ထိုစကားတွေကိုပြောခဲ့တဲ့သူက ကောင်လေးတစ်ယောက်ပင်။ ချောမောခန့်ညားတဲ့သတ္တမမင်းသားသည် ပန်းချီကားတစ်ချပ်ထဲကရုပ်လွှာလိုမော်ကြွားပြီး သူ့အရည်အချင်းတွေကိုသရုပ်ပြချိန်မှာထူးခြားပြောင်မြောက်သည်ဟုဆိုနိုင်လျှင် ဒီကောင်လေးကတော့သိသိသာသာဆန့်ကျင်ဘက်ဖြစ်ကာ ပြဒါးတစ်လမ်းသံတစ်လမ်းပင်ဖြစ်သည်။ (မင်တိကငယ်ရွယ်တာမို့ ဟိတ်ဟန်သိပ်မရှိဘူးပြောချင်တာပါ မချောဘူးပြောတာမဟုတ်ဘူးနော်) အစောပိုင်းတုန်းကတော့ သူ့နေရာတွင်သာသူထိုင်နေခဲ့ပြီး လူတွေအာရုံစိုက်ခံရအောင်ဘာမှမပြုမူခဲ့ဘူး။ သို့ပေမယ့် သူကထိုစကားပြောလိုက်သည်နှင့်အခြားသူတွေကသူ့ကိုအာရုံမစိုက်ဘဲမနေနိုင်ဖြစ်သွားကြသည်။ သူကပြုံးမနေရင်တောင်မှခမ်းနားသောပန်းချီကားတစ်ချပ်ထဲကလှပသောပုံရိပ်လိုဖြစ်နေပြီ။ အခုတော့ သူက သိသိသာသာပင်ပြုံးပြလိုက်သဖြင့်အခြားသူတွေကဤလောက၌ဤမျှကြီးကျယ်ခမ်းနားသောပန်းချီကားချပ်ပုံလွှာမျိုးကိုရေးဆွဲနိုင်သောအနုပညာရှင်မရှိနိုင်ဟု အသိအမှတ်ပြုမိကြသည်။
သူဘယ်သူလဲဆိုသည်ကို အဖြေရှာလိုက်ကြတော့ အမတ်ချုပ်ကြီးလီ၏တတိယအိမ်တော်ခွဲမှသခင်လေးဖြစ်သည်ကိုသိရှိသွားကြသည်။
လီမင်တိကပြုံးနေသည်။ သူ၏မျက်ဝန်းထဲတွင်ထင်ဟပ်နေသောအသိဥာဏ်သည် သူ့အသက်ရွယ်တ့င်ရှိသင့်သည်ထက်ကျော်လွန်ကာ မျက်ဝန်းများကရွှန်းရွှန်းစားစား အသက်ဝင်လျက်ပင်။
"အရှင်မင်းသမီး၊ မြှားကို အဝေးဆုံးနေရာထိရောက်အောင်ပစ်နိုင်တဲ့လူကသာလျှင် အနိုင်ရရှိသူဆိုတာ အမှန်ပါလား?"
ယန်သခင်မလေး၏နံဘေးမှ စွန်းသခင်မလေးကတီးတိုးစွာဖြင့်
"အဲ့တစ်ယောက်က လီမိသားစုတတိယအိမ်တော်ခွဲရဲ့သခင်လေးဟုတ်တယ်မဟုတ်လား? သူကြည့်ရတာတော့ ရည်ရည်မွန်မွန်လေးပဲနော်။ ယောကျာ်းပီသပြီးခန့်ညားမှုလည်းရှိတယ်"
"သူက လီမိသားစုရဲ့သွေးရင်းသားမဟုတ်ဘူးဆိုတာတို့ကြားမိတယ်။ ဒီလောက်ချောတဲ့ကောင်လေးကဘယ်မိသားစုဆီကများမွေးဖွားလာပါလိမ့်"
YOU ARE READING
လီဝေ့ရန် (ပထမတွဲ) Unicode
Historical FictionOriginal Name: Princess Wei Yang/Concubine's daughter is Poisonous Original Author : Qin Jian Genre : Drama, Mature, Josei, Romance This is not my own work, so I give full credits to original author and english translators respectfully...