နောက်တစ်နေ့နံနက်တွင် လီချန်းလဲ့သည် ပထမသခင်မအား ဂါရဝပြုရန်သွားခဲ့သည်။ သူမ၏ ရွှင်ပြနေသောအမူရာကိုမြင်လျှင် ချန်းလဲ့က ရုတ်တရက်ပျော်မြူးသွားပြီး
"မေမေ၊ ဘာသတင်းကောင်းများရှိလို့လဲ"
ပထမသခင်မကပြုံးပြပြီး လီချန်းလဲ့ရဲ့လှပပြီးဆွဲဆောင်မှုရှိတဲ့မျက်ဝန်းတွေကိုကြည့်လိုက်ရင်း
"ဟုတ်တယ်၊ အမေအရာအားလုံးကိုစီစဉ်ပြီးပြီ။ စိတ်ချပြီးသာနေလိုက်တော့ "
လီချန်းလဲ့၏မျက်နှာသည် ကြည်နူးရိပ်သန်းလာပြီး သူမမျှော်လင့်ထားသလို အမေက ခွေးမလီဝေ့ရန်ကိုဖယ်ရှားပစ်ချင်နေသည်ပင်။ သူမကပြုံးရင်းပြောသည်မှာ
"အမေ၊ လီဝေ့ရန်ကိုအနီးကပ်စောင့်ကြည့်ဖို့လူအနည်းငယ်ကိုသမီးစီစဉ်ထားပြီးပြီ"
"မလိုဘူး၊ ငါတို့တွေက မြက်ခင်းပြင်ကိုလန့်ပြီးမြွေကိုကြောက်အောင်မလုပ်နိုင်ဘူး။ (အလျင်စလိုလုပ်ပြီး ရန်သူကိုသတိပြုမိအောင်မလုပ်သင့်လို့ဆိုလိုတာပါ) ဒီကောင်မလေးကအမြဲတမ်းသတိရှိနေတာ။ လူနည်းလေပိုကောင်းလေဆိုတာကို မင်းသိဖို့လိုတယ်"
"ဒါပေမယ့်....."
လီချန်းလဲ့က လီဝေ့ရန်ကို သူမလက်နဲ့ပဲကိုယ်တိုင်အပြစ်ပေးချင်နေသည်ပင်။
ပထမသခင်မက တည်ငြိမ်စွာဖြင့်
"အမေဘာလုပ်မလဲဆိုတာပဲစောင့်ကြည့်စမ်းပါ"
သူမသည် လီချန်းလဲ့ကို သူမရဲ့အစီအစဉ်တစ်ခုလုံးကိုပြောပြဖို့ အစီအစဥ်မရှိပေ။ အတိတ်တုန်းကတော့ သူမသည် သူမ၏လက်ကိုသွေးအစွန်းမခံချင်ပေမယ့် ယခုတော့ သူမကအာရုံမများချင်သောကြောင့်ဖြစ်သည်။
"မင်း ဦးစားပေးရမှာဆိုလို့ ဘယ်လိုပုံမျိုးနဲ့ဆို အိမ်ရှေ့စံဖြစ်ဖြစ် သတ္တမမြောက်မင်းသားဖြစ်ဖြစ် မင်းကိုနှစ်ခြိုက်လာအောင်လုပ်ဖို့ပဲ"
လီချန်းလဲ့ကမျက်မှောင်ကြုတ်မိပြီး
"အမေက အိမ်ရှေ့စံအကြောင်း အမြဲပြောတယ်ဆိုပေမယ့် အစ်ကိုကြီးက သူ့ကိုအရူးတစ်ယောက်လို့ပဲခေါ်တာ။ ပြီးတော့ ဒီသတ္တမမင်းသားက သမီးနဲ့အသက်တူတူပဲဆို။ သူကဧကရာဇ်ရဲ့မျက်နှာသာပေးခံရတာကိုပဲ အားကိုးအားထားနေရတာ။ အစ်ကိုကြီးပြောတာတော့ တတိယမင်းသားက အခြားမင်းသားတွေနှင့်မတူဘူးတဲ့။ သူ့ရဲ့အပြုအမူတွေကိုက တော်ဝင်မြင့်မြတ်တဲ့လူကြီးလူကောင်းအတိုင်းပဲတဲ့"
YOU ARE READING
လီဝေ့ရန် (ပထမတွဲ) Unicode
Historical FictionOriginal Name: Princess Wei Yang/Concubine's daughter is Poisonous Original Author : Qin Jian Genre : Drama, Mature, Josei, Romance This is not my own work, so I give full credits to original author and english translators respectfully...