Unicode
တစ်လအကြာ မနက်ခင်းတစ်ခုတွင် ရှီရှန်းသည် ဆူညံသံသံများနှင့်အတူ နိုးလာခဲ့သည်။
"ဂိုဏ်းချုပ်...ဂိုဏ်းချုပ် နိုးပြီလား" ထင်ဖုန်းက တံခါးကိုခေါက်နေသည်။
ရှီရှန်းက အခန်းပြက်ထွက်လာခဲ့သည်။
"ဘာလဲ?"
'မင်း ငါ့ကို အိပ်ခွင့်မပေးနိုင်ဘူးလား အစောကြီးရှိသေးတယ်...''
"သူတို့တွေ အချင်းချင်း ရန်ဖြစ်နေကြတယ်! ဂိုဏ်းချုပ် ကြည့်ချင်လား"
ထင်ဖုန်းက အလွန်စိတ်လှုပ်ရှားနေခဲ့သည်။
ရှီရှန်း မျက်မှောင်ကြုတ်လိုက်သည်။
'အချင်းချင်း တိုက်နေကြတာလား'
"လာ လာ!" ထင်ဖုန်း သည် အလွန်ရဲတင်းလာခဲ့ပြီး ယခု ရှီရှန်းကို ဆွဲထုတ်ရန်ပင် သတ္တိရှိနေပြီဖြစ်သည်။
ခွေးကလေးက အိမ်ထဲမှ ပြေးထွက်လာပြီး ရှီရှန်း နောက်သို့ တကောက်ကောက် လိုက်သွားသော်လည်း လှေကားထပ်တွင်ကျန်နေခဲ့ရပြီး လှေကားတွေက သူ့ဘာသာသူ ဆင်းဖို့ မြင့်လွန်းနေသည်။
ရှီရှန်း ဂိတ်၀ကိုရောက်သောအခါတွင် ထင်မထားသော လူတစ်ယောက်ကိုတွေ့လိုက်ရသောကြောင့် ထိတ်လန့်သွားခဲ့ရသည်။
"ကုယွီ အိမ်ပြောင်းလာတာလား"
'သူက အမြဲတမ်း အိမ်ခေါင်မိုးပေါ်မှာ နေတာ မဟုတ်ဘူးလား? အခုတော့ ဂိတ်တံခါးပေါ်က သဘာဝစွမ်းအင်တွေကို စုပ်ယူဖို့ပြောင်းလာနေပြီလား'
ထင်ဖုန်းက အေးအေးဆေးဆေးပြန်ပြောလိုက်သည်။ "အောက်မှာဖြစ်နေတာတွေကို ကြည့်ချင်လို့ဖြစ်မယ်"
ရှီရှန်း "…"
နတ်ဆိုးဂိုဏ်း၏ ဂိုဏ်းသားထက်ဝက်ကျော်က တောင်အောက်ခြေတွင် စုဝေးနေကြပြီး ရှီရှန်း ဆင်းလာသောအခါတွင် သူမအတွက် အကောင်းဆုံး မြင်ကွင်းရစေရန် ချက်ခြင်း ရှင်းလင်းပေးလိုက်ကြသည်။
အဝေးကလူတွေက အုပ်စုသုံးစုကွဲနေကြသည်။
တစ်ဖွဲ့ကို ရှန့်ရှင်းယန်နှင့် ရှန့်ရှင်းဟိုင်တို့က ဦးဆောင်နေကြပြီး ရွာသူကြီးကျိုးက တစ်ဖွဲ့ကို ဦးဆောင်နေသည်။ကျန်တစ်ဖွဲ့ကိုတော့ ရှီရှန်းမသိသူ တစ်ဦးက ဦးဆောင်နေလေသည်။ ဤနေရာတွင် ပိုင်ဖုမရှိခဲ့ပေ။
YOU ARE READING
ရှီရှန်း ( ႐ွီ႐ွန္း) Book 3 Arc 11 to....
Fantasyရှီရှန်း arc 11 ကနေ စတင်တာပါ arc 1ကနေ 10ထိကို workထဲမှာ သွားရှာနိုင်ပါတယ် ႐ွီ႐ွန္း arc 11 ကေန စတင္တာပါ arc 1ကေန 10ထိကို workထဲမွာ သြား႐ွာႏိုင္ပါတယ္
