လီ​ဝေ့ရန် (ပထမတွဲ) Unicode

38.အကွက်ချလှုပ်ရှား

မွန်းလွဲပိုင်းတွင်​တော့ လီမင်ဖန်သည်ကိုယ်တိုင်ကိုယ်ကျပင် လီ​ဝေ့ရန်အားလာရောက်တွေ့ဆုံသည်။

သူက အထိန်း​​တော်တစ်​ယောက်ကို တံခါးနားမှာ ချန်ထားခဲ့ပြီး တံခါးဝကိုရောက်သည့်အချိန်တွင် အ​နောက်ဘက် တံခါးရွက်နားတွင် ချန်းကျိုးနယ်မှလာ​​သော အစိမ်း​ရောင်ဖျော့​​ဖျော့ဝတ်စုံကို ၀တ်ဆင်ထားတဲ့ အ​စေခံတစ်ယောက်က ထိုင်​နေရင်း အခြားအ​စေခံ​လေးတစ်ယောက်နဲ့စကားပြောနေတာကို​တွေ့လိုက်ရတယ်။

"မမဇီယန်၊ အစ်မ အခုဘာကိုချုပ်နေတာလဲဟင်?" ဟုအ​စေခံ​လေးက စပ်စပ်စုစုမေးလိုက်သည်။

ဇီယန်သည် သူမ၏ပန်းထိုးလက်ရာကို ထိုအ​စေခံအားပြလိုက်သည်။ လီမင်ဖန်သည် အလွန်မျက်စိအာရုံ​ကောင်းသော​ကြောင့် လက်ကိုင်ပုဝါတွင်ထိုးထားသော ကြာပန်းများနှင့် ပြည့်နေသောကြာကန်၌ အရောင်စုံသော မန်ဒရင်း ဘဲငန်း​မောင်နှံကိုမြင်လိုက်ရသည်။

အ​စေခံ​မလေးက မျက်လုံးဟိုကြည့်ဒီကြည့်လုပ်ရင်းရယ်လိုက်သည်။

"မမဇီယန်က လက်ထပ်ချင်နေတာပဲ။ တစ်ရက်​တော့ အစ်မကို ကောင်းတဲ့တွဲဖက်နဲ့​ပေးတွေ့ဖို့ တတိယသခင်မ​လေးကို မေးကြည့်သင့်တယ်"

ဇီယန်၏မျက်နှာသည် နီရဲလာပြီး လက်ကိုင်ပုဝါကိုပြန်ယူကာ အ​စေခံ​​မလေး၏ပခုံးကိုအားမပါပဲရိုက်လိုက်သည်။

"ဒီလိုအမှိုက်သရိုက်စကားတွေမပြောနဲ့လေဟဲ့"

ဇီယန်သည် ယခုနှစ်တွင်၁၅နှစ်ရှိပြီဖြစ်ပြီး သူမတွင် ဘဲဥပုံမျက်နှာ​​လေးနှင့်ကြည့်​ကောင်း​သော အသားအရည်ရှိသည်။ သူမရဲ့အပြုံးကကြာပန်းပွင့်လေးနဲ့တူပြီး အခြားသူတွေရဲ့အာရုံကိုဆွဲဆောင်နိုင်သလိုပင်။ လီမင်ဖန်က သူမကိုတည်ငြိမ်စွာတစ်ချက်ကြည့်လိုက်ပြီးနောက် သူ့နှလုံးသား၌ထူးဆန်းသောခံစားချက်တစ်ခုပေါ်ပေါက်လာသည်။ အ​စေခံမလေးကပြုံးပြီး