The Ministry

Chapter 28: Mas Nakakatakot pa sa Diyablo

Nang gabing iyon ay nagtungo sina Miko at Mochi sa isang hotel para magpahinga at

magpalipas ng gabi. Pagpasok pa lang sa reception area ay nagulat agad ang receptionist sa

tanong na binitiwan ni Mochi...

"Masarap ba ang mga pagkain niyo dito?!"

"Ah... eh.. oo naman po." Sagot ng receptionist na nagulat

"Grr... ikaw! Pagkain na naman ang hinahanap mo! Dahil sa'yo wala tayong nagawa ngayong

araw kundi kumain sa halip na hanapin yung mga devourers!" Sigaw ni Miko kay Mochi

Malakas ang boses ni Miko kaya naman napatingin din sa kanila ang iba pang mga tao na

nandoon at nakaupo sa mga sofa na nasa harap lamang ng reception area at kasalukuyang

nanonood ng balita sa telebisyon

"Urgh... nakakahiya ka kuya Miko." Sa isip ni Mochi

Napansin naman ni Miko ang balita na pinapalabas...

"Samantala, itinigil naman na ng mga pulis ang paghahanap sa lalaki na kanina ay

pinaghinalaang sangkot sa karumal-dumal na pagpatay sa isang palengke matapos linawin

ng babaeng asawa ng biktima na siya ring saksi sa nangyari na hindi nya nakita ang

lalaking ito ng maganap ang krimen." Pahayag ng news anchor

Kasabay ng balita ay pinakita ang larawan ni Giel na nakunan habang sya ay nakatalikod...

"Waah! Si Giel yun ah!" Sigaw ni Miko

Muli na namang nabaling kina Miko ang atensyon ng mga taong nasa paligid na marinig ang

sinigaw niya. Nagkaroon din ng kaunting mga bulong-bulungan ang mga tao...

"Sira ulo ka talaga kuya Miko!" Sigaw ni Mochi sabay hampas sa batok ni Miko

"Aray..." Ani ni Miko

"Bakit kailangan mo pang banggitin ang pangalan ng taong patay na?!" Tanong ni Mochi

Sinabi lang ni Mochi ang bagay na yun para makaiwas na sa atensyon ng mga taong nasa

paligid ngunit sa kasamaang palad hindi ito naintindihan ni Miko...

"Teka! Bakit mo sinasabing patay na si Giel. Hindi ka dapat nagsasalita ng ganyang bagay!"

Sigaw ni Miko

Bigla namang inapakan ni Mochi ng malakas ang daliri sa paa ni Miko...

"ARAY KO!!" Sigaw ni Miko

"Itinuring ko na syang patay mula ng saktan nya ang puso ko." sagot ni Mochi

Gaya ng nauna sinabi lang din ni Mochi yun para mailayo ang atensyon ng mga tao mula

sa balitang nasa telebisyon at sa pangalan ni Giel na binanggit ni Miko at sa pagkakataong

iyon ay nagbunga na ito dahil itinigil na nga ng mga tao ang pagpansin sa kanila...

"Sumakay ka na lang kuya Miko." Sa isip ni Mochi

Kani-kaninang hapon ay tinawagan ni Beth si Mochi para ibalita ang nangyari kay Giel

ngunit ng mga oras na yon ay magkahiwalay sila ni Miko dahil abala si Mochi sa paghahanap

ng meryenda kaya naman nakalimutan nya ang bagay na yon kaya nman di nya naibahagi kay

Miko...