လီ​ဝေ့ရန် (ပထမတွဲ) Unicode

40.လက်​​ဆောင်အပြန်လှန်ပို့ရာမှ မုန်တိုင်းထန်

တကယ်ပင် ဇီယန်သည် နေ့ရောညပါအလုပ်လုပ်သဖြင့် မကြာမီအချိန်တွင် အလွန်ပြောင်မြောက်လှသောပန်းထိုးလက်ရာ ချယ်လှယ်ထား​သော အ​ဆောင်အိတ်ကိုပြုလုပ်နိုင်ခဲ့ပြီး သခင်လေး၏ ရှူကျူးယွမ်အ​ဆောင်ဆီသို့ ပို့​ဆောင်နိုင်လိုက်သည်။

လီဝေ့ရန်သည်​ စောင့်ကြည့်နေသော်လည်း ဘာမှမသိဟန်​ဆောင်ကာပြုမူရင်း လူအများရှေ့တွင်လည်း ထိုအကြောင်းကိုမပြောဘဲနေခဲ့သည်။ သိပ်မကြာခင်မှာပဲ သူမကအ​ဆောင်အိတ်က တန်ဖိုးနည်းလွန်းသည်ဆိုတဲ့အကြောင်းပြချက်ကိုသုံးပြီး ကျောက်စိမ်းမှင်တုံးတစ်တုံးကိုပါ ထပ်ပို့​စေလိုက်တယ်။ ဇီယန်သည် သခင်​လေးကို ​တွေ့မြင်ရန် ​နောက်ထပ်အခွင့်အလမ်းကို ရသောကြောင့် ဝမ်းသာအားရခုန်​ပေါက်ကာ အ​ပျော်လွန်ပြီးသတိလက်လွတ်ဖြစ်​နေသည်ပင်။

နွေဦးပွဲတော်နီးကပ်လာသည်နှင့်အမျှ သခင်​တွေ၏စိတ်နေစိတ်ထားများလည်း ပိုမိုကောင်းမွန်လာသည်။ အ​စေခံများနှင့် အထိန်း​တော်များသည် သခင်​တွေများဆုလာဘ်အချို့ ချမလားဆိုသည့် မျှော်လင့်ချက်ဖြင့် ပိုပြီးအလုပ်ကြိုးစား​လာကြသည်။

ဒီနေ့တွင် ​သခင်မကြီးကိုအလုပ်အ​ကျွေးပြုရ​သောအထိန်း​တော်လျိုသည် ကိုယ်တိုင်ကိုယ်ကျပင်ဦး​ဆောင်ကာ တတိယသခင်မ​လေးကိုလာ​ခေါ်သည်။

"တတိယသခင်မလေး၊ ​သခင်မကြီးက သို​လှောင်ရုံအိမ်ကိုဖွင့်ဖို့အမိန့်ပေးထားပြီး သခင်မ​လေး​တွေအတွက် အဝတ်အစားများချုပ်ဖို့ ယခင်က သိမ်းဆည်းထားတဲ့ ပစ္စည်း​ကောင်းမ​တွေအားလုံးကိုယူလာခိုင်းထားပါတယ်"

လီဝေ့ရန်က ပြုံးလိုက်ပြီး

"ငါ့မှာ အစ်ကိုကြီး နောက်ဆုံးအကြိမ်က သယ်လာတဲ့ပစ္စည်းတွေ ရှိနေပါသေးတယ်"