Unicode
နတ်ဆိုးဂိုဏ်းဝင်များကတော့ သူတို့ရဲ့ ယခင်ဂိုဏ်းချုပ်ဟောင်းကို လက်ရှိဂိုဏ်းချုပ်က အတော်လေးနာကျင်စေမယ့် သင်ခန်းစာပေးနေခဲ့တာကို မျက်မြင်တွေ့လိုက်ကြရပါတယ် အဲ့ဒါက အလွန်ကြမ်းတမ်းရက်စက်ကာ သွေးထွက်သံယိုမြင်ကွင်းလည်း ဖြစ်တာကြောင့် ၁၃နှစ်အောက်ကလေးငယ်များ ကြည့်ရှုဖို့ မသင့်တော်ဘူး
ကျန့်ကျန်းက ရှီရှန်းကို ပြန်လည်အော်ဟစ်ပြီး အရှုံးပေးဖို့ ငြင်းဆန်ခဲ့တယ် ဒါပေမယ့် ရလဒ်ကတော့ သူအော်ဟစ်ဖို့ အားမရှိတော့တဲ့ အထိ ရိုက်နှက်ခံရခြင်းနဲ့ အဆုံးသတ်သွားတယ်
ရှီရှန်းဟာ ကုယွီကို အနိုင်ယူပြီးသွားတဲ့အခါ ကျန့်ကျန်းရဲ့ စကားတွေက မှန်နေတယ် ဆိုတာ သိလိုက်ရတယ် သူမ သူ့ကိုပြောတဲ့ ဘယ်သူ့ကိုမဆိုရိုက်နှက်ပေးပြီး ကျန့်ကျန်းတောင် အလွတ်မပေးခဲ့ဘူး
'ဒီကောင်ကအရမ်းအသုံးဝင်တယ်ဆိုတာငါသိခဲ့ရင်ငါသူ့ကို အနိုင်ယူပြီးတာကြာပြီ'
"ဂိုဏ်းချုပ်၊ ဂိုဏ်းချုပ်…မကောင်းတော့ဘူး…"ဂိုဏ်းသားတစ်ဦး အပြင်ဘက်မှပြေးဝင်လာတယ်
"အခုဘာဖြစ်ပြန်ပြီလဲ?" ရှီရှန်ကတည်ငြိမ်စွာမေးလိုက်တယ်
ဂိုဏ်းသားက အလောတကြီးပြန်ပြောရှာလေတယ် "ဂိုဏ်းချုပ်ကျန့် ကလူတွေကိုသူနဲ့အတူတောင်ပေါ်ကခေါ်သွားတယ်"
"အဲ့တော့...ငါနဲ့ဘာဆိုင်လဲ"
'ငါကသူ့နောက်လိုက်လား.. သူ့သက်တော်စောင့်လား '
"ဒါပေမယ့်…" ဂိုဏ်းသားကအားနည်းစွာပြောခဲ့တယ် "ဂိုဏ်းချုပ်ကျန့်က သူနဲ့အတူ ဘယ်လက်ရုံးနဲ့ ညာလက်ရုံးကိုပါခေါ်သွားတာ"
'ဘာတဲ့? သူကငါ့အစေခံတွေကိုပြန်ပေးဆွဲတာလား?! ဗီလိန်ကြီး.. မင်းပုန်ကန်ချင်တာလား..'
"သူတို့ကဘာအတွက်ဆင်းသွားတာလဲ"
ဂိုဏ်းသားက ခေါင်းယမ်းလိုက်တယ်
ကျန့်ကျန်း ကတောင်ပေါ်ကနေ ဘာကြောင့်ဆင်းသွားတယ်ဆိုတာဘယ်သူမှမသိဘူး
သူကဒီရက်ပိုင်းတွေသူနဲ့သူယူထားတဲ့လူတွေကိုစကားတွေပြောနေတာပဲ
YOU ARE READING
ရှီရှန်း ( ႐ွီ႐ွန္း) Book 3 Arc 11 to....
Fantasyရှီရှန်း arc 11 ကနေ စတင်တာပါ arc 1ကနေ 10ထိကို workထဲမှာ သွားရှာနိုင်ပါတယ် ႐ွီ႐ွန္း arc 11 ကေန စတင္တာပါ arc 1ကေန 10ထိကို workထဲမွာ သြား႐ွာႏိုင္ပါတယ္
