Unicode
ဤပြန်စာသည် ကျွမ့်အိမ်တော် နှင့် ယွီ၀မ်ရှင်း၏လက်ထဲသို့ ရောက်သွားရုံသာမက အခြားတစ်ယောက်ဆီသို့လည်း ရောက်သွားခဲ့သည်။
အဖြူရောင်ဝတ်ထားသူတစ်ဦးက ပြတင်းပေါက်တစ်ခုရှေ့တွင် ရပ်နေပြီး သူ့သွင်ပြင်က ကျောက်စိမ်းသစ်ပင်နှယ် တင့်တယ်လှ၏။ မှင်နှင့်တူသော ဆံနွယ်တစ်၀က်ကို အဖြူရောင် ကျောက်စိမ်းမကိုဋ်သဏ္ဍာန်ထုံးဖွဲ့ထားပြီးကျန်တစ်ဝက်ကို သူ့ကျောအောက်သို့ လွတ်လွတ်လပ်လပ် ဖြန့်ချထားသည်။
သူက စာတစ်စောင်ကို ချလိုက်သည်။
"ဒီ ကျွမ့်ချုံ က တော်တော်လေးစိတ်ဝင်စားဖို့ကောင်းတာပဲ" သူ့အသံထဲတွင် ရယ်သံတစ်ခုထွက်ပေါ်လာသည်။
"ဘယ်လိုလုပ်ပြီးတော့လဲ? သူမက ကိုယ့်သေလမ်းကို ရှာနေတာပဲ မဟုတ်ဖူးလား အရှင်"
သူ့ကိုစောင့်နေတဲ့ လူငယ်လေးက ခေါင်းကုတ်လိုက်သည်။
"ယွီ၀မ်ရှင်း က သူမကို မထိရဲပါဘူး" ထိုလူလှည့်ကြည့်လိုက်သောအခါ သူ၏ထူးခြားလှသော အသွင်အပြင်ကို ရှင်းလင်းစွာမြင်လိုက်ရသည်။
သူ၏ နှုတ်ခမ်းများက ပြုံးနေသယောင်ရှိနေကြပြီး မက်မွန်ပွင့်ပုံ မျက်၀န်းများသည် နွေးထွေးမှုများနှင့် ပြည့်နှက်နေပြီး စိုက်ကြည့်လိုက်သောအခါ နွေဦးလေနုအေးလေး ဖြတ်သွားသကဲ့သို့ ခံစားရစေသည် ။
သူ့အပေါ် လူတိုင်း၏ ပထမဆုံး အထင်အမြင်မှာ အလွန်နူးညံ့သိမ်မွေ့သူတစ်ဦးဖြစ်ပြီး နူးညံ့သိမ်မွေ့လွန်းသဖြင့် သူတို့ရဲ့ အားလုံးကို သူ့ထံ ကမ်းလှမ်းချင်နေပေလိမ့်မည်။
လူငယ်လေးသည် နှစ်ပေါင်းများစွာ အတူလိုက်ပါခဲ့ပြီးဖြစ်သော်လည်း သူ့သခင်၏ အသွင်အပြင်ကြောင့် အမြဲတမ်း အံ့အားသင့်နေခဲ့ရသည်။
"အရှင်၊ ဧကရာဇ်က ကျွမ့်အိမ်တော် ကို ဘာလို့ အရမ်းကြောက်နေရတာလဲ"
"ငါလည်း မသိဘူး"
ထိုသူက သူ့မေးစေ့များကို လက်နဲ့ထိလိုက်သည်။
ကောင်လေး"…"
'ဒါဆို အရှင်ကဘာလို့ အရမ်းသေချာနေတာလဲ'
......
YOU ARE READING
ရှီရှန်း ( ႐ွီ႐ွန္း) Book 3 Arc 11 to....
Fantasyရှီရှန်း arc 11 ကနေ စတင်တာပါ arc 1ကနေ 10ထိကို workထဲမှာ သွားရှာနိုင်ပါတယ် ႐ွီ႐ွန္း arc 11 ကေန စတင္တာပါ arc 1ကေန 10ထိကို workထဲမွာ သြား႐ွာႏိုင္ပါတယ္
