အခန်းထဲတွင် လီချန်းလဲ့သည် လီမင်ဖန်အားလက်ဖက်ရည်တစ်ခွက်ကိုကိုယ်တိုင်ငှဲ့ပေးနေသည်။
"အစ်ကို၊ ခရီးထွက်လာရတော့ အရမ်းပင်ပန်းလာမှာပဲနော်"
လီမင်ဖန်က ပြုံးပြီးပြောသည်မှာ
"ညီမလေး၊ ကျုပ်တို့တစ်ယောက်နဲ့တစ်ယောက်မတွေ့ရတာ ခြောက်လလောက်ပဲရှိသေးပေမယ့် မင်းက ပိုပြီးတောင်လှလာလိုက်တာ၊ တတိယမင်းသားကတောင် အခြားကိုအာရုံမစိုက်မိပဲ မင်းကိုပဲစူးစိုက်ကြည့်နေတော့တာပဲ!"
လီချန်းလဲ့က ခပ်ပေါ့ပေါ့သာပြုံးလိုက်မိသည်။ ထော့ပါကျန်းက အရမ်းချောမောပြီးဆွဲဆောင်မှုရှိပေမယ့် သူ၏မွေးမိခင်က နိမ့်ကျတဲ့ နောက်ခံကနေဆင်းသက်လာတာမို့ သူ့ကိုမွေးဖွားပြီးတဲ့နောက်မှသာ ဧကရာဇ်ရဲ့မျက်နှာသာပေးမှုကို ရရှိခဲ့ခြင်းပင်။ ထို့အတွက်ကြောင့်သူ့ကို လူသိပ်မကြိုက်ကြပဲ မျက်နှာသာအပေးမခံရခဲ့ပေ။ ကံကောင်းစွာနဲ့ပဲ သူ့မိခင်ဆုံးသွားတဲ့နောက်မှာတော့ ကလေးမရှိသော ဝူဖေးမိဖုရားက သူ့ကိုမွေးစားခဲ့တယ်။ ဤသို့သော နောက်ခံအင်အားသာရှိသော မင်းသားတစ်ဦးအနေနှင့်သူသည် မည်သည့်အခါမျှထီးနန်းတက်နိုင်မည်မဟုတ်ပေ။ ထော့ပါကျန်း၏ချောမောသောမျက်နှာကို ပြန်ပြောင်းသတိရလိုက်မိသောအခါ လီချန်းလဲ့သည် မသိလိုက်မိပဲကရုဏာအပြုံးတစ်ခုပြုံးလိုက်သည်။
လီမင်ဖန်သည် သူ၏ညီမလေးကိုကြည့်ပြီး သူမစဉ်းစားနေသောအရာကိုအတိအကျသိစွာဖြင့်
"အမေက မင်းကို လွှမ်းမိုးတာမခံပါနဲ့။ နန်းတွင်း နိုင်ငံရေးဆိုတာ အမြဲပြောင်းလဲနေတာပဲ။ ပြီးတော့ ဒီတတိယမင်းသားကလည်း သာမန်၏ခေသူတစ်ယောက်မဟုတ်ဘူး"
ဒါကိုကြားတော့လီချန်းလဲ့က တွေးတွေးဆဆဖြင့်
"ဒါပေမယ့် သူကအိမ်ရှေ့စံကိုမှီခိုနေရတာဆိုတော့ အနာဂတ်မှာ သူကအလွန်ဆုံးဖြစ်လှ ကျင်းဝမ်ဘွဲ့ရမင်းသားတစ်ပါးပဲဖြစ်လာမှာလေ...."
