လီချန်းလဲ့သည် လှပသောအခင်းပေါ်တွင် ဖျားနာစွာလှဲနေရင်း သူမ၏မျက်နှာကိုလက်ကိုင်ပုဝါနှင့်ဖုံးအုပ်ထားသည်။
ပထမသခင်မသည် အလျင်အမြန်လမ်းလျှောက်လာပြီး ဒေါသထွက်စွာဖြင့်အော်လိုက်သည်။
“ထစမ်း"
လီချန်းလဲ့သည် အံ့အားသင့်သွားပြီး သတိလက်လွတ် ထထိုင်လိုက်သဖြင့် ပထမသခင်မက လက်ကိုမြှောက်ကာ သူမ၏ပါးအားရိုက်ချလိုက်သည်။
လီချန်းလဲ့၏မျက်နှာပေါ်တွင် လက်ဝါးရာကကွက်ကွက်ကွင်းကွင်းကြီးပေါ်လာပြီး သူမ၏ မျက်လုံးများကပြူးလာကာ ပထမသခင်မကို မယုံနိုင်ဘဲ စိုက်ကြည့်နေမိသည်။
"ရှုံးနေတဲ့အချိန်မှာတောင် မင်းကအရှုံးသမားကောင်းဖြစ်ရမယ်။ ဒီလိုအပြုအမူတွေမလုပ်စမ်းနဲ့"
ပထမသခင်မ၏အသံသည် ရေခဲကဲ့သို့ အေးစက်နေသည်။
လီချန်းလဲ့သည် သူမ၏မျက်နှာပေါ်တွင်ပူလောင်နာကျင်မှုကိုသာခံစားရပြီး ချက်ချင်းမျက်ရည်များပိုးပိုးပေါက်ပေါက်စီးကျလာသည်။
"အမေ! အဲ့ကောင်မက သမီးကိုဥာဏ်ဆင်သွားတယ်! သူမက သမီးကို ထောင်ချောက်ဆင်တယ်! အမေက သမီးအတွက်တရားမျှတမှုရအောင်မလုပ်ပေးနိုင်တာထားပါတော့။ အမေကသမီးကို ရိုက်နေတယ်! "
"မင်း အခုထိ သဘောမပေါက်သေးဘူးလား! "
ပထမသခင်မကအော်ပြန်တယ်။
"ဒူးထောက်စမ်း!"
လီချန်းလဲ့က အံ့သြသွားပြီး ဒူးမထောက်ချင်ထောက်ချင် ထောက်လိုက်သည်။
“မင်းငယ်ရွယ်စဉ်ကတည်းက ငါ့မှာမင်းကိုလက်ထဲမှာဥထားပြီး မင်းကိုကောင်းကင်ကလမင်းကိုတောင်ပေးဖို့ရည်ရွယ်ခဲ့တာ။ မင်းကို နဂါးပေါ်ကိုတက် ဇာမဏီအဖြစ်တက်လှမ်းနိုင်လိမ့်မယ်လို့မျှော်လင့်ရုံနဲ့တင် မင်းရဲ့အစ်ကိုကြီးထက်မင်းကို ငါကပိုမျှော်လင့်ချက်ထားထားတာ”
ပထမသခင်မက စကားပြောလေလေ သူမပိုဒေါသဖြစ်လာလေလေပင်
"မင်းက ဒီလောက်မိုက်လိမ့်မယ်လို့ ဘယ်သူကထင်ပါ့မလဲ။ သူတစ်ပါးကတွင်းတူးတာကိုကြည့်ပြီး မင်းအဲဒါကိုတည့်တည့်ခုန်ချမိရင်တောင် ငါမင်းကိုအပြစ်မတင်ပါဘူး။ မင်းပြုတ်ကျသွားရင် ပြန်ထပြီးတက်ပေါ့။ ဒါပေမယ့် မင်းကတွင်းထဲမှာပဲလှဲနေပြီး အမှားကို သင်ခန်းစာမယူတတ်ဘူး။ မင်းကရှေ့ဆက်ဖို့ ဘယ်လိုလုပ်ရမှန်းမသိဖြစ်နေတော့ ငါ့ရဲ့ ကြိုးစားအားထုတ်မှုတွေအားလုံးက မင်းကြောင့်ပျက်စီးသွားရပြီ! "
YOU ARE READING
လီဝေ့ရန် (ပထမတွဲ) Unicode
Historical FictionOriginal Name: Princess Wei Yang/Concubine's daughter is Poisonous Original Author : Qin Jian Genre : Drama, Mature, Josei, Romance This is not my own work, so I give full credits to original author and english translators respectfully...