ထော့ပါယုသည် သူမ၏မျက်ဝန်းများကို စူးစူးစိုက်စိုက် ကြည့်ကာ
"မင်းလိုမိန်းကလေးတစ်ယောက်က ကိုယ့်ထက် ပိုဆုံးဖြတ်ချက်ပြတ်သားမယ်လို့မထင်မိဘူး"
လီဝေ့ရန်က သူ့အပေါ် ခံစားချက်တွေ ရှိတာဖြစ်နိုင်တာကြောင့် သူ့ကိုကူညီပေးဖို့ဆန္ဒရှိနေတာလားဟု ထော့ပါယုအတွက်ထင်စရာဖြစ်လာသည်။ မိုးမခသစ်ရွက်တွေကရေမျက်နှာပြင်ပေါ်ကိုပွတ်တိုက်သွားသလိုမျိုး သူ့နှလုံးသားတွင်းမှတစ်ခုခုကလှုပ်လှုပ်ရွရွဖြစ်လာလေသည်။ သူ၏ မသိစိတ်က သူမ၏လက်လေးကိုကိုင်ချင်လာမိသည်။
လီဝေ့ရန်သည် ရုတ်တရက်ခြေ၂လှမ်းဆုတ်ကာ သူ့လက်ကိုရှောင်လိုက်သည်။
ထော့ပါယုသည်အံ့ဩသွားပြီး သူမ၏တုံ့ပြန်မှုကိုနားမလည်နိုင်ဖြစ်နေသည်။
လီဝေ့ရန်က သူမကိုယ်သူမ နားလည်စွာဖြင့်သူမ၏မျက်ဝန်းအကြည့်တွေက ပုံမှန်ပြန်ဖြစ်သွားပြီး သူမရဲ့အမူရာတွေကနူးညံ့သိမ်မွေ့စွာဖြင့်
"သတ္တမအရှင်မင်းသား။ တို့က မင်းသားကို ကူညီနေတယ်ဆိုပင်မယ့် တို့တွေကြားထဲမှာ ချစ်ခြင်းမေတ္တာလိုမျိုးအရာတွေရှိလာမှာမဟုတ်ဘူးဆိုတာ မင်းသားနားလည်မယ်လို့ မျှော်လင့်ပါတယ် "
ထော့ပါယုသည် လုံးဝကိုဆွံ့အသွားမိပြီး စိတ်တွင်းမှ စိတ်ကူးယဥ်ထားသောအတွေးများသည် သဲလွန်စမရှိလောက်အောင် ပူဖောင်းသဖွယ်ပျောက်ကွယ်သွားသည်။ သူ၏အေးစက်သောအမူရာများကြားမှ သူ၏အံ့ဩမှုမှာ ရှင်းလင်းနေသည်ပင်။
အလှဆင်ထားသော တောင်တန်းနောက်ကွယ်တွင် လီမင်တိသည်ပြုံးလိုက်မိသည်။
တတိယမမသည် ထော့ပါယုကိုထိုပုံစံအတိုင်းမမြင်နိုင်မှန်းကိုသူသိသားပဲ။ ခိုးနားထောင်ရန်အတွက် မင်းသမီးလေးအား ချန်ထားခဲ့မိသည်မှာမိုက်မဲမိတာပဲဟု သတိပြုမိသောအခါသာခေါင်းငုံ့ရင်း မဲ့ပြုံးပြုံးလိုက်မိသည်။ သူ့မျက်တောင်မှေးစဥ်းနေပုံက သူ့ခံစားချက်များကို ဖုံးကွယ်ထားပုံရပြီး နုပျိုသောမျက်ခုံးမွှေးများက သူ့မျက်နှာကိုနွေးထွေးစေကာ ဝမ်းနည်းမှုနှင့်စိတ်ပျက်အားငယ်မှုက မကြာခင်တွင်ပင်အငွေ့ပျံသွားတော့သည်။
![](https://img.wattpad.com/cover/279464599-288-k76353.jpg)
YOU ARE READING
လီဝေ့ရန် (ပထမတွဲ) Unicode
Historical FictionOriginal Name: Princess Wei Yang/Concubine's daughter is Poisonous Original Author : Qin Jian Genre : Drama, Mature, Josei, Romance This is not my own work, so I give full credits to original author and english translators respectfully...