Legends of God's Children [School of Magic]

Chapter XVIII

Chapter XVIII: Not Enough

---

ANG labanan sa pagitan nila Shawn at Lucy at ng sampung diyablo ay patuloy parin na nagaganap. Ang mga diyablo ay unti unti ng humihina. Habang ang dalawang bata naman ay patuloy na lumalakas ang taglay na aura.

Ang laban na ito ng dalawang bata ay isang pambihirang kaganapan dahil sa kakaibang kakayahan ng dalawang bata na walang takot na lumalaban sa mga diyablo. Samantala ang mga guro at estudyante ng Magica Elite Academy ay lumilipad papunta sa lugar kung saan mayroong nagaganap na labanan.

Ang mga ito ay nababalutan ng ibat ibang kulay ng Aura. Karamihan sa mga ito ay nasa B class at ang mga guro ay nasa A class at S class. Ang mga ito ay patungo ngayon sa lugar kung saan nagpatawag ng backup ang head ng Magical Department.

Bihira lamang ito tumawag ng backup, kaya naman laking gulat nila na tumawag ito sa kanilang tanggapan. At natitiyak nila na may mga mapanganib na kalaban na bigla na lamang sumulpot.

Samantala si Shawn ay mabilis na umatake sa isa sa mga diyablo, sa pamamagitan ng kaniyang mga binti ay mabilis siyang umikot-ikot sa ere, habang ang kaniyang mga paa ay nababalutan ng naglalagablab na apoy.

Sa muling pagkakataon nga ay nagkaroon ng pagsabog sa himpapawid dahil sa ginawang atake ni Shawn. Ang diyablo na tinamaan ng atakeng iyon ay tuluyan ng bumulusok paibaba. Dahilan para sila Sebastian, Akari at Jay-ar ay umiwas. Dahil malapit sa kanilang kinatatayuan ang pagbabagsakan ng halimaw.

Nagkaroon ng malakas na pagyanig at kasunod noon ay ang malakas na pagsabog sa ibaba kung saan bumagsak ang diyablo na direktang tinamaan ng atake ni Shawn. Samantala si Lucy naman ay mabilis na lumilipad habang nilalabanan niya ang apat na diyablo. Nagagawa niyang makipag sabayan sa mga ito, gamit lamang ang kaniyang mga kamao at paa na nababalutan ng makapal na enerhiya ng kaniyang aura.

Kahit siya ay nakikipag sabayan sa mga ito gamit lamang ang kaniyang mga simpleng atake, ay nagdudulot naman ito ng malakas na impak dahil sa pisikal na lakas na tinataglay ni Lucy. Ang apat na diyablo naman ay nakakaramdam na ng matinding pagod. Subalit ang batang babae na kanilang pinagtutulungan ay hindi nila mapabagsak.

Tinatamaan nila ito pero mabilis naman na gumaganti ito ng mga malalakas na suntok. Na nagpapayanig sa kanilang malalaking katawan. Ilang sandal na lamang ay malapit na silang bumagsak katulad ng nangyari sa iba nilang kasama.

Samantala sa itaas naman ay patuloy na pinanonood nila Edrian ang nagaganap na labanan. Sila nga ay namamangha sa kanilang nasisilayan. Nakikita ngayon ni Edrian ang kakaibang potensyal ni Shawn. Hindi pa niya ito nakikita sa kaniyang estudyante noong ito ay kaniya sinasanay.

Ang lakas na ipinapakita nito ay mas malayo sa lakas na inaasahan niya na ipapamalas nito. Sa kasalukuyang kalagayan nito sa ngayon ay kaunting mga galawan pa lamang ang nagagawa nito. Ang mga mabibilis na pag-sipa at pag-suntok nito ay normal na mga galawan lamang nito subalit sapat na ang mga ito, base sa ipinapakitang galling nito sa pakikipag-laban.

Samantala napapatingin naman si Elena sa kasama ni shawn na lumalaban sa mga diyablo. Hindi niya akalain na ang batang mahiyain na ito ay may ganitong uri ng kakayahan sa pakikipag-laban. Base sa ipinapakita nito. Ay mas nagagawa niyang makipag-palitan ng mga malalakas na atake gamit lamang ang pisikal na lakas nito.

Nakakaramdam ng kakaibang enerhiya si Elena mula sa aura ng batang si lucy. May hindi tama mula rito, para sa isang batang katulad ng batang ito ay may kakaibang kapangyarihan ang isang ito. Ang pagkakaroon ng kundisyon na pagbabago ng pag-uugali ay kakaiba sa isang Gods Children na gaya ni Lucy.

At higit sa lahat kanina pa niya napapansin na hindi gumagamit ng kaniyang taglay na elemento ang batang si Lucy. At tanging ang lakas ng taglay nitong enerhiya ang ginagamit niyang panlaban sa mga diyablo.