Unicode
ဖူယွင်သည် လျို့ရွှီကို ပွေ့ချီကာ ဒုတိယထပ်မှ ခုန်ဆင်းလိုက်သည်။
လျို့ရွှီက ချက်ချင်းပဲ ပိုင်လော့ ဆီကို လျှောက်လာသည်။
"ညီမလေးရှောင်လော့မင်းဘယ်ရောက်နေတာလဲ။ မင်းဆီက ဘာသတင်းမှ မရှိဘူး... ကိုကိုယိယွင်နဲ့ ငါ ဘယ်လောက်တောင် စိတ်ပူနေရပြီလဲ သိလား။"
ပိုင်လော့သည် သူမရှေ့တွင် ရပ်နေသောသူများကို မမှတ်မိပေ။
သူမသည် ထင်ဖုန်း ၏နောက်သို့ ဆုတ်သွားပြီး "နင် ငါ့ကို သိလို့လား"ဟု မေးလိုက်သည်။
"ညီမလေးရှောင်လော့?" လျို့ရွှီ က ဘာတွေဖြစ်နေလဲဆိုတာကို ရှင်းရှင်းလင်းလင်း မသိပေ။
ဖူယိယွင်က မျက်မှောင်ကြုတ်လိုက်သည်။ "ရှောင်လော့ မင်းငါ့ကိုမမှတ်မိဘူးလား"
ပိုင်လော့၏ စိတ်ထဲတွင် စိမ်းသက်သောပုံရိပ်များစွာ ပေါ်လာသည်။ အရှေ့ကလူက အလွန်ရင်းနှီးတဲ့ခံစားချက်ကိုပေးပေမယ့် သူမစိတ်ထဲမှာတော့ သူ့အပေါ် အနည်းငယ်
သတိထားနေသလို ခံစားရသည်။
သူမ ခေါင်းကို အနည်းငယ်ခါယမ်းလိုက်သည်။
ရှီရှန်းလည်း ထမင်းစားပြီးတာနဲ့ သူမပန်းကန်ကို ချလိုက်သည်။
လျို့ရွှီနှင့် ဖူယိယွင် တို့သည် ပိုင်လျို့ ကို အတင်းအကြပ် ခေါ်ထုတ်သွားလိုသော်လည်း မိစ္ဆာဂိုဏ်းသားများက ခုခံနေကြသဖြင့် အခြေအနေ တင်းမာလာခဲ့သည်။
ကျန့်ကျန်းကတော့ သူ့ဓါးကို ကြမ်းပြင်ပေါ် ထိုးစိုက်ထားရင်း လက်ရှိအခြေအနေကိုစောင့်ကြည့်နေလေသည်။ ရှီရှန်းနှင့်အကြည့်ချင်းဆုံသွားသည့်အခါမှာတော့ သူက ပြောင်ပြသလိုလုပ်လိုက်သည်။
ရှီရှန်း"... " 'ဘောပဲဟေ့..'
ရှီရှန်းက အကြည့်လွှဲလိုက်ပြီး ပိုင်လော့ ဆီကို လျှောက်သွားခဲ့သည်။
"၀ူကျန်း..." လျို့ရွှီအံ့သြသွားသည်။ 'သူမက ဘာလို့ဒီမှာရှိနေတာလဲ'
ရှီရှန်း က ခပ်ညစ်ညစ် ပြုံးလိုက်သည်
"ဇာတ်...ပိုင်လော့က မင်းတို့နဲ့အတူ လိုက်ဖို့ ဆန္ဒမရှိဘူး၊ ဒါကြောင့် မင်းတို့သူ့ကို ပြန်ပေးဆွဲဖို့ ကြံနေတာလား?"
YOU ARE READING
ရှီရှန်း ( ႐ွီ႐ွန္း) Book 3 Arc 11 to....
Fantasyရှီရှန်း arc 11 ကနေ စတင်တာပါ arc 1ကနေ 10ထိကို workထဲမှာ သွားရှာနိုင်ပါတယ် ႐ွီ႐ွန္း arc 11 ကေန စတင္တာပါ arc 1ကေန 10ထိကို workထဲမွာ သြား႐ွာႏိုင္ပါတယ္
