ရှီရှန်း ( ႐ွီ႐ွန္း) Book 3 Arc 11 to....

Arc 13.21

Unicode

ထင်ဖုန်းနဲ့ကုယွီတို့ဟာ ကျန့်ကျန်းကို တကယ်ကြီး ​ဆေးတိုက်ခဲ့ကြတယ်
ရက်အတော်ကြာပြီးတဲ့အထိ ကျန့်ကျန်းရဲ့  သေဆုံးမှုသတင်းကိုမကြားရတဲ့အခါ ရှီရှန်း တော်တော်စိတ်ပျက်သွားတယ်။ 'ဒီကောင် ကံ​ကောင်းသွားပုံရတယ် '

" ၀ုတ်၀ုတ်.."

'မင်းက ဘာကိုဟောင်နေတာလဲ။ မင်းရဲ့သခင်မသေသေးဘူး။ ငါ့လမ်းကိုမပိတ်နဲ့'

ရှီရှန်း သူမခြေ​ထောက်နားမှာ ပတ်ချာလှည့်နေတဲ့ခွေးကလေးကိုဖယ်ပစ်ဖို့ လုပ်ခဲ့​ပေမယ့်လည်း သူက ​မှောက်ရက်လဲပြီး သူမ​ခြေ​ထောက်​ပေါ်ပြုတ်ကျလာတယ်။

'အိုး ..ခွေးစုတ်​လေး! မင်းလူတွေရဲ့ခြေထောက်တွေကိုဘယ်လိုပွေ့ဖက်ရမယ်ဆိုတာသင်ပြီးပြီ​ပေါ့ '

ရှီရှန်း က သူ့ကို ကောက်ချီလိုက်တယ်။ ​ခွေးရဲ့ အ​မွေး​တွေက နူးညံ့​နေပြီး အ​တော်ကိုင်လို့ကောင်းတယ်။
ခွေးကလေးကို ဂိုဏ်းရဲ့ အိမ်မွေးတိရစ္ဆာန်အဖြစ် တရား၀င်သတ်မှတ်ပြီးသားဖြစ်တယ်။ အရွယ်ရောက်ပြီးသူ​တွေက​တောင် သူနဲ့ကစားဖို့ သူလုပ်နေလက်စအလုပ်ကိုခဏရပ်ထားနိုင်တယ်။

"အုအုအုအု!" ရှီရှန်း ရဲ့နှောင့်ယှက်မှုကြောင့်ခွေးကလေးကအော်တယ်။

"ဂိုဏ်းချုပ်၊ သူ့ကို အနိုင်မကျင့်ပါနဲ့။ " ပိုင်​လော့က ဘယ်ကမှန်းမသိ​ပေါ်လာပြီး ရှီရှန်း လက်ထဲရှိ ခွေးကလေးအ​ပေါ်ထားတဲ့ သူမရဲ့ သနားကရုဏာကို ထုတ်​ဖော်တယ်။

ရှီရှန်း ကသူမကိုကြည့်ပြီး ​ခွေးက​လေးကို အကြိမ်ကြိမ်ဖြစ်ညှစ်လိုက်တယ်၊​ခွေးက​လေးကလည်း  ပိုအော်တယ်၊ ပိုင်​လော့ရဲ့  အမူအရာကလည်း ပိုနာကျင်​နေပုံ​ပေါက်လာတယ်။

ရှီရှန်းက ခွေးကလေးကိုလွှဲပြောင်းပေး​တော့မလိုလုပ်လိုက်တာမို့ ပိုင်​လော့ က သူ့ကိုယူဖို့လက်လှမ်းလိုက်တယ်။ ဒါပေမယ့် ရှီရှန်း ရုတ်တရက် လက်ကိုပြန်ရုတ်ပြီး ခွေးလေးကို သူမပခုံးပေါ်တင်လိုက်ပြီး အဲ့ဒီမှာအိပ်ခွင့်ပြုလိုက်တယ်။ ​ခွေး​လေးလည်း ပြုတ်ကျမှာကြောက်တာကြောင့် မလှုပ်ရှားဝံ့​တော့ဘူး။