လီဝေ့ရန်သည် စာရွက်တစ်ရွက်ကိုထုတ်လိုက်သည်။ စာတွင်ရေးထားသည်က- အရေးတကြီးဆွေးနွေးရန်ရှိသည်။ လျှို့ဝှက်စွာ ချက်ချင်းလာခဲ့ပါ။
ထိုစာကြောင်းသည် မူလစာကြောင်းဖြစ်သော်လည်းပေးပို့သူနေရာတွင် ရှန်းဟွာဟုထည့်သွင်းထားလေသည်။
လီဝေ့ရန်က မသိမသာပြုံးလိုက်ပြီး "ဒီစာကို ကောင်းကျင်းဝမ်းကွဲအစ်ကိုရဲ့ခန္ဓာကိုယ်ပေါ်မှာတွေ့ခဲ့တာပါ။ ရှန်းဟွာဆိုတာကတော့...."
စာကိုကြည့်လိုက်ပြီးနောက်တွင်တော့ အမတ်ချုပ်ကြီးလီ၏မျက်နှာသည်ပြောင်းလဲသွားသည်။ ရှန်းဟွာ၊ ဒီစာလုံးသည် သူချစ်သောသမီး၏နာမည်အတွက် သူချီးမြှောက်ပေးထားသောစကားလုံးပင်ဖြစ်သည်။
ဝေ့ကောင်းသခင်မနှင့်ကောင်းမင်တို့က စာကိုမြင်တော့ စိတ်ရှုပ်သွားသည်။ ဝေ့ကောင်းသခင်မကသူမ၏သားသည် လီဝေ့ရန်ကြောင့် ဒဏ်ရာရသည်ဟုတွေးခဲ့သော်လည်း စာတစ်ရွက်ပေါ်လာလိမ့်မည်ဟု သူမကမတွေးမိခဲ့ပေ။ သူမသည်ငတုံးမှမဟုတ်တာ အရာအားလုံးကို ချက်ချင်းပင်နားလည်သွားသည်။ လီချန်းလဲ့တို့သားအမိက သူမ၏လက်ကိုသုံးပြီး ကိုယ်လုပ်တော်ရဲ့သမီးကိုရှင်းပစ်စေချင်နေတာလား? အဲ့လိုဆိုရင်တောင်မှ သူမသားရဲ့အသက်ကို လောင်းကြေးမထပ်သင့်ဘူးလေ! သူမ၏ မျက်နှာသည် လက်ရှိအခြေအနေကိုအေးစက်စွာကြည့်နေရင်းချက်ချင်းပင်ပိုဆိုးလာသလိုပင်။
မိုးကြိုးပစ်သံကဲ့သို့ စူးရှသောအသံကြောင့် လူတိုင်းလှည့်ကြည့်လိုက်ရာ ပထမသခင်မ၏ မျက်နှာသည် မည်းမှောင်နေပြီး
“လုံးဝအဓိပ္ပါယ်မရှိလိုက်တာ” ဟုပြောလိုက်သည်။
လီဝေ့ရန်၏မျက်နှာသည် တစ်ချက်မျှမပြောင်းလဲပဲ
“အမေ၊ ဒီမှာရှိတဲ့ အစေခံနဲ့အထိန်းတော်တွေကသက်သေခံနိုင်ပါတယ်။ သူတို့အားလုံး ဒါကိုသူတို့မျက်စိနဲ့မြင်ခဲ့တာပါ၊ ဒီစက္ကူစကို ကောင်းကျင်းဝမ်းကွဲအစ်ကိုရဲ့ခန္ဓာကိုယ်ဆီကနေရှာဖွေတွေ့ရှိခဲ့တာပါ”
ပထမသခင်မ၏မျက်လုံးများသည် လူတိုင်းဆီကိုအလျင်အမြန်ရောက်ရှိသွားသည်။
YOU ARE READING
လီဝေ့ရန် (ပထမတွဲ) Unicode
Historical FictionOriginal Name: Princess Wei Yang/Concubine's daughter is Poisonous Original Author : Qin Jian Genre : Drama, Mature, Josei, Romance This is not my own work, so I give full credits to original author and english translators respectfully...