Unicode
ဓားပြတိုက်ခြင်းအားဖြင့် ရှီရှန်းက နတ်ဆိုး ဂိုဏ်းအတွက် ငွေစုပေးနိုင်ခဲ့တယ်။ သူတို့က တစ်နေ့လုံး အလုပ်လုပ်ပြီးတော့မှ ဆန်ပြုတ်လေးတစ်ခွက်သာ သောက်ဖို့မလိုတော့ဘူး နောက်နေ့ဘာစားရမလဲကို စိတ်ပူစရာမလိုကြတော့ဘူး
ရှီရှန်းက တောင်တက်လမ်းကိုပြင်ဆင်ဖို့ အရင်ဆုံး ဆုံးဖြတ်ခဲ့တယ် နေ့တိုင်း သူတို့ဟာကြက်တွေထက်စောစောထရပြီး ခွေးထက်နောက်ကျမှအိပ်ရတယ်ဆိုပေမယ့်အနည်းဆုံးသူတို့မှာစားဖို့အသားရှိတယ်။
ဒါကြောင့် နေ့တိုင်းလမ်းပြင်ဖို့ဆန္ဒရှိတဲ့လူတွေအမြဲရှိခဲ့တယ်။
ရှီရှန်းက နတ်ဆိုးဂိုဏ်းရဲ့ အနာဂတ်အတွက်အရမ်းစိုးရိမ်ခဲ့ပေမယ့် ကျန့်ကျန်း ရဲ့ တံခါးပိတ်လေ့ကျင့်ရေးကနေ မကြာခင်ပဲ ပြန်ထွက်လာခဲ့တယ်
သူက တောင်ထိပ်က ဂူတစ်ခုထဲက လျှို့၀ှက်ခန်းထဲမှာ လေ့ကျက့်နေခဲ့တာ ဖြစ်တယ် သူတောင်ပေါ်ကဆင်းလာသည့်အခါမှာ လူတစ်စုက သူနဲ့ မနီးမဝေးမှာ အလုပ်များနေတာကိုတွေ့ရတော့တာပဲ
"မင်းတို့ဘာလုပ်နေတာလဲ?"
ကျန့်ကျန်းက မြန်မြန်လျှောက်လာပြီး အော်လိုက်တယ်။ သူ့ရဲ့ အသွင်အပြင်က နတ်ဘုရားထုဆစ်ထားတဲ့ ပန်းကုရုပ်လို လက်ရာမြောက်ပြီးနူးညံ့လှပေမယ့်လည်း တစ်ချိန်ထဲမှာပဲ ခန့်ညားနေပြန်တယ်။
သူအော်ဟစ်လိုက်တာကြောင့် လမ်းပြင်နေတဲ့သူတွေ လန့်သွားကြပြီး မျက်လုံးဆယ်စုံကျော်က သူ့ကိုလှည့်ကြည့်လာကြတယ်
"ဂိုဏ်း..ဂိုဏ်းချုပ်..မင်း..မင်း..ပြန်ထွက်လာပြီလား?"
"မင်းဘာလို့တုန်နေတာလဲ ငါမင်းကိုဝါးစားမှာကြောက်လို့လား?! "
ကျန့်ကျန်းက စိတ်တိုလာတယ်
"မင်းတို့ဘာလုပ်နေတာလဲလို့ငါမေးနေတယ်။ "
'ငါတို့ဘာမှ ကြောက်နေစရာမလိုဘူး။ သူကဂိုဏ်းချုပ်မဟုတ်တော့ဘူး ... '
"လမ်း..လမ်းပြင်နေတာ"
"လမ်းပြင်တာလား အိုး! ငါ မင်းတို့ကိုနောက်ဆုံးအကြိမ် အမိန့်ပေးခဲ့တုန်းက
မင်းတို့မလှုပ်ခဲ့ပါဘူး၊ ဒါဆိုအခုမှဘာလို့စလုပ်တာလဲ မင်းတို့ ငါ့ကိုအံ့သြအောင်လုပ်ဖို့စီစဉ်နေကြတာလား "
'မင်းကိုပျော်ရွှင်အောင်ဘယ်သူလုပ်ချင်မှာလဲ။ လမ်းပြင်ရင် ငါတို့အသားစားရလိမ့်မယ်။ '
ESTÁS LEYENDO
ရှီရှန်း ( ႐ွီ႐ွန္း) Book 3 Arc 11 to....
Fantasíaရှီရှန်း arc 11 ကနေ စတင်တာပါ arc 1ကနေ 10ထိကို workထဲမှာ သွားရှာနိုင်ပါတယ် ႐ွီ႐ွန္း arc 11 ကေန စတင္တာပါ arc 1ကေန 10ထိကို workထဲမွာ သြား႐ွာႏိုင္ပါတယ္
