits to original author and english translators respectfully...