The Ministry

Chapter 13: Ang Nakaraan ni Luisa

Si Django ay humarap kina Lean at Giel sabay itinuro ang pader kung saan tumilapon

si Miko

"Susunod na kayo sa kanya..." Sabi ni Django

Napaatras sina Giel at Lean sa narinig na sinabi ni Django...

"Anong nangyari kay Miko? Imposible, malaki ang isang ito at gumagamit ng kakaibang sandata pero kahit na..." Sa isip ni Giel

"Giel..." Sabi ni Lean

Pero hindi narinig ni Giel ang boses ni Lean dahil malalim ang kanyang iniisip kaya

naman tinapik na sya ni Lean sa balikat. Mistulang nagising si Giel ng maramdaman

ang kamay ni Lean

"Makinig ka, puntahan mo agad si Miko. Ako muna ang haharap sa isang ito."

Sabi ni Lean

"Teka... Sigurado ka?" Tanong ni Giel na may pag-aalangan

"Yun muna ang plano sa ngayon" Sagot ni Lean

"Hahaha! At ano naman ang pinag-uusapan nyo dyan?!" Sabat ni Django sabay

hagis ng morning star papunta kina Giel at Lean

Naghiwalay ng direksyon sina Giel at Lean para maiwasan ang pag-atake ni Django

pagkatapos ay dumiretso si Lean para sugurin si Django habang si Giel naman

ay tumakbo sa nabutas na pader para puntahan si Miko. Mabilis na hinila ni Django

ang morning star pabalik sa kanya at pagkatapos ay inihagis ito papunta sa pader

kung saan sana pupunta si Giel. Nakapreno naman si Giel kaya di siya tinamaan.

Sinamantala naman ni Lean ang pagkakataon at nagtungo siya sa kanan ni Django

para atakihin ito pero mabilis nitong iwinasiwas ang kanyang kanang kamay kaya

napaatras si Lean.

"Haha! Mukhang mas magiging masaya ito kaysa sa kanina!" Sigaw ni Django

Mabilis na tumakbo si Django papunta kay Giel para sugurin ito pero si Giel naman

ay mabilis na tumakbo paikot sa kwarto papunta sa tabi ni Lean. Nakatayo ngayon

si Django sa tapat ng pader kung saan tumalsik si Miko habang sina Giel at Lean

naman ay nasa tapat ng nabutas na pader palabas ng mansyon.

"Mukhang hindi nga ganoon kadali ito." Sabi ni Lean

Inihagis muli ni Django ang morning star papunta kina Giel at Lean. Gumilid si Giel

para maiwasan ito pero biglang binaling ni Django ang direksyon ng morning star

sa pamamagitan ng paghila sa kadenang nakakabit dito. Nang malapit ng tamaan si

Giel ay nagawa ni Lean na hilahin siya palabas ng mansyon.