ရှီရှန်း ( ႐ွီ႐ွန္း) Book 3 Arc 11 to....

Arc 15.5

Unicode

ယွီ၀မ်ရှင်း ကျွမ့်ချုံ၏ နန်း​ဆောင်သို့ မလာသည်မှာ တစ်လရှိပြီဖြစ်သည်။  ရှီရှန်းကို ဧကရာဇ်မင်းအား မျက်နှာသာမပေး​တော့ကြောင်း လူအနည်းငယ်က ခန့်မှန်းကြ​လေပြီ။

ရှူး​ဖေးသည်ယခုလတွင်  ဘုရင်မင်းမြတ်ကို အကြာဆုံး ခစားရသူဖြစ်ပြီး သူမ၏ မာနသည်လည်း ပိုပိုတိုးလာ​တော့သည်။

"ဒီလူတွေက မျက်နှလိုက်တဲ့သူ​တွေပဲ ကျွန်မတို့နန်း​ဆောင်က အထည်တွေကို အမြဲတမ်းအရင်ရွေးယူ​နေကြပေမယ့် ဒီတစ်ခါတော့ ရှူး​ဖေး ကို အရင်ရွေးခွင့်ပေးလိုက်ကြတယ်"

ထောင်ချင်း သည် ရှီရှန်း၏နောက်သို့ လိုက်ရင်း အထည်နှစ်လိပ်ကို ယူဆောင်လာခဲ့သည်။ 

"မယ်မယ် ဘုရင်မင်းမြတ်ကို ဆက်ပြီးစိတ်မဆိုး​စေပါ​တော့နဲ့...မယ်မယ့်ဘက်က လိုက်​လျောရုံပါပဲ  အချစ်စမ်းတာကလည်း ကြာလွန်းရက်မ​ကောင်းဘူး"

'ဘယ်သူက ဇာတ်လိုက်​ကောင် နဲ့ အချစ်စမ်း​နေလို့လဲ  ပြီးတော့ 'လိုက်​လျော'ဆိုတဲ့စကားလုံးကဘာအတွက်လဲ?  ငါ​လေးက ဘယ်သူနဲ့မဆို အတူအိပ်နိုင်တဲ့ အမျိုးအစားနဲ့ တူ​နေလို့လား'

ရှီရှန်း၏တိတ်ဆိတ်မှုကို သတိပြုမိလိုက်သဖြင့် ထောင်ချင်းသည် သူမကိုဆွဲဆောင်ရန် ဆက်လက်ကြိုးပမ်း​တော့သည်။ 

"ဘုရင်မင်းမြတ်က မယ်မယ့်အ​ကြောင်းတွေးနေတုန်းပါပဲ မဟုတ်ရင် မနေ့က ဒီလောက်များတဲ့ ပစ္စည်းတွေ ပို့လိုက်မှာမဟုတ်ဖူး…"

တစ်လကြာအောင် ​အေးစက်​နေခဲ့ပြီးနောက်ယွီ၀မ်ရှင်းလည်း နောက်ဆုံးတွင် ငြိမ်မ​နေနိုင်တော့ပေ။

မနေ့က သူမနန်း​ဆောင်ထံ ပစ္စည်းအမိားအပြား ပို့လွှတ်လိုက်ပြီး  ပုံမှန်အတိုင်းသာ ဆိုလျှင် ရှီရှန်းက သူ့ကို ကျေးဇူးတင်​ကြောင်း သွား​ပြောရမည်ဖြစ်ပြီး နှစ်ယောက်သား ချိုမြိန်တဲ့စကားတချို့​ပြောကာ ဤကိစ္စက ပြီးသွားလိမ့်မည်။

သို့သော် ရှီရှန်းက ဇာတ်လိုက်များကို သူတို့ဆန္ဒအတိုင်း လိုက်​လျော​ပေးမည့် သူမျိုးမဟုတ်ပေ။  သူမက ယွီ၀မ်ရှင်းပို့လိုက်တဲ့ ပစ္စည်းများကို ဘာမှမပြောဘဲ လက်ခံထားသည်။