ထော့ပါကျန်းသည် သူမ၏မွေးစားသားတော် ဖြစ်သောကြောင့် ဝူရှန်းဖေးမိဖုရားကြီးသည် သူမ၏ယောက္ခမအစစ်မဟုတ်ခဲ့ပေ။
တော်ဝင်နန်းတော်၊ ဧကရာဇ်၏ဥယျာဉ်တော်
လှပသောပန်းပွင့်များသည် လမ်းတစ်လျှောက်ပေါ်တွင်စီတန်းလျက်ပွင့်အာနေသောကြောင့် လေထဲတွင် စွဲမက်ဖွယ်ကောင်းသောရနံ့ကိုကျန်နေစေသည်။
လီဝေ့ရန်သည် ပန်းခင်းများကိုဖြတ်လျှောက်သွားကာ နားနေဆောင်တော်ကူးတွင်ထိုင်နေသောမြင့်မြတ်သောတော်ဝင်ကိုယ်လုပ်တော်မိဖုရားတစ်ဦးထိုင်နေသည်ကို တွေ့လိုက်ရသည်။ မယုတ်မလွန်အပြုံးတစ်ခုကသူမ၏ မျက်နှာတွင်ပေါ်လာသည်။
ဝူရှန်းဖေးမိဖုရားကြီးသည် ဂုဏ်သိက္ခာကြီးမားသောအိမ်တော်မှဆင်းသက်လာပြီး ထူးထူးခြားခြားလှပသော်လည်း နန်းတော်တွင် အရေးအကြီးဆုံးအရာမှာ တစ်စုံတစ်ယောက်၏ အလှတရားလည်းမဟုတ်သလို နောက်ခံရှိမရှိလည်းမဟုတ်ပဲ အမွေဆက်ခံသူရှိမရှိပင်ဖြစ်သည်။ ပုံမှန်အားဖြင့်၊ အမွေဆက်ခံသူမရှိသောအမျိုးသမီးသည် နန်းတော်၌ရှင်သန်ရန်အတွက်ရုန်းကန်ရမည်ဖြစ်ပြီး နှစ်ပေါင်းများစွာရှင်သန်နိုင်မှုကနည်းပါးလှသည်။ ဆန့်ကျင်ဘက်အနေနှင့်၊ ဝူရှန်းဖေးမိဖုရားကြီးသည် အလွန်ခိုင်မာစွာရပ်တည်ပြီး သားတော်တစ်ဦးကိုမွေးစားကာ ပြုစုပျိုးထောင်ရင်း နန်းတော်အတွင်း၌ ဧကရီအားဆယ်စုနှစ်တစ်ခုကြာ ကူညီဆောင်ရွက်ပေးနိုင်ခဲ့သည်။ လူတိုင်းမှာ ဒီလိုအရည်အချင်းမျိုးတော့မရှိကြဘူး။
ယခင်ဘဝက သူ့ယောက္ခမတော်အမျိုးသမီးကို ပထမဆုံးတွေ့စဥ်ကပင် နာမည်တစ်ခုတည်းနဲ့တင် ဒူးတွေတုန်နေခဲ့ရတယ်။ တစ်ဘဝပြီးသွားပြီဆိုတော့ လီဝေ့ရန်က "သူမရဲ့အတိတ်ကလူတစ်ယောက်" ကိုရင်ဆိုင်ရလောက်အောင် ယုံကြည်မှုရှိပြီး တည်ငြိမ်လာလိမ့်မယ်လို့ ယုံကြည်မိတယ်။
နန်းတွင်းသူများနှင့် မိန်းမစိုး၁၀ယောက်ကျော်သည် နားနေဆောင်တော်ကူးပတ်လည်တွင်ရပ်နေကာ အားလုံးကဦးညွှတ်ရင်း မျက်လုံးများ အောက်စိုက်ထားကြသည်။ သူတို့တွေသည်အသက်ရှူအောင့်ထားကြသဖြင့် ချောင်းဟန့်သံကိုတောင်မကြားရပေ။ နားနေဆောင်တော်ကူး၏အလယ်ဗဟိုတွင် အသက်လတ်လတ် မိန်းမချောကြီးတစ်ယောက်က မတ်မတ်ထိုင်နေသည်။ သူမ၏ပြောင်လက်တောက်ပသော အနက်ရောင်ဆံပင်များသည် ခေတ်စားနေသော မိုးကုတ်စက်ဝိုင်းပေါ်ရှိတိမ်များကဲ့သို့ပုံသဏ္ဍာန်ဖြင့် စုစည်းထုံးဖွဲ့ထားသည်။ သူမ၏အသားအရည်သည် ချောမွတ်ပြီးနူးညံ့လှသဖြင့်လှပသောကျောက်စိမ်းကဲ့သို့ နေရောင်အောက်တွင် ပို၍ပင်တောက်ပနေသည်။ သူမ၏မျက်လုံးများသည် နက်မှောင်နေချိန်တွင် တောက်ပပြီး ချစ်စဖွယ်ကောင်းကာစွဲဆောင်မှုရှိသည်။ အနီရောင်နှုတ်ခမ်းလေးတွေက အပြုံးတစ်ခုအဖြစ်သို့ကွေးသွားပုံမှာ ဝတ်ရည်များကို ထိတွေ့သောက်သုံးတော့မည့်ဟန်ပင်။ သူမသည် လီဝေ့ရန်ကိုပြုံးပြနေသည်။ သူမ၏အပြုံးသည် နွေးထွေးပြီး နူးညံ့သိမ်မွေ့သဖြင့်တစ်ခုခုကိုကြံစည်နေပုံရသူနှင့်မတူပေ။
YOU ARE READING
လီဝေ့ရန် (ပထမတွဲ) Unicode
Historical FictionOriginal Name: Princess Wei Yang/Concubine's daughter is Poisonous Original Author : Qin Jian Genre : Drama, Mature, Josei, Romance This is not my own work, so I give full credits to original author and english translators respectfully...