အမတ်ချုပ်ကြီးနေအိမ်တော်
ပထမသခင်မသည် အမတ်ချုပ်ကြီး၏အိမ်တော်သို့အလျင်အမြန်ပြန်သွားသော်လည်းလီဝေ့ရန်အားစောင့်ကြည့်စိတ်ပူခဲ့ခြင်းမရှိပေ။ အဘယ်ကြောင့်ဆိုသော် လီရှောင်ရန်သည် သုံးရက်ကြာအပြင်သို့ထွက်သွားခဲ့ပြီးနောက် ကိုယ်လုပ်တော်အသစ်ကို အမှန်တကယ်ပင်ခေါ်လာခဲ့သောကြောင့်ဖြစ်သည်။ ထူးခြားတာကတော့ ဒီတခါတော့ ကိုယ်လုပ်တော်အသစ်ခေါ်လာမည့်အကြောင်းကို လီရှောင်ရန်ကပထမသခင်မအားကြိုမသိစေခဲ့ဘူး။
ဆိုလိုသည်မှာ လီရှောင်ရန်သည် သူမအားယခင်ကဲ့သို့လေးစားမှုမရှိဟုဆိုလိုသည်။ ဒီအကြောင်းကိုစဉ်းစားကြည့်တော့ ဗူးဒူးအဖြစ်အပျက်နောက်ပိုင်းတွင်လီရှောင်ရန်သည်သူမဆီသို့တစ်ခါမှမရောက်လာခဲ့ချေ။ ပုံမှန်အားဖြင့် ပထမသခင်မသည် ဒါကိုခံနိုင်ရည်ရှိသော်လည်းယခုတစ်ကြိမ်တွင်မူသူမကသည်းမခံနိုင်တော့ပေ။ သူမသည် လီချန်းလဲ့နှင့်အတူအိမ်တော်သို့အလျင်အမြန်ပြန်လာပြီးနောက် လီရှောင်ရန်သည် သူ၏သစ်လွင်သောဇနီးအချောလေးအား ပွဲအခမ်းအနားဆီခေါ်သွားခဲ့ပြီး အိမ်တော်သို့မရောက်ရှိသေးကြောင်းကိုသိလိုက်ရသည်။ ဒေါသသည် သည်းခံမှုသို့ပြောင်းလဲသွားလေလေ သူမကအံကိုတင်းတင်းကြိတ်ကာသွေးကိုမြည်းစမ်းနိုင်သည့်အထိဖြစ်သွားစေသည်။ သူမက တစ်ညလုံး လူးလိမ့်ရင်းအတွေးတွေနှင့်ဗျာများနေသဖြင့် လီဝေ့ရန်ဘယ်နေရာတွင်ရောက်ရှိနေသည်ဆိုတာကိုပင်မေးဖို့တောင်မေ့သွားခဲ့တယ်။ နောက်နေ့မနက်မှာတော့ သူမကဂနာမငြိမ်ဖြစ်နေဆဲပင် အသစ်စက်စက်ရောက်ရှိလာသောအချောလေး ယွမ်မိန်းကလေးကိုဆင့်ခေါ်ဖို့လူတွေကိုချက်ခြင်းစေလွှတ်လိုက်သည်။
ပထမသခင်မက သူမ၏လက်ထဲတွင်လက်ဖက်ရည်ခွက်ကိုဆုပ်ကိုင်ထားပြီးသူမ၏ ရှေ့တွင်ရှိနေသောကိုယ်လုပ်တော်ယွမ်ကိုကြည့်နေမိသည်။
ဒီအမျိုးသမီးတွင် နှင်းဖြူကဲ့သို့အသားအရည်မျက်နှာမျိုးရှိ၍ သူမ၏နှာခေါင်းနှင့်မျက်နှာပုံသွင်ပြင်သည်ကျောက်စိမ်းတုံးကိုဂရုတစိုက်ထွင်းထုထားပုံနှင့်ပင်တူသည်။ ဒီနေရာမှာရပ်နေတဲ့သူမက နှင်းမုန်တိုင်းကြားကပန်းလေးတွေနဲ့သစ်ပင်တွေလိုပင်နုနယ်လှသည်။ ယွမ်မိန်းကလေး၏အလှတရားသည် သူမ၏လှပသောသမီးပျိုကိုမယှဉ်နိုင်သော်လည်းအခြားသူများကိုအာရုံစိုက်ရန်ခက်ခဲစေသောထူးခြားသည့်အချောလှလေးဖြစ်သည်။ သူမသည်လေပြည်ကဲ့သို့ယိမ်းနွဲ့စွာလမ်းလျှောက်ထွက်လာပြီးနောက် ကျက်သရေရှိစွာနှုတ်ဆက်ဂါရဝပြုလိုက်သည်။
YOU ARE READING
လီဝေ့ရန် (ပထမတွဲ) Unicode
Historical FictionOriginal Name: Princess Wei Yang/Concubine's daughter is Poisonous Original Author : Qin Jian Genre : Drama, Mature, Josei, Romance This is not my own work, so I give full credits to original author and english translators respectfully...