ရှီရှန်း ( ႐ွီ႐ွန္း) Book 3 Arc 11 to....

Arc 12.31

Unicode

နောက်ရက်​တွေမှာ  ရှီရှန်းက ယန်​​ဟွေ့ရန်နှင့်ပတ်သက်တဲ့ သတင်းအချက်အလက်​တွေကိုဆက်လက်စုဆောင်းခဲ့တယ်

ဒီနေ့ ဒီလိုနေရာမြင့်မြင့်ကိုရောက်နိုင်တဲ့သူ့မှာအရည်အချင်းတစ်ခုခုရှိရမယ်.. ဒါပေမယ့်သူကနှစ်တွေကြာလာပြီးနောက်ထပ်နှစ်နှစ်လောက်ဆိုရင်အငြိမ်းစားယူလိမ့်မယ်

လုံရွင်လိုမျိုးသူနဲ့ နီးစပ်ဖို့ လွယ်ကူမှာမဟုတ်ပေ သူ့မှာ သက်​တော်​စောင့်​တွေအများကြီးရှိနေတာကြောင့်သာမဟုတ်ဘဲ  သူ့ရာထူးကမြင့်လွန်း​နေတာကြောင့် တစ်ခုခုဖြစ်သွားခဲ့ရင် အာရုံအများကြီးကိုဆွဲဆောင်မိလိမ့်မယ်

ရှန်းရှရဲ့ မိဘ​တွေသေဆုံးမှုကို စုံစမ်းစစ်ဆေးဖို့အပိုင်းက အတော်​လေးပြီးစီးခဲ့ပြီဖြစ်ပြီး အချက်အလက်များပေါက်ကြား​စေခဲ့သူကိုရှာဖွေဖို့သာကျန်တယ်

ရှီရှန်း  ယန်​ဟွေ့ရန် ကိုသတ်ပစ်ချင်တဲ့အကြောင်းပြချက်က ရှန်းရှ ရဲ့မိဘတွေအတွက် လက်စားချေဖို့သာမဟုတ်ဘဲ  အနာဂတ်မှာငြိမ်းချမ်းတဲ့ဘ၀နဲ့ နေချင်လို့လည်းပါတယ် အလွယ်ဆုံးနည်းလမ်းက​တော့ ခြိမ်းခြောက်မှုဖြစ်လာနိုင်တဲ့ ဘယ်သူ့ကို မဆိုကိုဖယ်ရှားပစ်ဖို့ပဲ

ရှီရှန်းက ရှန်းရှီGroup ကိုအရင်ပြန်ယူသင့်တယ်လို့ခံစားရတယ်
'ယန်​ဟွေ့ရန်သာ ရှန်းရှီ Groupရဲ့ ဆက်ခံသူအစစ်အမှန် ပြန်လာတာကိုသိရင် သူကိုယ်တိုင်ပေါ်လာလိမ့်မယ်'

ကုယန် သူမကိုလွှဲပြောင်းပေးခဲ့တဲ့ စာရွက်စာတမ်း​တွေကိုစီစဥ်ခဲ့တဲ့ ရှေ့နေကို ရှီရှန်းက ချက်ချင်းဆက်သွယ်ခဲ့တယ်

သူက နာမည်ကျော်ကြားတဲ့​ရှေ့​နေ​တော့မဟုတ်ပေမယ့် သူမတို့ရဲ့စကားဝိုင်းကနေ ရှီရှန်းက ဒီရှေ့နေမှာအရည်အချင်းရှိတယ်ဆိုတာသိလိုက်ရတယ်

အခြားလူ​တွေရဲ့ အာရုံစိုက်မှုကိုမခံချင်တာကြောင့် သူက ကိုယ့်အရည်အချင်းအစစ်အမှန်ကို တစ်ခါမှထုတ်မပြခဲ့ဖူးဘဲ  စားဝတ်နေရေးအတွက်လုံလောက်တဲ့ ဥပဒေကုမ္ပဏီတစ်ခုနဲ့သာ ကျေနပ်နေခဲ့တယ်