Unicode
အမျိုးသမီးများပျောက်ဆုံးနေကြခြင်းသည် သိုင်းလောကတွင် မငြိမ်မသက်မှုများစွာဖြစ်စေခဲ့ပြီး နတ်ဆိုးဂိုဏ်းမှာလည်း အားလုံး၏ပစ်မှတ်တစ်ခုဖြစ်လာခဲ့သည်။
ယခုအချိန်တွင် နတ်ဆိုးဂိုဏ်းနှင့် အနီးဆုံးမြို့လေး၌ လူအများအပြား စုရုံးနေကြပြီး
ဖူယိယွင် နှင့် ပိုင်ဖုတို့လည်း တက်ရောက်ခဲ့သည်။
"ကိုကိုယိယွင် ညီမလေး ရှောင်လော့ အဆင်ပြေပါ့မလား?" လျို့ရွှီသည် ဖူယိယွင်ကို မှီကာ စိုးရိမ်စွာပြောလိုက်သည်။
ဖူယိယွင်က သူမကျောကို ပုတ်ကာ အားပေးလိုက်သည်။ "စိတ်မပူပါနဲ့ နတ်ဆိုးဂိုဏ်းက အခုချိန်မှာ ဘယ်လောက်ပဲ ထောင်လွှားနိုင်နေပါစေ အချိန်တစ်ခုရောက်တာနဲ့ ဘယ်သူက အင်အားကြီးတာလဲ ဆိုတာ သိလာရလိမ့်မယ်"
"ဒါတွေအားလုံးက ကျွန်မအမှားပပါ အကယ်၍ အဲ့နေ့တုန်းက ညီမလေးရှောင်လော့ကို မရရအောင်ခေါ်လာဖို့ ပြောနိုင်ခဲ့မယ်ဆိုရင်.."
လျို့ရွှီ သူမကိုယ်သူမ အပြစ်တင်နေတာကိုမြင်တော့ ဖူယိယွင်လည်း စိတ်မကောင်းမဖြစ်ဘဲ မနေနိုင်ပေ။
"သူမကို နတ်ဆိုးဂိုဏ်းက ဓားစာခံအဖြစ် ဖမ်းဆီးထားတာပဲလေ ကိုယ့်ကိုယ်ကို အပြစ်မတင်ပါနဲ့ မင်းနဲ့ဘာမှမဆိုင်ဘူး"
ဖူယိယွင်၏နှလုံးသားက လျို့ရွှီ အတွက် စိတ်မကောင်းသော်လည်း ပိုင်လော့ကြောင့် ပိုမိုနာကျင်လွန်းလှသည်။ ဘာကြောင့်မှန်း မသိပေမယ့် ပိုင်လော့ သူ့ကို သဘောကျဖူးကြောင်း ၀ူကျန်း ဆီက သိလာရကတည်းက သူ့နှလုံးသားက တည်ငြိမ်မှု မရှိတော့ပေ။
လျို့ရွှီနဲ့ အတူရှိစဉ်တုန်းက ပိုင်လော့ သူတို့နောက်လိုက်ခဲ့တဲ့ အချိန်တွေကိုသာ တွေးနေမိသည်။
ဖူယိယွင် အာရုံပျံ့လွင့်နေကြောင်းကို သတိပြုမိသဖြင့် လျို့ရွှီ က သူ့လက်မောင်းကို အလျင်အမြန် ခါယမ်းလိုက်သည်။
ဒီလူကို သူမ မကြိုက်ပေမယ့်လည်း တခြားသူကို မပေးလိုက်ချင်ပေ။
YOU ARE READING
ရှီရှန်း ( ႐ွီ႐ွန္း) Book 3 Arc 11 to....
Fantasyရှီရှန်း arc 11 ကနေ စတင်တာပါ arc 1ကနေ 10ထိကို workထဲမှာ သွားရှာနိုင်ပါတယ် ႐ွီ႐ွန္း arc 11 ကေန စတင္တာပါ arc 1ကေန 10ထိကို workထဲမွာ သြား႐ွာႏိုင္ပါတယ္
