The Ministry

Chapter 9: Ang Kanilang Gusto

Malalim na ang gabi at ang tanging liwanag sa mansyon ni Mr. Ganja ay ang kaunting

sinag na nagmumula sa buwang tinatakpan ng mga ulap

"At natuto ka na ring manduga sa akin?! Ikaw na mahabang panahon ko ng nakasama..." 

Sabi ni Mr. Ganja sa isang lalaki na nakaluhod sa sahig

"I-isang kahon lang naman... palampasin mo na alang-alang sa ating pagkakaibigan..."

Pagmamakaawa ng lalaki habang umiiyak

"Hmm... ang isang kahon ng Momay na yon ay mas mahalaga pa sa sinasabi mong

pagkakaibigan at kung tutuusin..." Sabi ni Mr. Ganja

Nang marinig ito ay nanginig ang tuhod ng lalaki at unti-unti nyang sinubukang tumayo

pero hinawakan siya sa ulo ng isang malaking lalaking tauhan ni Mr. Ganja...

"mas mahalaga pa yon sa buhay mo." Dugtong ni Mr. Ganja sabay talikod at lakad paalis

Iyon na ang huling salitang narinig ng lalaki sapagkat pinisil na ng tauhan ni Mr. Ganja

ang ulo nito at nadurog ito na katulad ng sa isang insekto...

"Hahaha, siguradong mas malinis kung ako ang gumawa nyan Django."

Sabi ng isa pang lalaking may hawak na espada

Tumingin sa kanya si Django at itinutok ang kamay nitong puro dugo at utak sa kanya...

"Gustong-gusto kong dumudurog ng mga tao, nakakatuwang pagmasdan. Ikaw kaya

ano ang magiging hitsura mo pagka-piniga ko ang payat mong katawan?" Tanong

ni Django sa lalaking may espada.

Napaatras ang lalaking may espada at ngumiti kay Django

"Pareho lang tayong bayaran, hindi tayo dapat nag-aaway" Sabi niya

Samantalang, nasaksihan ni Amabii ang mga nangyari mula sa bintana ng kanyang kwarto

at napasandal na lang sya sa isang pader sa nginig at kilabot sa nakita...

- - - - -

Kinabukasan sa FAT...

"Isang ektaryang lupain ang kinatitirikan ng mansyon ni Mr. Ganja. Kailangan nyong

pasukin iyon sa pamamagitan ng pagpa-panggap na kayo ay interesadong mag-angkat

at mangalakal ng Momay" Paliwanag ni Master Nok

"Papaano si Luisa?! at ang iba pang taong naroroon?" Tanong ni Miko

Nagulat sina Lean at Giel sa narinig na tanong ni Miko