အပိုင်း (၁၇၄၈)ပြီးခဲ့တာတွေ ပြီးပါစေတော့လား
ကောင်းကင်အာဏာစက်ကျောင်းတော်၏အထက်တွင် ပုံရိပ်တစ်ခုက ကောင်းကင်ယံမှ လမ်းလျှောက်လာလေသည်။ ထိုလူအား တောက်ပသောနတ်ရောင်စဥ်များဖြင့် လွှမ်းခြုံထားသည်။ သူက ရှန်ကလန်မှ ကျင့်ကြံသူဖြစ်လေသည်။
အခြားပုံရိပ်တစ်ခုက ကောင်းကင်ယံသို့တက်လာပြီး သူ၏ရှေ့မှတားဆီးလိုက်သည်။ သူတို့၏အရှိန်အဝါများမှာ အလွန်အားကောင်းလှပေသည်။
ရှန်ကလန်မှကျင့်ကြံသူ၏အကြည့်က လူအုပ်ကိုဖြတ်သန်းသွားပြီး ကောင်းကင်အာဏာစက်ကျောင်းတော်ထဲသို့ ကျရောက်သွားသည်။ ကျယ်လောင်သောအသံဖြင့် သူကပြောလိုက်သည်။ "ရှန်လော့ရွှီ... ဦးလေးက မင်းကိုလာတွေ့စေချင်နေတယ်"
ထိုကျင့်ကြံသူမှာ ရှန်လော့ရွှီနှင့် မျိုးဆက်တစ်ခုတည်းမှဖြစ်သည်။ ရှန်ကောင်းကမူ ရှန်ကလန်ခေါင်းဆောင်နှင့် မျိုးဆက်တစ်ခုတည်းဖြစ်သည်။ ယခုရှန်ကလန်ခေါင်းဆောင်မှာ ရှန်ကောင်း၏ အကိုဖြစ်သည်။
ကောင်းကင်အာဏာစက်ကျောင်းတော်တွင်း၌ ရှန်လော့ရွှီက ဖေးရွှီအား ကျင့်ကြံခြင်းတွင် လမ်းညွှန်ပေးနေသည်။ သူမက ထိုအသံကိုကြားလိုက်ရသောအခါ သူမကခေါင်းမော့ကြည့်လိုက်သည်။ သူမ၏အကြည့်က အပြင်သို့ရောက်သွားပြီး သူမ၏အသိအား ဖြန့်ကျက်လိုက်သည်။
"ငါက ရှန်ကလန်ထွက်ပြီးပြီ။ ရှန်ကလန်အဖွဲ့ဝင်လည်းမဟုတ်တော့ဘူး။ နင်ပြောတဲ့ ဦးလေးဆိုတာက ဘယ်သူလဲ"ရှန်လော့ရွှီက ထူးမခြားနားစွာပြောလိုက်သည်။ သူမ၏အသံက မကျယ်သော်လည်း အပြင်မှ တစ်ဖက်လူထံသို့ တိုက်ရိုက်ရောက်ရှိသွားသည်။
ကျင့်ကြံသူများစွာက ကောင်းကင်အာဏာစက်ကျောင်းတော်အတွင်း၌ ပေါ်ပေါက်လာသည်။ အရှင်ထိုက်ရွှမ်နှင့်ဆွေးနွေးနေကြသော ကျင့်ကြံသူများက အပြင်သို့ထွက်လာကြသည်။ ရီဖူရှင်းက ကောင်းကင်အာဏာစက်ကျောင်းတော်၏အပြင်ဘက်သို့ ကြည့်လိုက်သည်။
ရှန်ကလန်က သူတို့၏တံခါးကို နောက်တစ်ကြိမ်လာခေါက်နေသည်လော။
