(ခေါင်းစဥ်အမှန်က တရုတ်စကားပုံဖြစ်တဲ့ ပိုးဖလံကိုပုစဥ်းရင်ကွဲကချောင်းမြောင်းပါ။ အဓိပ္ပါယ်က ပိုးဖလံကိုပဲပုစဥ်းရင်ကွဲက စားဖို့ချောင်းမြောင်းနေပေမယ့် ပုစဥ်းရင်ကွဲကို စားဖို့ကြည့်နေတဲ့ငှက်ကလည်းရှိနေပါတယ်။ တစ်ခုခုကိုအာရုံစိုက်နေတာကြောင့် ကိုယ့်ကိုအန္တရာယ်ဖြစ်စေမယ့်အရာတွေကိုသတိမပြုမိဘူးလို့ဆိုလိုတာပါ။ ဒါကြောင့်ခေါင်းစဥ်ကို အနီးစပ်ဆုံး သတိမမူဂူမမြင်လို့ပေးလိုက်တာပါ။ ခေါင်းစဥ်တွေက ဝထ္ထုမှာပါတဲ့အကြောင်းအရာတွေကို သက်ရောက်မှုရှိပါတယ်။ ဒီအပိုင်းမှာလည်း ဘယ်သူတွေကသတိမမူဖြစ်ကြမလဲဆိုတာဖတ်ကြည့်ကြပါဦး)
ထို့နောက် သူသည် ရုတ်တရတ်မတ်တပ်ထရပ်ကာ ဝင်လာသူ၏လည်ပင်းကို ဓါးဖြင့်ထောက်ထားလေရာ ကျိုးအာ၏မျက်နှာသည် ဖြူဖျော့သွားပြီး
"အရှင့်သား....ဒီအစေခံက လက်ဖက်ရည်ဗန်းလေးယူဖို့ မေ့သွားမိလို့ပါ..."
ခုနကပင် သူမသည် ထော့ပါကျန်းဆီကကျောက်စိမ်းဆွဲပြားကိုရရှိခဲ့သဖြင့် အရမ်းအပျော်လွန်သွားပြီး ဗန်းယူဖို့မေ့သွားခဲ့ခြင်းဖြစ်သည်။ သေချာပေါက်ကိုပင်၊ သူမပြန်သွားတဲ့အခါ နန်းတော်ဘဏ္ဍာထိန်းကို ဒီလိုမေ့သွားတာကိုအကြောင်းပြရှင်းပြလို့မရဘူးလေ။ ထော့ပါကျန်းကိုကြည့်ရသည်မှာ စိတ်အေးလက်အေးဖြစ်သွားပုံရတော့ ကျိုးအာကသက်ပြင်းချလိုက်မိသည်။ အရှင့်သားကိုကြည့်ရတာ သူမကို သဘောကျပုံရပြီး သူမကိုဘာမှလုပ်မှာမဟုတ်လောက်ပါဘူးပေါ့။ ဒါပေမယ့် နောက်အခိုက်အတန့်လေးမှာတော့ ထော့ပါကျန်း၏ လက်တစ်ချက်အဝှေ့တွင် သူမ၏ခေါင်းကပြုတ်ကျသွားရတော့သည်။ သူမ၏အမူအရာသည်တုန်လှုပ်ခြောက်ခြားနေဆဲဖြစ်ရာ မြင်ကွင်းသည်အလွန်ကြောက်စရာကောင်းနေသည်။
"သူမကိုဆွဲထုတ်သွားလိုက်"
ထော့ပါကျန်းသည် ကြမ်းပြင်တစ်ခုလုံးရှိ ပေရေနေသောသွေးများကိုကြည့်ကာ ရွံရှာမှုကိုသာခံစားလိုက်ရသည်။
နမော်နမဲ့မိန်းမတစ်ယောက်ကများ တကယ်ကြီး သူမကိုယ်သူမ လီဝေ့ရန်နဲ့နှိုင်းယှဥ်ချင်နေသေးသည်။ လီဝေ့ရန်သည် သူမ၏အလှအပကြောင့် သူ့အာရုံကို ဆွဲဆောင်နိုင်ခဲ့ခြင်းမဟုတ်ပေ။ သူသဘောကျတာက သူမရဲ့ထူးခြားတဲ့ကိုယ်ရည်ကိုယ်သွေးနဲ့ လိမ်မာပါးနပ်မှုပင်။ သူမရဲ့အထက်စီးဆန်မှုသည်ကိုကလည်း သူ့အတွက် သူမတူတဲ့အရသာတစ်မျိုးဖြစ်နေသည်မဟုတ်လား။ ဆန့်ကျင်ဘက်အနေနှင့် ကျိုးအာသည် ရုပ်သွင်သာတူပြီး ထိုစိတ်နှင့်ကိုယ်ရည်ကိုယ်သွေးမရှိသောကြောင့် အရုပ်တစ်ရုပ်မျှသာဖြစ်သည်။ ထော့ပါကျန်းသည် အသက်ပျောက်သွားသောမျက်နှာကိုတစ်ချက်ကြည့်လိုက်သည်။ သူမ၏ လီဝေ့ရန်နှင့်ရုပ်ရည်ဆင်တူသည့်မျက်နှာကိုကြည့်ပြီးသူ့အကြည့်သည် ဓားတစ်ချောင်းကဲ့သို့ တဖြည်းဖြည်းစူးရှလာပြီး တဖြည်းဖြည်းတင်းမာလာလေသည်။ ယခုအချိန်တွင် သူသည် လီဝေ့ရန်ကို ထူးဆန်းစွာမုန်းတီးနေမိသည်။ သူမကို အမုန်းဆုံးအရာကတော့ သူမသည်အခြားယောက်ျားများကိုကြည့်ခြင်းဖြစ်သည်။ ယခုအခါသူသည် အာဏာ၏အရေးပါမှုကို ပို၍ပို၍သဘောပေါက်လာမိသည်။ နောင်တစ်ချိန်တွင် သူသည်လောကကြီးကိုအုပ်စိုးခွင့်ရပါက လောကတစ်ခွင်လုံးကို လှည့်ပတ်ရှာဖွေရမည်ဆိုလျှင်ပင် ဘာမဆိုသူ့စိတ်ကြိုက်ဖြစ်လာစေရမည်ဟု သူ့စိတ်ထဲတွင် တိတ်တဆိတ်ဆုံးဖြတ်ချက်ချလိုက်သည်။
YOU ARE READING
လီဝေ့ရန် (ပထမတွဲ) Unicode
Historical FictionOriginal Name: Princess Wei Yang/Concubine's daughter is Poisonous Original Author : Qin Jian Genre : Drama, Mature, Josei, Romance This is not my own work, so I give full credits to original author and english translators respectfully...