ပန်းခြွေမိစ္ဆာ
နှင့်
သတ္တမမြောက် အပျိုစင်
အပိုင်း(၁)
မိန်းကလေး၏ငိုရှိုက်သံ ငြီးညူသံမှတ
ပါး မြေတိုက်ခန်းအတွင်း၌ တိတ်ဆိတ်၍နေ၏။
" မ...မလုပ်ပါနဲ့ရှင်...ကျွန်မမှာဘာအပြစ်
ရှိလို့လဲ....ဟီး....အဟင့်....ကြောက်...ကြောက်
ပါတယ်...."
မိန်းမပျို၏ဘယ်ဘက်လက်ဖဝါး တစ်ခုလုံး
လက်ကောက်ဝတ်နေရာမှစ၍ ပြတ်ရှဒါဏ်ရာ
များစွာနှင့် သွေးချင်းချင်းရဲနေ၏။သူမ၏လက်
မောင်းတစ်ဖက်စီအားအားကောင်းမောင်းသန်
ယောက်ျားနှစ်ယောက်က တစ်ဖက်စီချုပ်ကိုင်
ထားသဖြင့် သူမ၏ရုန်းကန်မှုမှာ အချည်းအနှီး
သာဖြစ်နေ၏။
သူမကြောက်လွန်းလှသဖြင့်အသားတို့ တ
ဆက်ဆက်တုန်နေရှာ၏။ ဦးမိုးမှောင်ကမိန်းမပျို
အား အနည်းငယ်မျှဂရုဏာစိတ်ဖြစ်မိဟန်မရှိ
ပါ။
ထို့နောက် သူမ၏ညာလက်ကိုချုပ်ကိုင်
ထားသော လူထွားကြီးက သူမ၏လက်ဖဝါး
အား အတင်းချုပ်ကိုင်ကာ စားပွဲတစ်ခုပေါ်သို့
တင်လိုက်၏။ မိန်းကလေးမှာသူ၏ညာလက်
ဖဝါး၏အနာဂါတ်ကို ရိပ်မိရှာသည်မို့ ရုန်းကန်
ရှာသော်လည်း အင်အားချင်းကဆင်နှင့်ဆိတ်
လိုကွာခြားလှသည်။ သူမ၏ဖြန့်လျှက်အနေအ
ထားလက်ဖဝါး မှာစားပွဲပေါ်တင်ပြီးသားဖြစ်
နေ၏။
ဦးမိုးမှောင် အဆီပြန်နေသောမျက်နှာကြီး
ဖြင့်ကျေနပ်စွာပြုံးလိုက်ပြန်ရင်း...
သူမ၏လက်ဖဝါးနှင့်လက်ဖမိုးကို ကြက်သား
ပေါင်းအနှစ်များဖြင့် စုတ်တံဖြင့်ဆေးချယ်သလို
သုတ်လိမ်းလိုက်၏။
" မလုပ်ပါနဲ့ရှင်.....ဟီး...အဟင့်...ကယ်...
ကယ်ကြပါဦး....."
သူမ၏သနားစဖွယ် အကူအညီတောင်း
ခံသည့်အသံမှာ မြေတိုက်ခန်းအတွင်း၌ဖြစ်၍
မည်သူမှကြားနိုင်မည်မဟုတ်ပါ။
ဦးမိုးမှောင်က လေးထောင့်စပ်စပ်ဖန်
သေတ္တာကို (ငါးမွေးသည့်မှန်ပုံးကဲ့သို့အထူစား
ဖန်သေတ္တာ)အနည်းငယ်နေရာရွှေ့လိုက်ပြန်၏။
မှန်ပုံးအတွင်း၌ မြေကြွက်ဆယ်ကောင်ဝန်းကျင်
ခန့်ကို အသည်းယားစဖွယ်တွေ့လိုက်ရ၏။
မြေကြွက်ကြီးများမှာ ဖန်ပုံးအတွင်းရောက်လာ
မည့်မည်သည့်အစားအစာကိုမဆို ကိုက်ဖဲ့စား
သောက်ရန် အသင့်ရှိနေသောပုံစံရှိနေ၏။
YOU ARE READING
ဆရာဇာမဏီရေးသားသော ဂမ္ဘီရဆန်းကြယ်ပရလောက၀တ္ထုများပေါင်းချုပ်(ခွင့်ပြုချက်ရပြီး)
Horrorဆရာဇာမဏီရေးသားထားသော ဂမ္ဘီရဆန်းကြယ် ပရလောကဇာတ်လမ်းတွဲကို စိတ်၀င်စားရင် ၀င်ရောက်ဖတ်ရှုနိုင်ပါတယ်ရှင့်။ ဆရာဇာမဏီရေးသားထားတဲ့၀တ္ထုတိုင်းကို ပြန်လည်ကူးယူဖော်ပြခွင့်ပြုတဲ့ ခွင့်ပြုချက်လည်း ရထားပြီးပါပြီ။😇😇😇
