စစ်နတ်ဘုရားရဲ့ ချစ်လှစွာသော ဝမ်ဖေး
I'll Be the Male Lead's Sister-in-Law
Chapter 151
Translated by Utopia
ကျန်းမင်ဝေ့ ဒီကိစ္စကို တစ်နေ့ခင်းလုံး ဒေါသထွက်နေတော့တယ်။ ဘယ်အစေခံမှ သူမနား မကပ်ရဲကြဘူး။ အဲဒီနောက် အထိန်းတော်မားမားက အပြုံးတစ်ခုနဲ့ ကျန်းမင်ဝေ့ကို စကားပြောဖို့ ရောက်လာတယ်။
"ဝမ်ဖေး၊ ဝမ်ဖေးက အခုထိ နေမကောင်းဖြစ်နေတုန်းပဲ။ ဝမ်ဖေးရဲ့ ခန္ဓာကိုယ်က အဖိုးတန်ပါတယ်။ အရေးမပါတဲ့သူတွေအတွက်နဲ့ ကိုယ့်ကိုယ်ကိုယ် ထိခိုက်အောင် မလုပ်ပါနဲ့လား"
"အိမ်တော်ကလူတွေအားလုံး ငါ့ကိုပဲ ပစ်မှတ်ထားနေကြတာ ငါလည်း မသိဘဲ နေပါ့မလား။ သူတို့ အားလုံးက ငါ ကျရှုံးသွားတာကို မြင်ချင်နေကြတာ။ ဖြစ်နိုင်ရင် ငါလည်း မြန်မြန် နေပြန်ကောင်းချင်တာပဲ" ကျန်းမင်ဝေ့ ပြောရင်း ဒေါသထွက်လာတယ်။ "ဒါပေမဲ့ တွေးလေတွေးလေ ခံပြင်းလေပဲ။ ငါက ဧကရာဇ်ရဲ့ သားအကြီးဆုံးက ယူထားတဲ့ ချွေးမကြီး၊ တော်ဝင်မိသားစုဝင်ပဲ။ လူအများနဲ့ ပေါင်းသင်းဆက်ဆံရေးကောင်းအောင် နေရရုံတင်မကဘူး ဒီလောက်ကြီးတဲ့အိမ်တော်ကြီးကိုလည်း စီမံရသေးတယ်။ မိဖုရားကြီးအပါ် သားသမီးဝတ်ကျေပွန်ဖို့ နန်းတော်ကို သွားရတာလည်း ချောင်းပေါက်မတတ်ဘဲ။ ဘယ်မှာ ငါ အမှားလုပ်ခဲ့လို့လဲ? ငါက ဘာလို့ ဒီလိုအဆက်ဆံခံရမှာလဲ?
ဧကရာဇ်နဲ့ မိဖုရားခေါင်ကြီးကို မကျေမနပ် စောဒကတက်နေတဲ့ ကျန်းမင်ဝေ့ကို အထိန်းတော်လည်း ဘာမှဝင်မပြောရဲချေ။ ခြောက်ကပ်ကပ်ပဲ ရယ်လိုက်ကာ
"ဝမ်ဖေးက လုပ်ရည်ကိုင်ရည်ရှိပြီး ကြိုးစားတာကို သိပါတယ်။ ဒါပေမဲ့ ဝမ်ဖေး အခြေအနေ တစ်ရပ်လုံးကို မြင်တတ်ဖို့ လိုပါတယ်။ ဝမ်ဖေးရဲ့ကြိုးစားအားထုတ်မှုတွေကို အချိန်က သက်သေပြသွားမှာပါ"
ဒါပေမဲ့ ကျန်းမင်ဝေ့အတွက်တော့ ဒါက အကြောခံလိုက်ရတဲ့ကိစ္စကြီးပဲ။ သူမက ပုံမှန်ဆို ကောင်းကောင်းထိန်းချုပ်နိုင်ပေမဲ့ ဒေါသထွက်လာတဲ့အချိန်ကျ ပါးစပ်ကို မထိန်းနိုင်တော့ဘူး။ ကျန်းမင်ဝေ့မှာ ဒီလို အကျင့်စရိုက် ရှိတယ်။
