ပိုင်ကျီနဲ့ဇီယန်တို့ တစ်ယောက်ပြီးတစ်ယောက် အိမ်ခန်းထဲသို့ ၀င်လာကြသော်လည်း လီဝေ့ရန်က ဇီယန်ကိုဂရုမစိုက်ဘဲ ပိုင်ကျီကိုသာ စကားပြောသည်။
"ငါအပြစ်ပေးတာ သိပ်ကြမ်းသွားတယ်လို့ မင်းထင်လား"
ပိုင်ကျီက စဉ်းစားလိုက်ပြီး
"ဒီအိမ်တော်မှာက စည်းကမ်းတွေရှိရတာပဲ။ မမလေးလုပ်တာမှန်ပါတယ်"
လီဝေ့ရန်က ပြုံးလိုက်ပြီး
"ငါလီအိမ်တော်ကိုလာတုန်းက မင်းတို့၂ယောက်ကိုပါ ငါခေါ်လာခဲ့တယ်။ မင်းတို့သာ အလုပ်ကောင်းကောင်းလုပ်ပြနိုင်တယ်ဆိုရင် ငါဂုဏ်ယူဝံ့ကြွားနိုင်တယ်။ မင်းတို့သာ စည်းအပြင်ဘက်ကျော်သွားပြီး အမှားအယွင်းလုပ်မယ်ဆိုရင်တော့ ငါ့မျက်နှာပျက်ရလိမ့်မယ်။ ငါ့အနားမှာနေရင် လုံ့လဝီရိယစိုက်ထုတ်တာအပြင် မင်းတို့တွေ သစ္စာရှိဖို့လည်းလိုတယ်။ မင်းတို့ကသာ ဒီ၂ခုကိုတောင်မလိုက်နာနိုင်ရင် ငါမင်းတို့ကို ဖိင်ချန်ဆီ ပြန်ပို့ရလိမ့်မယ်"
ပိုင်ကျီက "ဟုတ်ကဲ့ပါ" ဆိုတဲ့အဖြေကိုပေးတယ်။ ဇီယန်က အသံတိုးတိုးဖြင့်
"မမလေး၊ ကျိန်းသေပေါက် ဒီအစေခံက မမလေးအပေါ် သစ္စာရှိပါတယ်"
လီဝေ့ရန်သည် သူမ၏နှလုံးသားတွင်း၌ သက်ပြင်းချလိုက်မိသည်။ ဇီယန်တစ်ယောက် မလိုအပ်သောအတွေးများကိုတွေးခြင်းကို သူမက မလိုလားပေ။ သူမသည် အထိန်းတော်လျူ၏ ကိစ္စကို ဇီယန်အားသတိပေးရန် အသုံးချခဲ့သော်လည်း အကျိုးသက်ရောက်မှုကိုမဆုံးဖြတ်နိုင်ဖြစ်နေသည်။
၃ရက်ကြာသောအခါ နံနက်ခင်းတစ်ခုတွင် ဇီယန်သည် နံနက်စာကိုယူဆောင်လာပြီး စားပွဲဝိုင်းကိုပြင်ဆင်လိုက်သည်။
လီဝေ့ရန်က သူမကို မသိမသာတစ်ချက်ကြည့်လိုက်သည်။
ဇီယန်သည် လှပစွာမွေးဖွားလာသူပင်။ ရေကဲ့သို့ကြည်လင်သော ဗာဒံစေ့လိုမျက်ဝန်းတစ်စုံ၊ ကြာဖူးကဲ့သို့မျက်နှာ၊ မသိမသာ ရဲတက်နေသော ပါးမို့မို့လေးနှင့်အနီဖျော့ဖျော့၀တ်စုံကို ၀တ်ဆင်ထားသည်။ သူမ၏ပုခုံးလုံးလုံးလေးနှင့် သေးသွယ်သောခါးလေးသည် လူတွေ၏မျက်စိကို ဖမ်းစားနိုင်သည်ပင်။ လီဝေ့ရန်သည် နုံအသည့် ၁၃ နှစ်အရွယ်မိန်းကလေးသာဖြစ်မယ်ဆိုရင် ဒါကို သဘာဝကျကျ ဘာမျှမမှားဟုထင်မည်ဖြစ်သော်လည်း သူမ၏စိတ်သည် အသက်၃၀ကျော်နေပြီဖြစ်သောကြောင့် သူမရှေ့တွင်ရှိနေသော ဒီကောင်မလေး၏အပြောင်းအလဲကို မသိနိုင်စရာအကြောင်းမရှိပေ။ သူမ၏မျက်နှာပေါ်တွင် ဘာအမူအရာမှမပြသပဲ သာမန်လေသံဖြင့်
YOU ARE READING
လီဝေ့ရန် (ပထမတွဲ) Unicode
Historical FictionOriginal Name: Princess Wei Yang/Concubine's daughter is Poisonous Original Author : Qin Jian Genre : Drama, Mature, Josei, Romance This is not my own work, so I give full credits to original author and english translators respectfully...