လီဝေ့ရန်က ပိုင်ကျီကိုအချက်ပြသဖြင့် ပိုင်ကျီက ဘေးနားရှိသေတ္တာသေးသေးလေးကို ယူဆောင်လာသည်။ ပိုင်ကျီသည် သေတ္တာကို ဟုန်လျို၏လက်ထဲသို့ထည့်လိုက်သည်။ သေတ္တာထဲတွင် ငွေတုံး၅၀၀အလေးချိန်ပါရှိသဖြင့် ဟုန်လျိုသည် ရုတ်တရက်အံ့သြသွားသည်။
လီဝေ့ရန်က
“မင်းရဲ့အခက်အခဲတွေကို ဖြေရှင်းဖို့ဒီငွေတုံးတွေက မလုံလောက်သေးဘူးဆိုရင် မင်းငါ့ကိုအချိန်မရွေးလာပြောနိုင်တယ်”
ဟုန်လျိုက သေတ္တာကိုဆုပ်ကိုင်ထားရင်း သူမ၏လက်များက ရုတ်တရက်တုန်ယင်လာပြီးမျက်ရည်များစတင်ကျဆင်းလာတော့သည်။ သူမကမျက်ရည်တွေကိုသုတ်လိုက်ပြီး
“တတိယသခင်မလေး၊ ဒီအစေခံကသေလောက်တဲ့အပြစ်ကျူးလွန်မိပါတယ်။ ဒါပေမယ့် ဒီအစေခံမှာ ရွေးချယ်စရာမရှိခဲ့ရပါဘူး။ လွန်ခဲ့တဲ့၃နှစ်က ဒီအစေခံရဲ့အမေနေမကောင်းဖြစ်တော့ အဖေလည်းမတတ်သာပဲ သမားတော်ဆီသွားပြဖို့ စာရင်းစာအုပ်တွေဆီကနေ ငွေသား၁၀၀ကိုခိုးယူခဲ့ရပါတယ်။ နောက်တော့ ပထမသခင်မက သက်သေခံအထောက်အထားတွေကို လက်ဆုပ်လက်ကိုင်ထားပြီး အဖေ့ကိုအရာရှိများထံပို့လိုက်မယ်လို့ဟုပြောခဲ့ပါတယ်။ အဖေကအသက်ကြီးနေပြီးတော့ သူ့မှာကခြေထောက်မကောင်းတော့၊ ဒီအစေခံလည်း ချောင်ပိတ်မိပြီး ဒီလိုအပြုအမူတွေကိုကျူးလွန်ဖို့ ဖြစ်လာရပါတယ်”
ဤအရာသည် လီဝေ့ရန်ခန့်မှန်းခဲ့သောအရာနှင့်လုံးဝထပ်တူကျသည်ပင်။ သူမကသက်ပြင်းချလိုက်ကာ
"ဟုန်လျို၊ ငါက မင်းကို အခက်အခဲမဖြစ်စေချင်ပါဘူး။ ဒီသေတ္တာကိုမင်းနဲ့အတူယူသွားလိုက်။ ဒီနေရာကနေ မင်းအဖေနဲ့တူတူထွက်သွားပြီး ပထမသခင်မက မင်းတို့ကို ရှာမတွေ့အောင်နေလိုက်"
ပိုငိကျီသည် ရုတ်တရက်မျက်မှောင်ကြုတ်လိုက်ပြီး
"မမလေး၊ မမလေးက သူမကို ဘယ်လိုလုပ် ဒီလို ခွင့်ပြုနိုင်ရတာလဲ။ ဒါကကျားကို သူ့ဂူပေးပြန်လိုက်စေသလိုပဲ မဟုတ်လား"
(ကျားကိုဂူဆီပြန်လွှတ်လိုက်ရင် အနာဂတ်မှာ အန္တရာယ်များလာနိုင်တယ်လို့ဆိုလိုတာပါ)
YOU ARE READING
လီဝေ့ရန် (ပထမတွဲ) Unicode
Historical FictionOriginal Name: Princess Wei Yang/Concubine's daughter is Poisonous Original Author : Qin Jian Genre : Drama, Mature, Josei, Romance This is not my own work, so I give full credits to original author and english translators respectfully...