ကျောင်းယွိလန်အတွက်မူ ထိုရယ်သံသည် သူမ၏နှလုံးသားထဲသို့ ရေခဲရေများ လောင်းချလိုက်သလိုပင် ခံစားရသည်။ သူမက အလိုလိုတုန်လှုပ်သွားပြီး ရှုံးနိမ့်သွားသလို ခံစားလိုက်ရသည်။
“ငါ… ငါ… ငါ . . . ”
သူမသည် ရုတ်တရက် ရုန်းကန်နိုင်စွမ်း ပျောက်ဆုံးသွားပြီး အလွန်စိတ်ဓာတ်ကျလာတော့သည်။ သူမက မျက်ရည်တွေနှင့်ပြည့်လျှံလာပြီး ရုတ်တရက်လဲကျသွားပြီးနောက် လီဝေ့ရန်၏ခြေရင်း၌လဲပြိုသွားရသည်။
"တတိယသခင်မလေး၊ ငါမင်းကို ဆန့်ကျင်ပြီး မတိုက်ခိုက်ဝံ့တော့ပါဘူး။ ငါ့ကို အလွတ်ပေးလိုက်ပါတော့။ မင်း ငါ့ကို ထွက်ပေါက် ပေးနိုင်မယ်မလား?"
လီဝေ့ရန် သည် သူမကို သနားတစ်ဝက် ရွဲ့တစ်ဝက်ဖြင့် ကြည့်ပြီး
"တို့က မေမေ့ကို သေတွင်းထဲပို့ဖို့ ဘယ်တုန်းကမှ မရည်ရွယ်ခဲ့ပါဘူး။ မေမေ ဘာလို့များဒီလောက်တောင်ကြောက်နေရတာလဲ"
သူမက ထိုသို့ပြောပြီးနောက် အားလောင်ကို
"မင်းရဲ့ သခင်မကို ကူညီပေးလိုက်ပါဦး။ အခု သူမ ဘယ်လိုဖြစ်ပျက်နေလဲဆိုတာကို ကြည့်ပါဦးလား"
အားလောင်က ကျောင်းယွိလန်ကို အမြန်ကူညီဖို့လုပ်လိုက်ပေမယ့် သူမက တွန်းထုတ်ခံလိုက်ရပြီး
"ငါသိတယ်! မင်း ဒီနေ့ ဒီကိုလိုလိုလားလားလာရတဲ့ အကြောင်းရင်းက ငါ အသုံးဝင်နေသေးလို့မို့လား? ငါဒီမှာရှိနေသရွေ့ လီရှောင်ရန်က ဇနီးမယားအသစ်နဲ့ လက်ထပ်မှာမဟုတ်သလို သတ္တမကိုယ်လုပ်တော်နဲ့မင်ကျီတို့ရဲ့ရာထူးကို ခြိမ်းခြောက်မယ့် လူသစ်တစ်ယောက်လည်း ဝင်လာနိုင်မှာ မဟုတ်တော့ဘူးလေ။ အခုဆို သူကလည်း ကလေးမရနိုင်၊ ငါကလည်း ကိုယ်ဝန်မဆောင်နိုင်တော့ဘူးဆိုတော့ မင်ကျီက ဒီမိသားစုမှာ တစ်ဦးတည်းသောသားဖြစ်သွားတော့မှာ။ ဒါဆိုရင် မင်းအတွက်ရော အကျိုးရှိမှာမဟုတ်လား? ငါ့ကိုသွားခွင့်ပြုပါတော့။ ငါ မင်းကို နောက် ဘယ်တော့မှ ဆန့်ကျင်မှာမဟုတ်တော့ပါဘူး။ ကျောင်းမိသားစုမှာ အခြေအနေတစ်ခုခုထူးခဲ့ရင် ငါ မင်းကိုပြောပြပါ့မယ်။ မဟုတ်ဘူး! ငါ မင်းကို သူတို့တွေနဲ့ ရင်ဆိုင်ဖို့အတွက်ပါ ကူညီပေးပါ့မယ်။ မင်းသာ ငါ့ကို ဒီရာထူးမှာဆက်နေခွင့်ပေးပြီး ငါ့ညီမကို မိသားစုထဲဝင်မလာအောင် ကူညီပေးသရွေ့ ငါမင်းကို အားကိုးမှီခိုပါ့မယ်!"
YOU ARE READING
လီဝေ့ရန် (ပထမတွဲ) Unicode
Historical FictionOriginal Name: Princess Wei Yang/Concubine's daughter is Poisonous Original Author : Qin Jian Genre : Drama, Mature, Josei, Romance This is not my own work, so I give full credits to original author and english translators respectfully...