အပိုင်း(၁၆၄၀)လက်လျှော့ခြင်း
မည်သူက ရုပ်တု၏ စွမ်းအားကို အရင်ဆုံး ဖြိုခွင်းနိုင်မည်နည်း။ လူအုပ်က စိတ်ထဲမှ ကြိတ်၍ တွေးလိုက်ကြသည်။
ဘုံကိုးခုမှ ကိုယ်စားပြုသူများက စိတ်မပျက်ကြပေ။ သူတို့အားလုံးသည် အလွန် အစွမ်းထက်သည့် စွမ်းရည်တို့ကို ပြသခဲ့ပြီး ကြောက်မက်ဖွယ် ပုံရိပ်ယောင်အတွင်းမှ ရုပ်တုများ၏ စွမ်းအားတို့နှင့် ရင်ဆိုင်တိုက်ခိုက်နေကြသည်။
သူတို့အားလုံးသည် အထက်ကိုးဘုံမှ တန်ခိုးရှင်များ လိုလိုလားလား ရွေးချယ်ခဲ့သည့် ထူးချွန်ထက်မြက်သူများပင် မဟုတ်ပါလား။ သူတို့သည် အထက်ဘုံကိုးခုမှ အကျော်အမော်များပင် ဖြစ်ကြပေသည်။
လူများ၏ အများဆုံး စိတ်ဝင်စားမှုခံကြရသူများမှာ ဗဟိုအင်ပါယာဘုံမှ သုံးယောက်ဖြစ်သည့် ကျန်ချင်းကျူ ၊ ရှန်ဟောက် နှင့် နန်လော့ရှန်း တို့ ဖြစ်ကြသည်။ သူတို့၏ ဇစ်မြစ်နှင့် ပါရမီအရည်အချင်းတို့ကြောင့် သူတို့သည် အခြားသူများ၏ အာရုံစိုက်မှုကို ပိုမိုရရှိစေသည်။
သို့သော် အခြားသော ကိုယ်စားပြုသူများမှာလည်း အားမနည်းကြပေ။
ယခုတွင် တောင်တန်းဘုံရှိ ဗုဒ္ဓတောင် ထျန်းရှန်ကျောင်းတော်မှ ဆရာတော်ကွေကျန်းသည် ရွှေရောင်ဗုဒ္ဓအဖြစ်သို့ ပြောင်းလဲထားပြီး ဖြစ်သည်။ သူသည် ရွှေရောင်အလင်းတန်းများ ထုတ်လွှတ်နေ၏။ သူသည် အစစ်အမှန် ဗုဒ္ဓဖြစ်နေသကဲ့သို့ပင် ဖြစ်၏။ တောင်တန်းဘုံမှ ဗုဒ္ဓတစ်ပါးအနေနှင့် ရန်ဟောင်ဖြစ်လာသူ မည်သူမဆို ဦးဆောင်သူ ဖြစ်လာပေလိမ့်မည်။ ရွှေရောင်ဗုဒ္ဓသည် သူ၏ လက်နှစ်ဖက်ကို ပူးကပ်လိုက်ကာ သူ၏ အမူအရာက တည်ငြိမ်နေ၍ ဗုဒ္ဓရောင်ဝါက မိုင်ထောင်ချီထိ တောက်ပနေသည်။ သူသည် အစွမ်းထက်စွမ်းအားဖြင့် တိုက်ခိုက်ခံရသော်လည်း မားမားမတ်မတ် ရပ်ကျန်ရစ်ပေသည်။
သူရိန်နတ်နန်းတော်မှ တိဝူသည် နေနတ်ဘုရားအဖြစ်သို့ ပြောင်းလဲသွားပြီး တစ်လောကလုံးကို အလင်းရောင်များ ဖြန့်ကျက်ပေးနေသည်။ နေနတ်ငှက်မျိုးနွယ်မှ ခြေသုံးချောင်းရွှေကျီးတို့က သူ၏ ခေါင်းထက်တွင် လှည့်ပတ်နေပြီး မြင်တွေ့ရသည်မှာ အလွန် ထူးခြားဆန်းကြယ်နေစေသည်။
