Unicode
ကျွင်းလီယုန်က သူ့ကို ကျန့်ဇီရဲ့အိမ်တော်ကို ပြန်ပို့ပေးချင်ပေမယ့် သွမ့်ချင်းယွင်က သေရင်တောင် မပြန်ချင်ဘူးလို့ငြင်းလေတယ် သူက သွမ့်အိမ်တော်ကလူတွေနဲ့လည်းမတွေ့ချင်ပြန်ဘူးလို့ပြောတာကြောင့် ကျွင်းလီယုန်က သူ့ကို ကျွင်းအိမ်တော်ကိုသာ ခေါ်လာခဲ့ရတော့တယ်
သူမက သွမ့်ချင်းယွင်ကို ခစားဖို့ အစေခံတွေ အများကြီးလွှတ်ပေးထားပြီး တလေးတစားထားတယ် တစ်ဖက်မှာတော့ သူမက မင်းသမီးနဉ်ရဲ့ အိမ်တော်ကို လူလွှတ်ပြီး ကိုယ့် ကိုယ်လုပ်တော်ကို ပြန်လာခေါ်ဖို့ အကြောင်းကြားပေးလိုက်တယ်
သွမ့်ချင်းယွင်ကတော့ ကျွင်းလီယုန်မှာ အခုထိ ကိုယ်လုပ်တော်တောင် တစ်ယောက်မှ မရှိသေးတာကိုသိသွားတဲ့ အခါမှာ သူ့ရဲ့အရင်က ဆုံးဖြတ်ချက်ကို နောင်တရစပြုလာတယ် ပြီးတော့ သူ မကြာသေးခင်မှ သူ့အဖေဆီကနေ သိလာခဲ့ရတာလည်းရှိသေးတယ် တကယ်လို့ သူသာ အဲ့ဒီတုန်းက တစ်လလေးပဲ စောင့်လိုက်မယ်ဆိုရင် ကျွင်းလီယုန်က သူ့ကို လက်ထပ်ယူပြီးနေလောက်ပြီ
ကျန့်ဇီဘေးမှာ သူ မယှဉ်နိုင်တဲ့ ယောက်ျားတွေ အများကြီး ဝိုင်းနေတာကို တွေးမိသွားတဲ့ နောက်မှာ သွမ့်ချင်းယွင်က ကျွင်းလီယုန်ဆီကို ပြန်လာချင်သွားတယ် သူက ကျွင်းလီယုန် နေမကောင်းဖြစ်နေတဲ့ အချိန်ကို အခွင့်ကောင်းယူပြီး သူမရဲ့ အိပ်ရာပေါ်ကို တက်ခဲ့တယ်
ကျွင်းလီယုန်က ကိုယ်လုပ်ထားတဲ့ ကိစ္စကို ကြိမ်းသေပေါက်တာဝန်ယူရမယ်ဆိုတဲ့ ဖြောင့်မတ်တဲ့ ကိုယ်ကျင့်တရားရှိသူဖြစ်တယ်
ကျန့်ဇီ သူမအိမ်တော်ကိုလာတဲ့ အချိန်မှာ သူမက သွမ့်ချင်းယွင်ကို ပြန်ထည့်မပေးလိုက်နိုင်တော့ကြောင်း ငြင်းဆိုလိုက်တယ်
တစ်ဖက်မှာတော့ ကျန့်ဇီက သွမ့်ချင်းယွင်ကို တိတ်တိတ်လေးသွားတွေ့ခဲ့တယ် သူမက ကိစ္စကို သေသေချာချာစစ်ဆေးပြီးပြီဖြစ်လို့ သွမ့်ချင်းယွင်က တရားခံမဟုတ်ကြောင်းယုံကြည်ပြီ ဖြစ်ကြောင်း နဲ့ လွန်ခဲ့တဲ့ရက်တွေတုန်းက သူနဲ့ ခပ်ခွာခွာနေမိခဲ့တာ သူမအမှားဖြစ်ကြောင်း တောင်းပန်တယ်
YOU ARE READING
ရှီရှန်း ( ႐ွီ႐ွန္း) Book 3 Arc 11 to....
Fantasyရှီရှန်း arc 11 ကနေ စတင်တာပါ arc 1ကနေ 10ထိကို workထဲမှာ သွားရှာနိုင်ပါတယ် ႐ွီ႐ွန္း arc 11 ကေန စတင္တာပါ arc 1ကေန 10ထိကို workထဲမွာ သြား႐ွာႏိုင္ပါတယ္
