Unicode
ဆရာသခင်ရွှီခွန်းသည် အသက်သုံးဆယ်ကျော်အရွယ် အလွန်ပိန်လှီသော လူတစ်ယောက်ဖြစ်သည်။ ပိန်လှီမြင့်မားသောခန္ဓာကိုယ်သည် သဲ့ကုန်းကုန်းနှင့်ယှဥ်လိုက်သောအခါ စက္ကူစွန်တစ်ခုဟုပင် ထင်ရလုနီးပါးဖြစ်သည်။
အခန်းထဲသို့ ဝင်လာသောအခါတွင် ဆရာသခင်ရွှီခွန်းမှာ မောဟိုက်နေဆဲဖြစ်ပြီး သူ့နှုတ်ခမ်းမွေးတို့ကလည်း အနည်းငယ် ရွဲ့နေသည်။
"အဲဒါ သူမပဲ ဆရာသခင် မြန်မြန် နှိမ်နင်းလိုက်ပါ!"
သဲ့ကုန်းကုန်းက မူလနေရာ၌ ရပ်နေဆဲဖြစ်သော ရှီရှန်းကို လက်ညှိုးထိုးပြကာ အလန့်တကြားပြောလိုက်သည်။
"သူမက နတ်ဆိုးပဲ!"
ရွှီခွန်းက ခန်းမအလယ်တွင်ရပ်နေသော ရှီရှန်းကို မျက်လုံးများမှေးစင်းပြီးကြည့်နေသည်။
''အဲ့ဒါ ယွင်ကွေ့ဖေး မဟုတ်ဘူးလား''
လမ်းတွင် သဲ့ကုန်းကုန်းသည် နတ်ဆိုးအကြောင်းကို အဆက်မပြတ်ပြောနေခဲ့ပြီး ရွှီခွန်းသည် လက်ရှိအခြေအနေအရာကို အတိအကျ မေးမြန်းရန် အခွင့်မရှိခဲ့သောကြောင့် ရှီရှန်းကိုတွေ့သောအခါ သူ အလွန်စိတ်ရှုပ်သွားသည်။
"ဆရာသခင်ရွှီခွန်း ကြည့်ပါအုံး သူမက တကယ် နတ်ဆိုးလား"
ယွီ၀မ်ရှင်းက ညွှန်ကြားလိုက်သည်။
"...ကောင်းပြီ...."
ရှီရှန်းကို ငေးကြည့်နေရင်း ရွှီခွန်းက သူ့နှုတ်ခမ်းမွေးတွေကို ပွတ်သပ်လိုက်သည်။
အားလုံးက အခုမှ စိတ်အေးသွားကြပုံရသည်။ ရွှီခွန်းသည် သူတို့၏ နှလုံးသားထဲတွင် မြင့်မြတ်သောနေရာ၌ရှိနေပြီး သူရောက်လာပါက နတ်ဆိုးများကို ကြောက်စရာ မလိုတော့သလိုပင်။
ရွှီခွန်းက သူသယ်လာတဲ့ သေတ္တာကို အေးအေးဆေးဆေး ချလိုက်ပြီး ဖွင့်လိုက်သည်။
အတွင်း၌ အမျိုးမျိုးသော ပစ္စည်းကိရိယာများ ရှိနေသည်။
အင်းစက္ကူ၊ မင်နီနှင့် အိတ်ဆောင်အရွယ် သစ်သားဓားတစ်ချောင်း။
သို့သော် ရွှီခွန်း ဤဓါးကို ထုတ်လိုက်သောအခါ ဓါးကချက်ချင်းပင် ရှည်လာပြီး လူအုပ်ကြီးလည်း အံ့အားသင့်သွားလေသည်။
YOU ARE READING
ရှီရှန်း ( ႐ွီ႐ွန္း) Book 3 Arc 11 to....
Fantasyရှီရှန်း arc 11 ကနေ စတင်တာပါ arc 1ကနေ 10ထိကို workထဲမှာ သွားရှာနိုင်ပါတယ် ႐ွီ႐ွန္း arc 11 ကေန စတင္တာပါ arc 1ကေန 10ထိကို workထဲမွာ သြား႐ွာႏိုင္ပါတယ္
