ညနေဘက်အချိန်အခါတွင် လီဝေ့ရန်သည် ဟယ့်ရှင်းယွမ်အဆောင်ထံသို့ အမြန်ချဉ်းကပ်လာသည်။
အစေခံများက သူမကိုဝင်ခွင့်ပြုဖို့ ကန့်လန့်ကာတွေကို မတင်ပေးလိုက်ပြီး
"အန်းဖိန်မင်းသမီး၊ သခင်မကြီးက အန်းဖိန်ကို စောင့်နေပါတယ်"ဟုပြုံးပြုံးရွှင်ရွှင်ပြောလာသည်။
လီဝေ့ရန်က ပေါ့ပေါ့ပါးပါးပြုံးလိုက်ပြီး သူမရဲ့ခြေလှမ်းတွေကို ရပ်တန့်မနေဘဲ အမြန်ဝင်လာတယ်။
လီဝေ့ရန် လျှောက်လှမ်းလာစဉ်တွင် ကုလားထိုင်ပေါ်တွင်ထိုင်ကာ အထိန်းတော်လျိုလက်ဖက်ရည်ဆက်သသည်ကို သောက်သုံးနေသော သခင်မကြီးကိုတွေ့လိုက်ရသည်။ လီဝေ့ရန်က သူမအား တရိုတသေဂါရဝါပြုဆုမွန်ကောင်းတောင်းပေးပြီးနောက် သခင်မကြီးက ပြုံးရွှင်စွာဖြင့်
“ထပါကွယ်။ ဒီအချိန်ကြီးမှာ မင်းက ငါ့ကိုတွေ့ဖို့ ဒီနေရာကိုရောက်လာတာဆိုတော့စိတ်အရင်းခံဖြစ်မှာပဲ"
လီဝေ့ရန်ကထ၍ သခင်မကြီးအား ကျေးဇူးတင်စကားဆိုလိုက်သည်။ သခင်မကြီးသည် ဘေးနားကမုန့်တွေကိုညွှန်ပြပြီး
"မင်းရဲ့ မေမေလေးက ဒါတွေကို မနက်ကတင် ပို့ပေးလိုက်တာ။ မြည်းကြည့်စမ်းပါဦး" ဟုပြောသည်။
လီဝေ့ရန်က ပြုံးကာ လမ်းလျှောက်လာရင်း အရောင်စုံရွှေရောင်များရောနှောပါဝင်နေသည့် မုန့်လေးများကိုသတိပြုမိပြီး အလွန်စားချင်စရာကောင်းနေပုံရသည်။ သူမသည် ပေါ့ပါးစွာပင် တစ်ခုကိုယူလိုက်၍ ပါးစပ်ထဲထည့်ကာ
"အရသာက အတော်လတ်ဆတ်တာပဲ။ အဲဒါ ကိုဘာလို့ခေါ်တာများလဲ" ဆိုပြီး မသိမသာ ချီးကျူးလိုက်တယ်။
သခင်မကြီးက စကားတစ်ခွန်းမှမပြောဘဲ ပြုံးနေသဖြင့် အထိန်းတော်လျိုက
"အန်းဖိန်မင်းသမီး၊ ဒါရွှေကိတ်မုန့်ကွက်ကီးတွေပါ။ ပထမသခင်မက အဲဒါတွေကို သူမရဲ့လက်နဲ့လုပ်ထားတာဖြစ်ပါတယ်။ ဒါလေးတွေက လတ်ဆတ်ပြီး အရသာရှိတော့ ချိုချိုချဥ်ချဉ်လေးနဲ့စားမြိန်စေပါတယ်။ သခင်မကြီးက ဒါလေးတွေကို စားရတာ နှစ်ခြိုက်လှပါတယ်”
YOU ARE READING
လီဝေ့ရန် (ပထမတွဲ) Unicode
Historical FictionOriginal Name: Princess Wei Yang/Concubine's daughter is Poisonous Original Author : Qin Jian Genre : Drama, Mature, Josei, Romance This is not my own work, so I give full credits to original author and english translators respectfully...