ရှီရှန်း ( ႐ွီ႐ွန္း) Book 3 Arc 11 to....

Arc 13.9

Unicode

ရှီရှန်းက  နတ်ဆိုးဂိုဏ်း ဘယ်​လောက်ထိဆင်းရဲ​ကြောင်းကို အခုမှသာ သိ​တော့တယ်
နတ်ဆိုးဂိုဏ်းက သူ့တို့ကိုယ်သူတို့ ထောက်ပံ့ဖို့ကို အနိုင်နိုင်စီမံနေခဲ့ရတာပဲ

'ကမ္ဘာတစ်ဝှမ်းလုံးမှာစီးပွားရေးလုပ်ငန်းတွေရှိနေပြီး နိုင်ငံတစ်နိုင်ငံထူ​ထောင်ရ​လောက်​အောင် ချမ်းသာနေတဲ့နတ်ဆိုးဂိုဏ်းကဘာဖြစ်သွားတာလဲ ??? ဒီလောက် အခြေအ​နေဆိုးတဲ့နတ်ဆိုးဂိုဏ်းကိုမြင်ရတာ ဒါ ငါ့အတွက် ပထမဆုံးအကြိမ်ပဲ ငါ့ရဲ့ကြိုးစားမှုကဘာလဲ။ ဂိုဏ်းကိုပြုပြင်ပြောင်းလဲဖို့လား။ ​စောက်ချီး!!!! ဒီမှာပြောင်းလဲနိုင်စရာတောင်ရှိသေးရဲ့လား! '

လက်၀ဲကိုယ်ရံ​တော် ထင်ဖုန်းက သူမကို ဒီလိုပြောခဲ့တယ်
"ဂိုဏ်းချုပ် ငါတို့ဂိုဏ်းမှာ ဘယ်သူမှစာတတ်မြောက်မှုမရှိကြတာကို မင်းနားလည်ရမယ် စီးပွားရေးတစ်ခုလုပ်တာထက် လူတွေကိုသတ်ဖို့က ငါတို့အတွက်ပိုလွယ်လိမ့်မယ်"

ဒီအချိန်မှာ လက်ယာကိုယ်ရံ​တော် ကုယွီကသူမကို ဒီလိုပြောခဲ့တယ်။

"ငွေတဲ့လား? ဖီ!!! သိက္ခာကျတယ်!"

'* စားပွဲလှန်လိုက်* အဲ့ဒီ သိက္ခာကျမယ့် အရာမရှိရင် မင်းဘယ်လိုရှင်သန်မလဲ!'

"တောင်​အောင်ဆင်းတဲ့အခါ ငါ့နောက်လိုက်ဖို့လူနည်းနည်း​လောက်ရှာထား "  ရှီရှန်းကဒေါသတကြီးမျက်နှာလွှဲလိုက်တယ်
"နည်းနည်းပပါး ​လေးနက်မှုရှိမယ့်သူ​တွေ​ရွေးထား"

နတ်ဆိုးဂိုဏ်းရဲ့ ကိုယ်ရံ​တော်၂​ယောက်အနက် ထင်ဖုန်းက ဂိုဏ်းရဲ့ ကိစ္စကြီးငယ်အားလုံးကို ကိုင်တွယ်ရသူဖြစ်တယ် သူက  ဂိုဏ်းသား​တွေရဲ့ နေ့စဉ်လိုအပ်ချက်​တွေ အတွက် တာဝန်ယူရတယ်

ကုယွီ မှာ ဘာတာဝန်ရှိလဲ
ရှီရှန်းမြင်သမျှ​တော့ ကုယွီက သူတို့အရင်ဂိုဏ်းချုပ်ရဲ့သက်ကယ် တဲခေါင်မိုးပေါ်မှာရပ်နေတာပဲ။ အခြားဂိုဏ်းသား​တွေရဲ့အဆိုအရ​တော့ သူက'သဘာဝစွမ်းအား​တွေကိုစုပ်ယူ​နေတာ'

'မင်းက သဘာ၀လွန်စိတ်ဝိညာဉ်တစ်ခုအဖြစ်ပြောင်းလဲချင်တာလား။ မင်းရဲ့ အရင်ဂိုဏ်းချုပ်ဟောင်းက မင်းဘယ်​လောက်ထိ ရူး​နေမှန်း သိရဲ့လား။ '