ရှီရှန်း ( ႐ွီ႐ွန္း) Book 3 Arc 11 to....

ကျန့်ကျန်း SPECIAL EPISODE

Unicode

နှင်းတွေထူထပ်တဲ့နေ့မှာ ငါ့ကို မွေးခဲ့တယ်လို့​ပြောကြတယ်။

ရာသီဥတုအေးတာကြောင့် အမေက အဲဒီဆောင်းရာသီမှာ အသက်မရှင်ခဲ့ဘူး။

လမစေ့ဘဲမွေးလာခဲ့ပြီး မိခင်နို့မ​သောက်ရတာ​ကြောင့် ငါက အမြဲ ချူချာခဲ့တယ်။

သိုင်း​လောကသား​တွေက နတ်​ဆေးသမားတော်လို့ တင်စားခေါ်ဝေါ်ခဲ့ကြ ဆေး၀ိဇ္ဇာဖွားဖွားဆီကို ငါ့အဖေ နဲ့အတူ လိုက်သွားတုန်းက သူမကို ပထမဆုံး​တွေ့ဖူးတာပဲ။ 

သူမက ခြံထဲမှာ တွင် ထိုင်​နေခဲ့တာ​ကြောင့် ငါခြံထဲဝင်​​လာတာနဲ့ သူမကို​တွေ့ခဲ့ရတယ်​။  သူမက နူးညံ့လှပပြီး ပိတ်ကြမ်းအဝတ်အစားများကို ၀တ်ထားတာ​တောင် သူမရဲ့ တက်ကြွမှုကို မဖုံးကွယ်နိုင်ဘူး။

အဖေက ဖွားဖွားနဲ့  ဆွေးနွေးဖို့ အိမ်ထဲဝင်သွားတယ်။

ငါက​တော့ သူမဘာတွေကို စိတ်၀င်တစားကြည့်နေတာလဲ သိချင်လွန်းလို့ ဖြည်းညှင်းစွာ လျှောက်သွားခဲ့တယ်။

"ဘာ​တွေကြည့်နေတာလဲ?"
  အဲဒီတုန်းက ငါ ၈ နှစ်ပဲရှိ​သေးတာ။ ငါ့အသက်အရွယ်နဲ့ တော်တော်​လေး အရပ်ရှည်တာမို့ သူမရှေ့မှာ ရပ်လိုက်တာက အလင်းရောင်ကို ပိတ်ဆို့ထားသလို ဖြစ်သွားတယ်။

သူမ ခေါင်းကို မော့လိုက်ပြီး မျက်​မှောင်ကျုတ်ရင်း ကျွန်တော့်ကို တွန်းထုတ်လိုက်တယ်။ 

"နင်ဘာလုပ်တာလဲ!  ငါ့ရဲ့ ပိုးကောင်​​​လေးကို နင်းမိနေပြီ!"

'ပိုးကောင်​လေး?'

သူမ ခေါင်းညိတ်လိုက်တယ်။ 

'အဲဒါ ဘယ်လိုလုပ်ပြီး ပိုး​ကောင်​လေးဖြစ်ရမှာလဲ?!  ငါ့ကို ကိုက်ဖို့ ပြင်နေတဲ့ ကင်းမြီးကောက်​လေ'

"အားးးး!"  ​ကျွန်​တော်အော်​လိုက်​ပြီး ​နောက်​ပြန်​ဆုတ်​လိုက်​​တော့ ​ကျောပြင်​က ​ချွေး​တွေ စိုရွှဲ​နေခဲ့တယ်။

ရုန်းရင်းဆန်ခတ်ဖြစ်သံကို ကြားလိုက်ရတာ​ကြောင့် ဖွားဖွားက အပြေးအလွှားထွက်လာပြီး သူမရဲ့ နားရွက်ကိုလိမ်ဆွဲ​တော့တာပဲ။