Unicode
"ဂိုဏ်းချုပ် သူတို့ကို ဘာလို့ မသတ်သေးတာလဲ နတ်ဆိုးဂိုဏ်းက သိုင်းလောကတစ်ခုလုံးကို အနိုင်ယူဖို့ လက်တစ်ကမ်းပဲ လိုတော့တယ်" ဂိုဏ်းဝင်တစ်ဦးက ရှီရှန်းအား စိတ်လှုပ်ရှားစွာ လှုံ့ဆော်လိုက်သည်။
"ဒီလူတွေက တော်တော်အရေးကြီးပုံရတယ် သူတို့ကို ဒီမှာသတ်လိုက်ရင် ဆုံးဖြတ်ချက်ချပေးဖို့ တခြားလူရှိမှာမဟုတ်ဘူး ငါတို့ နတ်ဆိုးဂိုဏ်း ထွန်းတောက်ဖို့ အချိန်ဖြစ်လာလိမ့်မယ် ဂိုဏ်းချုပ် သူတို့ကို သတ်လိုက်ပါ!"
"ဂိုဏ်းချုပ် သူတို့ကို သတ်လိုက်ပါ…"
နတ်ဆိုးဂိုဏ်းသားအားလုံးက ဒီလူတွေကို သတ်ပစ်ဖို့ ရှီရှန်းကို တိုက်တွန်းနေကြသည်။
"ငါ့ပန်းတိုင်က သိုင်းလောကတစ်ခုလုံးကို အနိုင်ယူဖို့လို့ ဘယ်သူပြောလဲ" ရှီရှန်းက အေးအေးဆေးဆေး မေးလိုက်သည်။
နတ်ဆိုးဂိုဏ်းသားများ အံသြသွားကြသည်။ 'မဟုတ်ဖူးလား? ဒါပေမယ့် ဂိုဏ်းချုပ် ဘယ်လိုပဲကြည့်ကြည့် မင်းရဲ့လုပ်ရပ်တွေက သိုင်းလောကတစ်ခုလုံးကို အနိုင်ယူဖို့လို့ထင်ရတယ်'
သတ်ခံရရန် စောင့်ဆိုင်းနေသော အမှန်တရားဂိုဏ်းသားများသည်လည်း ဒေါသတကြီးဖြစ်ကုန်ကြသည်။
'ဒီမိန်းမက သူ့ရည်မှန်းချက်က သိုင်းလောကတစ်ခုလုံးကို အောင်နိုင်ဖို့မဟုတ်ဘူးလို့ ပြောနေတာလား အဲ့ဒါဆို တစ်နိုင်ငံလုံးကို အောင်နိုင်ချင်နေတာလား'
ရှီရှန်းသည် သူမ၏ပန်းတိုင်ကို အခိုင်အမာ ပြောခဲ့သည်
"ငါ့ပန်းတိုင်က စကြ၀ဠာတစ်ခုလုံးပါ"
နတ်ဆိုးဂိုဏ်းသားများ ၊ "..."
'ဂိုဏ်းချုပ် ဘာတွေပြောနေတာလဲ'
မြေပြင်ပေါ်တွင် လဲလျောင်းနေသော အမှန်တရားဂိုဏ်းသားများ"…"
'ဒီအမျိုးသမီးက သူ့ဆေးကို လှုပ်မသောက်ဖူးလား'
ရှီရှန်းက လက်ကို ဝှေ့ယမ်းလိုက်သည်။ ဒီလူတွေက သူ့ရည်မှန်းချက်တွေကို ဘယ်လိုနားလည်နိုင်မလဲ။
"သူတို့မှာ ပါတာ အကုန်သိမ်းလိုက်"
(*အ၀တ်တွေချွတ်လိုက် နဲ့ အသံထွက်တူ)
YOU ARE READING
ရှီရှန်း ( ႐ွီ႐ွန္း) Book 3 Arc 11 to....
Fantasyရှီရှန်း arc 11 ကနေ စတင်တာပါ arc 1ကနေ 10ထိကို workထဲမှာ သွားရှာနိုင်ပါတယ် ႐ွီ႐ွန္း arc 11 ကေန စတင္တာပါ arc 1ကေန 10ထိကို workထဲမွာ သြား႐ွာႏိုင္ပါတယ္
