Unicode
ကျိုးဟန်က ဤကိစ္စကို တာ၀န်ရှိသူမှာ တတိယသခင်ကြီးကျိုး ဖြစ်သည်ဟု အခိုင်အမာပြောခဲ့သည်။ ထိုအမည်စာရင်းများမှလွဲ၍ ရှန့်ရှင်းဟိုင်သည် အခြားအထောက်အထားများကို ထုတ်မပြနိုင်ခဲ့သောကြောင့် အခြေအနေမှာ ရှေ့မတိုးနောက်မဆုတ်ဖြစ်ခဲ့ရသည်။
"ကျွန်မမှာအကြံတစ်ခုရှိတယ် ကြိုးစားကြည့်ချင်လား"
အမျိုးသမီးတစ်ဦး၏ ပြတ်သားသော အသံက တိတ်ဆိတ်မှုကို ဖြိုခွင်းလိုက်သဖြင့် လူတိုင်း၏အကြည့်သည် သူမ၏ပုံရိပ်ကို ဂရုမစိုက်ဘဲ ကုလားထိုင်ပေါ်တွင်ထိုင်နေသော အမျိုးသမီးဆီဦးတည်သွားကြသည်။
"ကျေးဇူးပြုပြီးပြောပါ မိန်းကလေး ၀ူကျန်း" ကျိုးဟန်စကားမပြောမီ ရှန့်ရှင်းဟိုင်အမြန်ပြန်ဖြေလိုက်သည်။
ရှီရှန်းက ပြုံးလိုက်သည်။
"ဒီမှာ အမှန်တရားပြောဆေးရည်ရှိတယ် စမကြည့်မလား ရွာသူကြီးကျိုး"
"မင်း ငါ့ကို အဆိပ်ပေးရင် ဘယ်လိုလုပ်မလဲ" ကျိုးဟန် က မသိမသာ တုန်လှုပ်သွားသည်။
ရှီရှန်းက လှောင်ပြောင်လိုက်သည်။
"ကျွန်မ ရှင့်ကို အဆိပ်ခတ်ချင်ရင် ရှင် အခုချိန်ထိရပ်နေနိုင်အုံးမယ်လို့ ထင်လား"
၀ူကျန်းသည် ဆေး၀ိဇ္ဇာဖွာဖွား၏ တပည့်ဖြစ်ပြီး အဆိပ်ပညာရပ်တွင်
အနှိုင်းမဲ့သော အတတ်ပညာကို ပိုင်ဆိုင်ထားသည်ကို လူတိုင်း မေ့လုနီးပါးဖြစ်နေကြပြီး ကျိုးဟန်ကတော့ ဒါကို မှတ်မိနေပုံရသည်။
"ရွာသူကြီးကျိုး ဒါက မင်းရဲ့အပြစ်ကင်းကြောင်းသက်သေပြဖို့ အရိုးရှင်းဆုံးနည်းလမ်းပဲ"
ကျိုးဟန်၏အမူအရာသည် ချက်ချင်းပင် ဟန်မဆောင်နိုင်လောက်အောင် ပြောင်းလဲသွားသည်။
ကျိုးဟန်မှာ ဖုံးကွယ်စရာ ဘာတစ်ခုမှ မရှိဘူး ဆိုရင် ဘာကိုမှကြောက်နေမှာ မဟုတ်ပေ။
"ရွာသူကြီးကျိုး မိန်းကလေး၀ူကျန်းရဲ့ အကြံပြုချက်ဟာ သင့်လျော်တယ်လို့ ကျွန်တော်ထင်ပါတယ် ခင်ဗျား စိတ်ပူရင် ကျွန်တော်ပါ ခင်ဗျားနဲ့ အတူတူ လိုက်သောက်လို့ရတယ်" ရှန့်ရှင်းဟိုင်က အဆိုပြုသည်။
YOU ARE READING
ရှီရှန်း ( ႐ွီ႐ွန္း) Book 3 Arc 11 to....
Fantasyရှီရှန်း arc 11 ကနေ စတင်တာပါ arc 1ကနေ 10ထိကို workထဲမှာ သွားရှာနိုင်ပါတယ် ႐ွီ႐ွန္း arc 11 ကေန စတင္တာပါ arc 1ကေန 10ထိကို workထဲမွာ သြား႐ွာႏိုင္ပါတယ္
