လီချန်းရှီ၏မျက်နှာပေါ်ရှိဒဏ်ရာသည် အမာရွတ်အဖြစ်သာကျန်နေတော့သည်။ အမာရွတ်ကိုအနည်းငယ်ဖုံးအုပ်စေရန်မူ ပေါင်ဒါအမှုန့်အမြောက်အမြားလိုအပ်နေသေးသည်။ သူမသည် သူမ၏ခြံဝင်းအတွင်း၌သာ နေထိုင်ရင်း တစ်လပြန်လည်ကုစားနေခဲ့ရသည်။ နောက်ဆုံးတွင်တော့ သခင်မကြီးက သူမအကြောင်း၅ကြိမ်မြောက်မေးသောအခါတွင်မူ သူမသည် သူမနေထိုင်ရာ ရွှမ်ယုကောအဆောင်ကနေ စိတ်မပါလက်မပါစွာနဲ့ ဟယ်ရှင်းယွမ်အဆောင်ဆီသို့ထွက်လာခဲ့ရသည်။
သူမက သခင်မကြီး၏ခြံဝင်းအတွင်းသို့ဝင်လာသောအခါရယ်သံကိုကြားလိုက်ရသည်။
"ဝေ့ရန်၊ မင်းကငါ့ကိုအမြဲရယ်အောင်လုပ်နေတာပဲ"
လီဝေ့ရန်သည် အဝါရောင်နှင့်အစိမ်းရောင်ပိုးချည်ထည်၀တ်စုံကို ၀တ်ဆင်ထားသည်။ ကော်လံပေါ်တွင် သစ်ခွပန်းများပန်းထိုးချယ်လှယ်ထားတာက အလွန်စွဲဆောင်နိုင်စေသလိုပင်။ သူမ၏ခေါင်းပေါ်တွင် ရိုးရိုးကျောက်စိမ်းဆံထိုးတစ်ခုသာရှိသည်။ သူမသည်ငယ်ရွယ်နုပျိုပြီးဆွဲဆောင်မှုရှိသော ကိုယ်ရောင်ဝါကိုဖြန့်ထုတ်နေသကဲ့သို့ပင် သူမကိုအလွန်ဖော်ရွေသောလူတစ်ယောက်ဖြစ်ပုံပေါ်နေစေသည်။ သူမ၏ မျက်နှာပေါ်ရှိအပြုံးသည် ပို၍ပင်ကြည်နူးရိပ်သန်းနေသည်။
"ဘွားဘွားရဲ့ဘေးနားမှာရှိရမှာက ဝေ့ရန်ရဲ့ကံကြမ္မာပဲထင်တယ်"
သခင်မကြီးကထပ်ရယ်ရင်း သူမ၏ခေါင်းလေးကိုဖွဖွလေးပုတ်လိုက်ပြီး သူမကအထိန်းတော်လျိုအား
"သူမလေးက ထပ်လိမ်နေပြန်ပြီ ဒီလိုစကားတတ်တဲ့လျှာလေး!"
လီချန်းရှီသည်အံ့အားသင့်သွားသည်။ သခင်မကြီးသည် ယေဘုယျအားဖြင့် တည်ကြည်လေးနက်ပြီး လေးစားစရာကောင်းသည်။ သူမက သူမရဲ့မြေးမလေးတွေနဲ့ ဘယ်တော့မှမရင်းရင်းနှီးနှီးမနေတတ်ဘူး။ ဒါပေမယ့်သူမက ဘယ်အချိန်ကတည်းကစပြီး လီဝေ့ရန်ကိုအရမ်းချစ်ခင်သွားရတာလဲ။ သူမ မသိသောအချက်မှာ လွန်ခဲ့သောလတစ်လလုံးတွင် လီဝေ့ရန်သည် သခင်မကြီးဆီကို ပုံမှန်လာရောက်လည်ပတ်နေခဲ့သည်ကိုပင်။ သူမသည် အတူတကွဆုတောင်းကြသည့်အခါတွင် သခင်မကြီး၏အဖော်ဖြစ်လာပြီး လက်ဖက်ရည်ဖျော်စပ်ပေးရင်းစကားပြောဖော်ဖြစ်လာသည်။ ထိုအချိန်မှစ၍ လူတိုင်းက သခင်မကြီး၏အလေးပေးခံရဆုံးလူမှာ လီဝေ့ရန်ဖြစ်လာသည်ကိုသိရှိကြသည်။
YOU ARE READING
လီဝေ့ရန် (ပထမတွဲ) Unicode
Historical FictionOriginal Name: Princess Wei Yang/Concubine's daughter is Poisonous Original Author : Qin Jian Genre : Drama, Mature, Josei, Romance This is not my own work, so I give full credits to original author and english translators respectfully...