လီဝေ့ရန်က သူမကို အေးတိအေးစက်ပင်တည်ငြိမ်စွာကြည့်နေသည်။ နဝမကိုယ်လုပ်တော်သည် မူလက ရုတ်ရုတ်၊ ရုတ်ရုတ်လုပ်ချင်သော်လည်း လီဝေ့ရန်၏မျက်နှာကို မြင်လိုက်ရသောအခါတွင် သူမသည် ရုတ်တရက် ကြောက်လန့်သွားရသည်။ ခဏလောက်တော့ သူမကနောက်ဆုတ်ချင်သွားသော်လည်း သူမ၏ သမီးဖြစ်သူကိစ္စက စိတ်ထဲတွင်ရှိနေသောကြောင့် ရဲဝံ့စွာပင်
"ခုနကတင် သခင်မက လူတွေကိုလွှတ်လိုက်ပြီး ကျင်းအာလေးကို ခေါ်သွားပြီ!"
သတ္တမကိုယ်လုပ်တော်သည် အလွန်အံ့အားသင့်သွားပြီး မင်ကျီကို သတိရှိရှိကြည့်ကာ စိုးရိမ်တကြီးခံစားလိုက်ရသည်။ ဒါသည် မမျှော်လင့်ထားသောကိစ္စဖြစ်ပြီး လီမင်ကျီသည် လီဝေ့ရန်၏မောင်လေးဖြစ်သောကြောင့်၊ အန်းဖိန်ဘွဲ့ရမင်းသမီးအဖြစ် သူလေး၏အစ်မအနေနှင့်ရှိနေသောကြောင့်သာ ကျောင်းယွိလန်က ကလေးကို တည့်တိုးကြီး လုယူမသွားနိုင်ခြင်းဖြစ်သည်။ သို့ပေမယ့် နဝမကိုယ်လုပ်တော်အတွက်ကတော့ ကျောင်းယွိလန်က ယဉ်ကျေးသိမ်မွေ့ပြနေမှာ မဟုတ်ဘူး။
နဝမကိုယ်လုပ်တော်၏မျက်နှာသည် ဖြူဖျော့လာသည်မှာ ကြွေထည်ကဲ့သို့ဖြူဖွေးနေပြီး သူမမှာ ငိုရန်ခွန်အားသာရှိပုံရကာ သူမ၏မျက်ရည်များက ရေတံခွန်ကဲ့သို့စီးကျလာရသည်။ သူမက လီဝေ့ရန်အရှေ့မှာ ဒူးထောက်ထိုင်ချလိုက်ပြီး မျက်ရည်စက်လက်နဲ့ တောင်းပန်အသနားခံတော့သည်။
"အန်းဖိန်၊ အရင်တစ်ခေါက်က ငါ့ရဲ့အမှားပဲ။ ငါ လမ်းလွဲသွားခဲ့ရတာကြောင့် ငါ ဘာလုပ်ရမယ် မလုပ်ရဘူးဆိုတာကို ငါမသိခဲ့ဘူး။ ငါက မင်းကိုတောင် ဒုက္ခပေးဖို့သတ္တိရှိခဲ့မိတယ်! ငါမှားပါတယ်။ ငါမှားမှန်းသိနေပါပြီ။ ငါ့ကိုကူညီပေးဖို့နည်းလမ်းတစ်ခုစဉ်းစားဖို့ ငါတောင်းဆိုပါတယ်။ ငါ့ကျင်းအာလေးကိုပြန်ခေါ်ခွင့်ပြုပါ။ သူမလေးက ငါ့ရဲ့အသွေးအသားတစ်ယောက်ပါ။ သူမလေးကအရမ်းငယ်ပေမယ့်လည်း သခင်မဆီကို ပို့ဆောင်ခံရမှတော့ ငါက ဘယ်လိုလုပ်တည်ငြိမ်နိုင်တော့မလဲ? ငါတောင်းပန်ပါတယ်။ ငါ့ကို ကူညီပေးပြီး သခင်မကြီးကိုအသနားခံပေးပါ။ ကျေးဇူးပြုပြီး သူမကိုအသနားခံပေးပါ!”
YOU ARE READING
လီဝေ့ရန် (ပထမတွဲ) Unicode
Historical FictionOriginal Name: Princess Wei Yang/Concubine's daughter is Poisonous Original Author : Qin Jian Genre : Drama, Mature, Josei, Romance This is not my own work, so I give full credits to original author and english translators respectfully...