နွေးထွေးရီမူးဝေတဲ့ရနံ့က နန်းတော်တွင်းကို ပျံ့နှံ့နေတယ်။ နန်းတွင်းရဲ့အရှေ့ဘက်မှာတော့ ဧကရာဇ်ရဲ့ရာဇပလ္လင်တော်ဖြစ်ပြီး ဧကရာဇ်ရဲ့ဘေးမှာယှဥ်တွဲထိုင်နေတာကတော့ဧကရီပင်။ အောက်ဘက်တွင်နေရာချထားသည်က ဝူရှန်းဖေးမိဖုရားကြီး၊ သမာဓိသီလဘွဲ့ဖြင့် ကျန်းတိဖေးမိဖုရားကြီး၊ တော်ဝင်ကြင်ရာတော်မေး၊ ကြင်ရာတော်ယွေ့နှင့် အခြားရာထူးမြင့်မားသောကြင်ရာတော်မိဖုရားကြီးများဖြစ်သည်။
ပင်မနန်းဆောင်ကြီးအောက်ရှိ လက်ဝဲဘက်တွင် ယောက်ျားလေးဧည့်သည်တော်များအတွက်နေရာချထားပေးလေရာ ပထမဦးစွာအနေဖြင့် မင်းညီမင်းသားများ၊ ထို့နောက် မင်းမျိုးမင်းနွယ်များနှင့် နောက်ဆုံးတွင် ရာထူးအဆင့်အလိုက် ထိုင်နေကြသော အရာရှိအရာခံများဖြစ်ကြသည်။ လက်ယာဘက်တွင်လည်း အမျိုးသမီး ဧည့်သည်တော်များအတွက်ဖြစ်လေရာ ယောကျာ်းလေးဧည့်သည်တော်တွေ ထိုင်နေသကဲ့သို့ နေရာချထားပေးသည်။ ဒါသည် ဧကရီ ကျင်းပတဲ့ ရိုးစင်းသောပွဲအခမ်းအနားသာဖြစ်ပေမဲ့ အဆင့်အတန်းအလိုက် မိသားစုအသီးသီးက အမျိုးသမီးပျိုတွေက တက်ရောက်လာကြသည်။ လီဝေ့ရန်က လီချန်းလဲ့ထက် အလှမ်းဝေး၍မြင့်မားသောနေရာတွင်နေရာချထားခြင်းခံရသဖြင့် ချန်းလဲ့က သူမရဲ့သွားတွေ ကိုက်လုမတတ် မုန်းတီးမိနေသည်။ အစကတော့ သူမ၏ရုပ်ရည်အသွင်အပြင်ဖြင့် လူတိုင်း၏အာရုံကိုပြန်လည်ဖမ်းစားနိုင်လိမ့်မည်ဟုထင်ခဲ့သည်။ သို့သော် ထိုလူများသည် သူမကို စက္ကန့်အနည်းငယ်မျှသာ စူးစိုက်ကြည့်ပြီးနောက် အခြားတစ်နေရာသို့ စိုက်ကြည့်သွားကြသည်။ သူမက ဒါကို အစကတည်းက မမျှော်လင့်ထားမိပေ။
တကယ်တမ်းတော့ လီချန်းလဲ့မှာသာ စွဲဆောင်မှုရှိတဲ့အလှတရားမရှိရင် သူမကို ဘယ်သူကမှ တစ်ချက်တောင်ကြည့်မိမှာ မဟုတ်ဘူး။ ဘာကြောင့်လဲဆိုတော့ သူမရဲ့ "ကျော်ကြားလှပေ့ဆိုသော" အောင်မြင်မှုတွေက တစ်မြို့တော်လုံးကိုပျံ့နှံ့သွားခဲ့လို့ပဲ။ သူမသည် အစပိုင်းတွင် ဧကရာဇ်မင်းကို အမျက်ထွက်အောင်လုပ်ဆောင်ခဲ့ပြီးနောက် ပဉ္စမမင်းသားကို ဧကရာဇ်၏အမျက်သင့်မိအောင်လုပ်ခဲ့တယ်ဆိုတာကို လူတိုင်းကသိကြသည်။ မိခင်၏ဈာပနတွင် သူမက ခမ်းနားထည်ဝါစွာ ၀တ်ဆင်ခဲ့ကြောင်းလည်း သူတို့တွေက ကြားသိခဲ့ရသည်…သီလသမာဓိရှိသောမိသားစု၏မိန်းကလေးမျိုးကို ဇနီးမယားအနေနှင့် လက်ထပ်ရမည်ဖြစ်သော်လည်း ဒီမိန်းကလေးကို ဘယ်သူက လက်ထပ်ဝံ့ပါ့မလဲ? တရားဝင်ဇနီးသည် ဘယ်နေရာတွင်မဆို ပေါ့ပေါ့တန်တန်ထားနိုင်သော ပန်းအိုးတစ်ခုမဟုတ်ချေ။ သူမသည် အိမ်သူအိမ်သားများကို စီမံခန့်ခွဲရမည်ဖြစ်သဖြင့် ဇနီးမယားမှားဖြင့် ထိမ်းမြားမိပါက မျိုးဆက်၉ဆက်အထိ ပျက်စီးကိန်းဆိုက်သွားမည်ဖြစ်သည်။
YOU ARE READING
လီဝေ့ရန် (ပထမတွဲ) Unicode
Historical FictionOriginal Name: Princess Wei Yang/Concubine's daughter is Poisonous Original Author : Qin Jian Genre : Drama, Mature, Josei, Romance This is not my own work, so I give full credits to original author and english translators respectfully...