ဥယျာဉ်တော်မှထွက်လာပြီးနောက် လီမင်တိသည်ရုတ်တရက်တွေတွေကြီးမတ်တပ်ရပ်နေကာ
"တတိယမမ၊ ကျွန်တော့အတွက်နဲ့တော့ မမကအန္တရာယ်ကိုမစွန့်စားသင့်ဘူး။ တော်ဝင်လက်ဆောင်တွေကိုအသုံးချပြီးမကစားသင့်ဘူး"
လီဝေ့ရန်ကပြုံးနေပြီးဘာမှပြန်မပြောချေ။
ပိုင်ကျီကရုတ်ချည်းပင် စကားပြောရန်သူမ၏ ပါးစပ်ကိုဖွင့်လိုက်သည်။
"အဲ့ဒီဆံထိုးက တော်ဝင်လက်ဆောင်မဟုတ်ရပါဘူး။ မမလေးက သူတို့ကိုခြိမ်းခြောက်လိုက်တာပါ"
လီမင်တိသည်သူ၏နှုတ်ခမ်းထောင့်စွန်းများကိုကော့ညွှတ်ကာပြုံးလိုက်မိသည်။
လီဝေ့ရန်ကသူ့ကိုစိုက်ကြည့်လိုက်ပြီးတည်ငြိမ်စွာဖြင့်
"မင်တိ၊ ဒီနေ့ဒီလိုအခြေအနေမျိုးထပ်ကြုံလာခဲ့ရင် မင်းဒီလိုမျိုးလုပ်စရာမလိုပါဘူးကွယ်"
လီမင်တိက ခေါင်းစိုက်လျက်
"ဘယ်တော့မှနောက်မလုပ်တော့ဘူး" ဟုဆိုသည်။
လီဝေ့ရန်သည်စိတ်ရှုပ်ထွေးသွားမိသည်။ သူပြန်ဖြေသည့်အဖြေက နောက်ထပ်အနိုင်ကျင့်မခံတော့ဘူးကိုပြောချင်တာလား နောက်ထပ်စော်ကားတာတွေကိုသည်းမခံတော့ဘူးကိုပြောချင်တာလားဆိုတာကို သူမကမသေချာဖြစ်နေသည်။
သူမကစကားထပ်ပြောရန်ပင်ရှိသေး ပိုင်ကျီပြောသောစကားကိုသူမကြားလိုက်ရသည်မှာ
"မမလေး၊ တတိယမင်းသားထွက်လာတယ်"
လှည့်ကြည့်လိုက်ရာ ထင်ထားသည့်အတိုင်းပင် ထော့ပါကျန်းအား ဦးဆောင်လမ်းပြနေသောအစေခံနှစ်ယောက်ကိုသူမတွေ့လိုက်ရသည်။ ထိုလူငယ်သည် လှပသေသပ်သော ၀တ်စုံကိုဝတ်ဆင်ထားပြီး ခမ်းနားသောခေါင်းဆောင်းအဆင်တန်ဆာကို ၀တ်ဆင်ကာဖြည်းဖြည်းချင်းလျှောက်လှမ်းလာသည်။ ဒါကခုနလေးတင် နားနေဆောင်အတွင်းမှာရှိနေတဲ့ ထော့ပါကျန်းပါလား။ တကယ်ကြီးကို သူကနားနေဆောင်ကနေထွက်ခွာလာသည်ပင်။
YOU ARE READING
လီဝေ့ရန် (ပထမတွဲ) Unicode
Historical FictionOriginal Name: Princess Wei Yang/Concubine's daughter is Poisonous Original Author : Qin Jian Genre : Drama, Mature, Josei, Romance This is not my own work, so I give full credits to original author and english translators respectfully...