The Ministry

Chapter 7: Pagtatagpo

Pumasok si Miko sa mall at nagsimulang maglibot-libot. Napadaan sya sa isang

barbecue shop at nalanghap nya ang mabangong amoy ng iniihaw na karne.

"Hmm... sakto meryenda" Sa isip ni Miko habang kinukuha ang wallet nya sa bulsa

Pero wala ang kanyang wallet kaya kinapa niya pa ang iba nyang bulsa

"Naku, naiwan ko pala..." Sa isip ni Miko habang nakasimangot

Inilagay ni Miko ang dalawa nyang kamay sa likod ng kanyang ulo sabay nag-isip

"Kung babalik ako para kunin ang pera ko siguradong mahuhuli ako ni Kuya Kan

at siguradong di na nya ako papatakasin. Hayy... ang tagal naman nila Giel, nahuli kaya

sila?"

- - - - -

Sina Giel at Lean naman ay itinali ni Kuya Kan sa upuan ng silid Kaliwanagan upang

hindi na muling makatakas, nasa likod nilang dalawa ang isa pang kuya Kan na likha ng

spiritualization technique...

"Ang katawan, kaluluwa at espiritu ay konektado sa bawat isa kaya ang anumang

nangyayari sa bawat isa ay nakaka-apekto sa lahat. Halimbawa, kapag nanghihina

ang katawan dahil sa gutom o sakit ay nahihirapan tayong mag-isip, kapag naman

sinusunod natin lahat ng gusto ng katawan ay nagkakaroon naman ito ng di magandang

epekto sa espiritu..." Paliwanag ni kuya Kan

"Kailangan pa ba talaga nya tayong itali?" Pabulong na tanong ni Lean

"Lalo pang humirap ang sitwasyon natin kumpara kanina. Hay, ang swerte naman ni

Miko..." Sagot ni Giel

"Talagang di kayo marunong makinig..." sabi ni Kuya Kan

Kumuha ng duct tape ang kuya Kan na nasa likod nila at tinakpan ang bibig nila Giel

at Lean...

"Ayan mas makakapag-klase na tayo ng maayos." Sabi ni Kuya Kan

"Violation of Human Rights na to ah..." Sa isip nila Giel at Lean habang naluluha

- - - - -

Ilang minuto na naghihintay si Amabii sa harap ng isang bookstore malapit sa CR,

nalibang sya kakatingin ng mga libro kaya naman ng bigla niyang maalala ang oras

ay tumakbo siya papasok sa CR para hanapin si Luisa.

"Ate Luisa?!" tanong ni Amabii

pero wala doon si Luisa at pinagtinginan sya ng ibang mga babaeng nasa CR