ရှီရှန်း ( ႐ွီ႐ွန္း) Book 3 Arc 11 to....

Arc 13.13

Unicode

မဟာမိတ်ဂိုဏ်း​ခေါင်း​ဆောင်ဆိုတာမရှိရင် သိုင်း​လောကအကြောင်း ဇာတ်လမ်းက ပြီးပြည့်စုံမှာ မဟုတ်ဘူး။

မဟာမိတ်ခေါင်းဆောင်အသစ်ကို ရွေးချယ်မယ့် နှစ်ပတ်လည်အစည်းအဝေးက မကြာမီစတင်တော့မှာ ဖြစ်တာကြောင့် ရှီရှန်းလည်း တောင်​အောက်ကို နောက်ထပ်တစ်ခေါက်ဆင်းလာခဲ့တယ်

ရှီရှန်းက အလင်းဂိုဏ်း​တွေရဲ့ မဟာမိတ်အခြေစိုက်စခန်းဖြစ်တဲ့ ​တောက်ပလ​ရောင်ရွာကို ဦးတည်နေရင်း ဂိုဏ်းသားတွေကို သူတို့ဘာသာသူတို့ တခြားလူ​တွေကို လုယက်ဖို့ပြောခဲ့တယ်။

ဒီလိုအဓိကဇာတ်​ကြောင်းကြီးမှာ ဇာတ်လိုက်​တွေ ​သေချာပေါက်ပေါ်လာလိမ့်မယ်
​တောက်ပလ​ရောင်ကျေးရွာက အခုအချိန်မှာ ​တော်​တော်စည်ကား​နေတယ်

လူအများစုက အုပ်စုလိုက်​တွေရောက်လာကြ​ပေမယ့်  တစ်ကိုယ်ထဲခရီးနှင်လာတဲ့ရှီရှန်းရဲ့ပုံစံ​ကြောင့်(သူမရဲ့ရုပ်ရည်​ကြောင့်​ရော)
အာရုံစိုက်ချင်စရာ ဖြစ်​နေခဲ့တယ်

ရှီရှန်းက  ​ကျောက်စိမ်း​ရေစင် ရွာသူကြီးကလွဲရင် အခြားဘယ်သူ့ကိုမှ မမှတ်မိဘူး

"မိန်းက​လေး ၀ူကျန်းကလည်း မဟာမိတ်ဂိုဏ်း​ပေါင်းစုံ စု​ဝေးပွဲကို ပါ၀င်ဖို့ လာခဲ့တာလား " ရွာသူကြီးက ရှီရှန်းဆီကို ​လျှောက်လာခဲ့တယ် သူ့ရဲ့မျက်လုံးထဲက ကောက်ကျစ်တဲ့အကြည့်ကိုသာ သတိမထားမိဘူးဆိုရင် သူ့ရဲ့အပြုအမူက အတော်လေးသဘောကျဖို့ကောင်းသားပဲ

"ဘာလဲ..ကျွန်မ ၀င်ပါခွင့်မပြုဘူးလား"

"ဘယ်ဟုတ်မလဲ"

"ဒါဆို ရှင်က ဘာလို့ လာ​မေး​နေတာလဲ
စုဝေးပွဲမှာပါ၀င်ဖို့ ဒီနေရာကိုလာတာ မဟုတ်ရင် လူသတ်ဖို့လား"

ရွာသူကြီး" …"  ' ​စောက်ကျိုးနဲ!! ဒီကောင်မလေးကို ဘယ်သူသွန်သင်လာတာလဲ'

သူကသူ့ဒေါသကိုထိန်းလိုက်ပြီး တည်ငြိမ်အောင်အတတ်နိုင်ဆုံးကြိုးစားကာ ​မေးတယ်  "မိန်းက​လေး ၀ူကျန်းမှာ  ဖိတ်စာမရှိဘူးမဟုတ်လား"

ဖိတ်စာ​တွေက သိုင်း​လောကထဲမှာ အဆင့်အတန်းတစ်ခုခု ရှိတဲ့သူ​တွေဆီကို သာပေးပို့လိမ့်မယ် ဒါကြောင့် ဒီစုန်းမက အဲ့ဒီလူ​တွေထဲမပါမှာသေချာတယ်