သူမ၏အဖြတ်ခံရသော ခြေထောက်များမှသွေးများတလဟောကျလာရင်း နေ့စဉ်နှင့်အမျှညှဉ်းပန်းနှိပ်စက်ခြင်းခံရပြီး အမှောင်ထုအောက် ၌ဖုံးလွှမ်းခံနေရသည်။
လီဝေ့ရန်သည် အေးစက်သောချွေးများဖြင့် ရွှဲနစ်ကာ အိပ်မက်ဆိုးမှလန့်နိုးလာသည်။ သူမ၏ အဝတ်အစားများနှင့်စောင်များတောင်မှ ချွေးများဖြင့်စွတ်စိုနေခဲ့တယ်။
ပိုင်ကျီက အပြာရောင်ခန်းဆီးစကို မြှောက်ပြီး အသံတိုးတိုးလေးနဲ့လာမမေးမချင်း သူမက ထိတ်လန့်နေခဲ့တာပင်။
"တတိယမမလေး၊ အဆင်ပြေရဲ့လားဟင်"
လီဝေ့ရန်သည် သူမ၏အထက်တန်းစားအိပ်ရာကိုအလိုလိုကြည့်လိုက်မိသည်။ သူမအိပ်မက်မက်နေခဲ့တာပဲ။ သူမသည် အသက်ရှင်နေဆဲပင်။ အမှောင်ထဲတွင် လီဝေ့ရန်၏မျက်နှာပေါ်တွင် မရေမရာသောအမူအရာတစ်ခုရှိခဲ့သည်။ ချွေးများဖြင့်စိုနေသော ဆံပင်အနည်းငယ်သည် သူမ၏နဖူးပေါ်တွင်ကပ်နေသည်။
"တတိယမမလေး၊ နောက်ထပ်အိပ်မက်ဆိုးတွေ မက်နေတာလား?"ဟု ပိုင်ကျီက သတိကြီးစွာဖြင့် မေးလာသည်။
"မမလေး၊ ရေနည်းနည်းသောက်ချင်လားဟင်?"
လီဝေ့ရန်က ခေါင်းယမ်းလိုက်သည်။
ထိုအချိန်တွင် မိုကျူးကဝင်လာပြီးနူးညံ့သောအသံဖြင့်
"တတိယမမလေး၊ နေမကောင်းဘူးလားဟင်"
မိုကျူးနှင့်ပိုင်ကျီတို့သည် ယနေ့ညကြည့်စောင့်အိပ်ရတာဖြစ်သည်။ လီဝေ့ရန်သည် ပိုင်ကျီကိုတစ်ချက်ကြည့်လိုက်သည်။
ပိုင်ကျီက "မဟုတ်ပါဘူး၊ စောင်ကအရမ်းထူတာကြောင့် ချွေးတွေထွက်လာတာနေမယ်"
ပိုင်ကျီသည် ထက်မြက်သောအစေခံပင်။ လီဝေ့ရန်က စဉ်းစားမိတယ်၊ ဒီနှစ်မှာ ဖိင်ချန်မှာရှိတဲ့ လီအိမ်တော်က ပိုင်ကျီနဲ့ဇီယန် ၂ယောက်ကို သူမအား လက်ဆောင်အဖြစ်ပေးခဲ့တယ်။ ကံမကောင်းစွာနဲ့ပဲ သူမသည် သူမတို့နှစ်ဦးကိုသနားမိသည်။ အဘယ်ကြောင့်ဆိုသော် သူမတို့နှစ်ဦး သည် သူမနှင့်အတူနာကျင်မှုကို မျှဝေခံစားပေးဖူးခဲ့သဖြင့် ဒီ၂ယောက်နှင့်နီးနီးကပ်ကပ်နေဖို့ သူမကမမေ့ဖူးပေ။ ယခင်ဘဝတွင် သူမက ပထမသခင်မ၏အကြံကို နားယောင်မိပြီးသူတို့ကိုမိသားစုတည်ဆောက်ဖို့ ထွက်သွားစေခဲ့မိတာ။ယခုတော့ သူမအကူအညီလိုအပ်လာပြီဆိုတော့ ဤအစေခံနှစ်ဦးကိုလည်း သစ္စာရှိမရှိ ထပ်မံစစ်ဆေးရန်လိုအပ်လာပြီဖြစ်သည်။
YOU ARE READING
လီဝေ့ရန် (ပထမတွဲ) Unicode
Historical FictionOriginal Name: Princess Wei Yang/Concubine's daughter is Poisonous Original Author : Qin Jian Genre : Drama, Mature, Josei, Romance This is not my own work, so I give full credits to original author and english translators respectfully...