နဝမကိုယ်လုပ်တော်ကိုကြည့်ရသည်မှာ သခင်မကြီးပြောသည့် မည်သည့်အရာကိုမျှ မကြားမိသလိုပင်။
လီရှောင်ရန်က မတ်တပ်ရပ်လိုက်ပြီးအေးစက်စွာဖြင့်
"နဝမကိုယ်လုပ်တော်က အပြစ်ကင်းစင်ဟန်ဆောင်ပြီး မသိကျိုးကျွံလုပ်ပြနေတယ် ဆိုတော့ ကျန်တဲ့လူတွေကရော? မင်းတို့ထဲက ဘယ်သူပဲဖြစ်ဖြစ် တစ်ယောက်ယောက်ကများ လိမ်ပြောတယ်ဆိုရင် ဘယ်သူမှ အပြစ်ကနေ လွတ်ကင်းမှာမဟုတ်ဘူး!" ဟုအော်ဟစ်လိုက်သည်။
နဝမကိုယ်လုပ်တော်၏ဘေးမှအစေခံတို့သည် ထိတ်လန့်သွားမိသည်နှင့် တစ်ဆက်တည်း ဒူးထောက်ဝပ်တွားလိုက်ကြသည်။
သခင်မကြီးက အမူရာမဲ့စွာဖြင့်
"သူတို့တစ်ခုခုတော့ သိထားမှာပဲ! သူတို့တွေကိုဆွဲထုတ်သွားပြီး ဝန်မခံမချင်း ကြိမ်ဒဏ်အချက်၁၀၀ရိုက်ကြစမ်း။ ဒါဆိုရင် ငါတို့သိလာမှာပဲ"
အစေခံများသည် ကြောက်ရွံ့မှုကြောင့် တုန်ယင်နေကြသည်။ အပြင်ကအစောင့်တွေက သူတို့ကို ဆွဲထုတ်သဖြင့် အခန်းတစ်ခုလုံးက အော်ဟစ်ငိုယိုသံများက ဝုန်းဒိုင်းကြဲနေကြသည်။ ထိုအချိန်တွင် ဖြူဖျော့သောမျက်နှာနှင့် ငယ်ရွယ်သောအစေခံမလေးက ရုတ်တရက် အော်ဟစ်ကာဝပ်တွားရင်း ခွင့်လွှတ်မှုကိုတောင်းခံတော့တယ်။
"ဒီအစေခံက ဝန်ခံဖို့ဆန္ဒရှိပါတယ်! သခင်မကြီး ချမ်းသာပေးပါ။ သခင်ကြီး ချမ်းသာပေးပါ။ နဝမကိုယ်လုပ်တော်က ဒီအစေခံကို ဒီလိုလုပ်ဖို့အမိန့်ပေးခဲ့တာပါ။ ဒီအစေခံက နာခံဖို့ကလွဲပြီး အမှန်တကယ် ရွေးချယ်စရာ မရှိခဲ့ပါဘူး။ ဒီအစေခံက နဝမကိုယ်လုပ်တော်ရဲ့အမိန့်ကို မလိုက်နာမိရင်၊ ဒီအစေခံကို သေချာပေါက် နှင်ထုတ်ပါလိမ့်မယ်"
လီရှောင်ရန်က သူ့လက်ကိုဝှေ့ယမ်းလိုက်သည်။ သူတို့အစောင့်တွေက သူမကိုချုပ်ထားရာကနေဖြေလျှော့ပေးလိုက်တယ်။ အခြားသော အစေခံများက သူမကို မယုံနိုင်စွာကြည့်မိနေသည်။
သခင်မကြီးက သူမကိုကြည့်ပြီး
"သူမက မင်းကိုဘာလုပ်ခိုင်းတာလဲ!" ဟုမေးလာသည်။
YOU ARE READING
လီဝေ့ရန် (ပထမတွဲ) Unicode
Historical FictionOriginal Name: Princess Wei Yang/Concubine's daughter is Poisonous Original Author : Qin Jian Genre : Drama, Mature, Josei, Romance This is not my own work, so I give full credits to original author and english translators respectfully...