လီမင်ဖန်ကပြုံးရုံသာပြုံးပြလိုက်ပေမယ့် ဘာမှပြန်မဖြေခဲ့ဘူး။ သူ၏မျက်လုံးများတွင် သူ၏ ညီမလေးသည် နတ်မိမယ်တစ်ပါးကဲ့သို့ လှပနေသော်လည်း တကယ်တော့ သူမသည် အမြင်ကျဥ်းပြီး ယောက်ျားတစ်ယောက်၏ ရှေ့ရေးမျှော်တွေးတတ်သောအတွေးမျိုးကို မသိမြင်တတ်ပေ။ ဒီနှစ်တွင် သူနှင့်တတိယမင်းသားတို့သည်အေးအေးလူလူခရီးထွက်နေပုံရသည်ဟုထင်ကြသော်လည်း တကယ်တော့ ဧကရာဇ်စေခိုင်းလိုက်သော အမိန့်ဖြင့် ချန်းကျိုးနယ်၏ အုပ်ချုပ်ရေးမှူး ရှန်းကွမ်းပါဝင်ပတ်သတ်နေသောကိစ္စ အားစုံစမ်းရန် ချန်းကျိုးနယ်မြေဆီသို့ စေလွှတ်ခံရခြင်းပင်ဖြစ်သည်။ ထော့ပါကျန်းသည် ချန်းကျိုးနယ်သို့ရောက်သည်နှင့် ရှန်းကွမ်း ဖုံးကွယ်ရန်ကြိုးစားနေသော ကိစ္စကိုရှာဖွေဖော်ထုတ်ခဲ့သည်။ သူသည် ရှန်းကွမ်း၏ဘဏ္ဍာစိုးအား စစ်ဆေးမေးမြန်းခဲ့ပြီးနောက် သက်သေခံပစ္စည်းများတွေ့ရှိခဲ့သဖြင့် အတွေ့အကြုံကောင်းရှိသော ရှန်းကွမ်းသည်ပင် သူ၏အပြစ်များအတွက် ၀န်ချတောင်းပန်ပြီး သက်ညှာပေးဖို့တောင်းဆိုရုံမှလွဲ၍အခြားရွေးချယ်စရာမရှိခဲ့ချေ။ တာဝန်ကိုလက်ခံခဲ့ချိန်မှစ၍ ရှန်းကွမ်း၏ရာဇ၀တ်မှုကိုသတင်းပို့ပေးသည့်အချိန်ထိ အချိန်လဝက်မျှသာကြာခဲ့သည်။ ပြီးနောက် ထော့ပါကျန်းသည်ချန်းကျိုးနယ်တွင်နေထိုင်ခဲ့ပြီး ဖရိုဖရဲအုပ်ချုပ်ရေးကို သေချာပြန်လည်ဖွဲ့စည်းပေးခဲ့သည်။ တစ်လအတွင်းမှာပင် သူသည်ရှုပ်ထွေးမှုများကို ဖြေရှင်းပေးခဲ့ပြီး အသစ်ရောက်လာသော အုပ်ချုပ်ရေးမှူးအား တာဝန်လွှဲပြောင်းပေးခဲ့သည်။ ဤတာဝန်တွင် ထော့ပါကျန်းသည် သူ၏ အရည်အချင်းများနှင့် စွမ်းရည်များကိုအကြီးအကျယ် ပြသနိုင်ခဲ့ပြီး ဧကရာဇ်ထံမှချီးမွမ်းခြင်းများကိုရရှိခဲ့သည်။ ဟိတ်ဟန်ကြီးသော လီမင်ဖန်၏မျက်လုံးထဲတွင်ပင် ထော့ပါကျန်းသည် အမှန်ပင်စိတ်ထက်သန်ပြီးထက်မြက်သည့်အပြင် အရာအားလုံးကိုလျင်မြန်တိကျစွာကိုင်တွယ်နိုင်ခဲ့သည်ကို ကြည့်ခြင်းဖြင့် သူက သာမန်လူတစ်ယောက်မဟုတ်ကြောင်း ပေါ်လွင်နေသည်။ အခန်းထဲတွင်သာရှိနေတတ်သော လီချန်းလဲ့ကို ဒီစကားတွေ သူပြောသင့်လားဆိုတာ သူကမသိဘူးဖြစ်နေတယ်။ ထို့ကြောင့်သူက
YOU ARE READING
လီဝေ့ရန် (ပထမတွဲ) Unicode
Historical FictionOriginal Name: Princess Wei Yang/Concubine's daughter is Poisonous Original Author : Qin Jian Genre : Drama, Mature, Josei, Romance This is not my own work, so I give full credits to original author and english translators respectfully...