ရှီရှန်း ( ႐ွီ႐ွန္း) Book 3 Arc 11 to....

Arc 15.24

Unicode

ယွီဝမ်မိုက သူနဲ့ အလွန်ခင်မင်ရင်းနှီးသူတစ်ဦးဖြစ်ကြောင်း မင်ကျင့် က ပြောပြခဲ့၏။
သူက မိမိလူမျိုးကို ဖြစ်​စေ၊ အခြားနိုင်ငံမှ ဓားစာခံကိုဖြစ်စေ  ကောင်းမွန်စွာ ဆက်ဆံ​လေ့ရှိသည်။

သို့သော် လွန်ခဲ့သော 16 နှစ်က မင်ကျင့် ကို နတ်ဆိုးများက ဖမ်းစားထားတာကြောင့်အသက်အန္တရာယ်နှင့် ကြုံခဲ့ရပြီး ယွင်ယင်း ဘုရားကျောင်းသို့ ပို့ဆောင်ခံခဲ့ရသည်။

မင်ကျင့်က ထိုအချိန်က နားလည်ရန် ငယ်သေးသောကြောင့် အခြားသူများပြောသည့်အတိုင်းသာ လုပ်​ဆောင်နိုင်ခဲ့၏။

ငယ်ရွယ်စဥ်က သူ့မှာ အမှတ်ရစရာတွေ အများကြီး မရှိဘဲ  ကြီးပြင်းလာပြီးနောက် သူသိသမျှကို စူးစမ်းလေ့လာခဲ့ရသည်။

ယွီဝမ်မို၏ အိမ်​တော်တစ်ခုလုံးကို ပုန်ကန်ခြင်းဖြင့် ​သေဒဏ်​ပေးခံခဲ့ရ၏။

ရှီရှန်းက ယခင်ဘုရင်မင်းမြတ်၏​တော်၀င်အမိန့်စာကို ကြည့်နေသည်။

'ယွီဝမ်မိုသာ ဘုရင်ဖြစ်ချင်တယ်ဆိုရင် ဒီအမိန့်စာကို အ​စောကြီးထဲက ထုတ်သုံးမှာပဲတော်လှန်ပုန်ကန်ခြင်းမပြုမီ နှစ်ပေါင်းများစွာ သူ့အစ်ကို ထီးနန်းဆက်ခံခါနီးအထိ စောင့်နေစရာမလိုပါဘူး အရင်ဧကရာဇ်မင်းက  နန်းသက်နှစ် (၃၀)ကျော် စိုးစံခဲ့တာပဲ ယွီဝမ်မို ကို ဘာ​ကြောင့် ​နောက်ပိုင်းကျမှ အပြစ်ရှာခဲ့တာလဲ ဒါမှမဟုတ် အရင်ဘုရင်က အဲ့ဒီအမိန့်စာရှိနေတာကို လုံး၀မသိခဲ့တာလား'

ဒါက သင့်လျော်သည့် တစ်ခုတည်းသော ရှင်းလင်းချက်ဖြစ်ပုံရသည်။

"ရှင် ကျွန်မကို ဒီတိုင်းပဲ ထုတ်ပြောလိုက်တာလား  ကျွန်မက ယွီ၀မ်ရှင်းဘက်မှာ ရှိနေမှာကို ရှင်မကြောက်ဘူးလား?"
ရှီရှန်းက သူမ၏ ပြန့်ကျဲနေသော အတွေးများကို ပြန်ထိန်းကာ မင်ကျင့်ကို ဟန်​ဆောင်ပြုံးပြလိုက်သည်။

မင်ကျင့်၏ အမူအရာက လူအများကို ဆွဲဆောင်နိုင်​အောင် စွမ်းအားရှိသော နူးညံ့သိမ်မွေ့မှု၊ နွေးထွေးမှုတို့ဖြင့် ပြည့်နှက်နေသည်။ သူက ရှီရှန်း ကို စက္ကန့်အနည်းငယ်ကြာ စိုက်ကြည့်နေပြီး မျက်လုံးများတွင် အလင်းရောင်တစ်ခု ​လောင်မြိုက်လာသည်။