သခင်မကြီးသည် မင်ကျီနှင့်အတူ ထွက်ခွာသွားသည်။ ကျောင်းယွိလန်သည် သူမ၏ခန္ဓာကိုယ် ကလျော့ရဲသွားသလို ခံစားလိုက်ရပြီး အထိန်းတော်ရုန်ကို မှီထားရသည်။
အထိန်းတော်ရုန်က ပဟေဠိဖြစ်နေသည်။ သူမက နားမလည်နိုင်ပေ။ သခင်မသည် ကလေးကို ဂရုတစိုက်ပြုစုစောင့်ရှောက်ခဲ့တာပဲလေ။ ဒါက ဘယ်လိုဖြစ်သွားတာလဲ? သူမက ကျောင်းယွိလန်ကိုထိုင်ရန် အမြန်ကူညီပေးလိုက်ပြီး လက်ဖက်ရည်တစ်ခွက်ယူလာပေးတယ်။ သူမက
“အေးတဲ့ရာသီဥတုဆိုတာမျိုးက ရှောင်လွှဲလို့ မရဘူးလေ။ သခင်မကြီးက သခင်မကို အထင်လွဲသွားတာပါ။ စိတ်ထဲမထားပါနဲ့"
လွန်ခဲ့သည့်အခိုက်အတန့်လေးမှ ထိတ်လန့်တုန်လှုပ်သွားသော ကျောင်းယွိလန်သည် ယခုအခါ ပုံမှန်ပြန်ဖြစ်နေပြီဖြစ်သည်။ သူမက လက်ဖက်ရည်ခွက်ကို ယူလိုက်သော်လည်း မသောက်ပေ။ သူမက ဖြည်းညှင်းစွာမေးသည်က
"ဘာများဖြစ်ခဲ့တာပါလိမ့်"
အထိန်းတော်ရုန်က တွေးကြည့်ပြီး ခန့်မှန်းသည်က
"ဒါက တတိယသခင်မလေးရဲ့ကလေးကို သတ္တမကိုယ်လုပ်တော်ကို ပြန်ပို့မယ့် အကြံများလား"
ကျောင်းယွိလန်က သူမ၏ခေါင်းကို ခါယမ်းလိုက်ပြီး
"သူမက ကလေးကို ပြန်လိုချင်တယ်လို့ ငါယုံကြည်မိပေမယ့် သူမက လီမင်ကျီကို နာကျင်အောင်လုပ်ဖို့ အဆိပ်ရှိတဲ့အင်းဆက်တွေကိုသုံးမယ်လို့တော့ ငါမယုံကြည်ဘူး။ စောစောက သူမရဲ့မျက်နှာကို မမြင်ဘူးလား။ အံ့သြပြီး ဒေါသတွေ ထွက်နေတယ်လေ!”
အထိန်းတော်ရုန်က ပိုလို့တောင် စိုးရိမ်လာကာ
"ဒါပေမယ့် ဒီလိုဆိုရင်တောင် သခင်ကြီးနဲ့ သခင်မကြီးတို့ ပထမဆုံးအပြစ်တင်မယ့်သူက သခင်မကိုပါ။ ကျွန်မတို့ အခုဘာလုပ်ကြမလဲ"
ကျောင်းယွိလန်က ဝမ်းနည်းစွာဖြင့်သက်ပြင်းချလိုက်သည်။ အသစ်စက်စက်ပန်းထိုးချုပ်လုပ်ထားသော ကလေးအဝတ်အစားအစုံအလင်ကို စေ့စေ့ကြည့်ကာ
“အခုတော့ တိတ်တိတ်ဆိတ်ဆိတ်နဲ့ပဲ ငါ ခံစားနေရတော့မယ်။ ငါ့ရဲ့ နာကျည်းမှုတွေကို အသံတောင်ထွက်နိုင်မှာမဟုတ်ဘူး။ မင်ကျီသာ တစ်ခုခုဖြစ်သွားခဲ့ရင် လီဝေ့ရန်နဲ့ သတ္တမကိုယ်လုပ်တော်က ငါ့ကို သေလောက်အောင် ဒေါသထွက်သွားမှာကို ငါကြောက်မိတယ်။ ငါက ကလေးကိုအသုံးချရင်း လီဝေ့ရန်ကိုထိန်းချုပ်ချင်ပေမယ့် အခုတော့ ခိုးယူဖို့ကြိုးစားတဲ့ကြက်ကိုဆွယ်ဖို့သုံးတဲ့ဆန် ဆုံးရှုံးလိုက်ရသလိုပဲ”
YOU ARE READING
လီဝေ့ရန် (ပထမတွဲ) Unicode
Historical FictionOriginal Name: Princess Wei Yang/Concubine's daughter is Poisonous Original Author : Qin Jian Genre : Drama, Mature, Josei, Romance This is not my own work, so I give full credits to original author and english translators respectfully...